O le a le Feagaiga Fou?

O le Talalelei e Tusa ma le Faamatalaga a Mareko
Mareko 10 (tagai foi Mataio 19:16–30; 20:20–34;
Luka 18:15–43). O mea tatou te mananao i ai e
faaalia ai mea o i totonu o o tatou loto ma aafia
ai mea tatou te mauaina. (25–30 minute)
Fai atu i au tamaiti o le vasega e mafaufau faapea ua latou
maua se faatalanoaga na o i latou ma le Faaola ma e mafai
ona latou talosaga atu i ai mo se faamanuiaga e tasi. Tuu atu ia
i latou se minute e mafaufau ai e uiga i lea o le a latou ole atu
ai, ae ia lapataiina i latou ina ia aua e’i tauina atu i soo se tasi.
Ia tusi i luga o le laupapa, O le a le mea e sili ona taua ia ______?
Ta’u atu i tamaiti o le vasega e i ai nisi tagata latou te mauaina
le avanoa. Ia iloiloina faatasi ma au tamaiti o le vasega ia tala
faatusipaia nei o loo i le Mareko 10 ma tusi i luga o le laupapa
ia mea e foliga mai e sili ona taua i tagata o loo lisiina atu i lalo:
• Fuaiupu 17–22: o le aoao tulafono talavou
• Fuaiupu 25–30: Peteru
• Fuaiupu 35–41: Iakopo ma Ioane
• Fuaiupu 46–52: Patimaio
• Fuaiupu 32–34: Iesu
Fesili atu:
• O le a le mea na tupu i nei tagata uma e toalima?
• O a manaoga e sili atu ona tauia e faavavau nai lo isi?
• O le a le mea o loo aoaoina mai e nei tala ia i tatou e uiga
i aafiaga e mafai e o tatou manaoga ona faia i o tatou olaga?
(tagai Alema 41:3–7).
Tusi le upu oe i le avanoa o loo i luga o le laupapa ma tuu atu
i tamaiti o le vasega e taliina le fesili e i latou lava. Fai atu ia
i latou e mafaufau e uiga i se mea e ono tupu ia i latou pe afai
e lelei pe leaga o latou manaoga. Fai atu ia i latou e mafaufau
po o le a le mea atonu e tupu pe afai e le suia o latou manaoga.
Fesili atu: O le a se mea e mafai ona tatou faia ina ia avea ai
o tatou manaoga ma manaoga e faavavau ma faapei o Keriso?
(tagai 2 Nifae 31:20; Enosa 1:1–6; Moronae 10:32–33).
Mareko 11:12 (tagai foi Mataio 21:18). Na oo
Iesu le fia ai, fia inu, le lava, tiga, ma faaosoosoga,
ua ua iloa ai foi ona faamafanafana ma
fesoasoani mai ia i tatou. (15–20 minute)
Aumai i le vasega nisi o ata mai mekasini po o nusipepa o ni
mafatiaga o tagata (e pei o le oge, maliliu o e ua pele, lologa, afi,
po o taua). Fesili atu i tamaiti o le vasega pe i ai se tasi o i latou
ua oo i soo se mea faapea e pei ona faaalia mai i nei ata (mo se
faataitaiga, pe sa latou matuai fia aai pe mafatia i se lologa po
o se mu). Afai e le matuai patino i se tagata pe faigata foi, ia
valaaulia i latou e faamatala atu le mea na tupu ia i latou.
Fesili atu:
70
• O le a se lagona na oo ia te oe i le vaai atu i isi o puapuagatia
e pei o oe pe sili atu foi nai lo oe?
• Pe tutusa ea ou lagona pe afai e te le’i mafatia ai lava?
• Aisea tatou te matele atu ai i le lagonaina o le alofa mo isi
pe afai sa tatou oo foi i tatou i ni o tatou puapuaga?
Ta’u atu i tamaiti o le vasega faapea o le mataupu e 11 o le
Mareko e amataina ai lana tusi i le vaiaso mulimuli o le soifuaga
o le Faaola. Tuu atu ia i latou e faitauina le Mareko 11:12;
Ioane 19:28; Mosaea3:7; Alema 7:11–13; ma le MFF 19:15–19
ma lisi i lalo ituaiga mea na puapuagatia ai Iesu. Fesili atu:
• O le a se mea o loo aoaoina mai e nei fuaiupu ia i tatou
e uiga ia Iesu?
• Aisea na sili atu ai ona puapuagatia ia Iesu nai lo i tatou?
• Aisea o le a avea ai na puapuaga ma auala o le a avea ai
o Ia ma faamasino lelei i o tatou olaga?
Tuu atu i au tamaiti o le vasega e tusi i luga o se fasi pepa po
o le a se lagona e oo ia i latou i le iloaina lea o le naunau o le
Faaola e puapuaga i nei mea uma mo i tatou. Afai e te lagonaina
e talafeagai, ia valaaulia nisi o tamaiti o le vasega e fetufaai
atu i le vasega mea na latou tusia.
Mareko 11:12–14, 19–26 (tagai foi Mataio
21:18–22). Afai tatou te tatalo i le faatuatua,
o le a tuuina mai e le Tama Faalelagi ia i tatou le
mea tonu ma sili ona lelei mo i tatou. (35– 45 minute)
S M T W TH F S
Fai atu i tamaiti o le vasega e ta’u mai uma ia vavega na faia
e Iesu e mafai ona latou mafaufau i ai, ma faia se lisi vave o na
vavega i luga o le laupapa. Ona tuu atu lea ia i latou e faitauina
le Mareko 11:12–14, 19–20 e vaai ai pe faapefea ona ese le vavega
na faia e Iesu iina mai isi vavega uma. Tuu atu i tamaiti o le
vasega e faitauina le Mareko 11:21–24, ma fesili atu: O le a le
lesona na aumaia e Iesu mai le vavega o le fetuuina o le laau
o le mati?
Ta’u atu i tamaiti o le vasega: Faapea la e i ai sau uo ua manao
ia te oe e te fesoasoani atu ia te ia ina ia atinaeina le ituaiga
faatuatua lea na faamatalaina e Iesu i nei fuaiupu. O le a se
fautuaga e mafai ona e tuuina atu ia te ia? Ina ia fesoasoani
i tamaiti o le vasega i lenei fesili, ia talanoaina o se vaega le
vaega lenei:
• E faapefea ona manaomia e se tasi le faatuatua i le tulaga
muamua lava? (O le faatuatua o se meaalofa mai le Atua;
tagai 1 Nifae 10:17; MFF 46:13–14.)
• O le a se mea e tatau ona tatou faia ina ia atinaeina ai le
faatuatua? (Ia usiusitai ma lotomaualalo, saili ma le maelega,
ma ole atu mo le meaalofa o le faatuatua; tagai Ioane 7:17;
1 Nifae 10:18–19; Alema 32:21–27.)