O le a le Feagaiga Fou?

i tafatafa o le ata i luga o le laupapa ia igoa latou te maua. Fesili:
O a mea o lo o ta’u mai i ia igoa e uiga i le misiona a le Faaola?
Ia tautino atu o le tusi o Faaaliga o se molimau i le misiona
a Iesu Keriso e faato’ilaloina ai Satani ma faasaoina ai le fanau
a le Atua. Uuna’ia tagata o le vasega e mata’ituina ia faailoga
e faaali mai ai e moni lenei molimau a o latou aoaoina le toega
o le tusi o Faaaliga. (Manatua: Mafaufau e faaaoga i i le gaoioiga
A mo le Faaaliga 1 o loo i le taiala suesue a le tagata.)
Faaaliga 2–3. Ona e alofa le Alii ia i tatou, o lea
ua Ia a’oa’iina ai i tatou ina ia tatou salamo. A
o tatou salamo, e fesoasoani mai o Ia ina ia tatou
manumalo i le lalolagi, ina ia mafai ai ona tatou
mauaina ia faamanuiaga o le faaolataga.
(35–40 minute)
Ta’u atu i tagata o le vasega sa faigata i lena vaitaimi ona avea
ma soo o Keriso, ina ua mauaina e Ioane le faaaliga e pei ona
tusia i le tusi o Faaaliga. Na luitauina e sauaga mata’utia ma
aoaoga pepelo le faatuatua o tagata o le ekalesia. O loo
folafolaina mai e le Alii i le mataupu e 2–3 e ui ina to’atele e ua
sese, afai latou te salamo ma manumalo i le lalolagi, o le a mafai
lava ona latou olioli i faamanuiaga o le faaolataga.
Faamalamalama atu o le Faaaliga 2–3 o loo faat°t° atu i tagata
o le ekalesia i laumua e fitu oi Asia. Na faaalia e le Alii ia
Ioane ia latou malosiaga ma vaivaiga ma ta’u atu ia te ia e tusia
ni tusi i lala uma e fitu o le Ekalesia
Vaevae le vasega i ni vaega se fitu ma tofia ia vaega taitasi
latou te “asia” ia vaega taitasi e fitu o le Ekalesia. Ia latou
sueina o latou laumua i le faafanua 8 i le Taiala mo Tusitusiga
Paia. Tuu atu ia i latou ni kopi o le siata “O Ekalesia e Fitu
i Asia (Faaaliga 2–3)” mai i le (itulau 294–95) ma faatumu le
avanoa mo le latou laumua. Fai i le vasega e fetufaa’i ia mea
ua latou aoaoina, aemaise ia mea lelei ma mea sese ua faia
e ekalesia, ma le faasa’oina e le Alii.
Fesili i tagata o le vasega
• O le a sou lagona pe a otegia oe e se isi tagata?
• Afai e alofa le Atua ia i tatou, aisea o le a a’oa’i ai i tatou e Ia?
Faitau le Mataupu Faavae ma Feagaiga 95:1 ma talanoaina pe
faapefea ona fesoasoani le a’oa’iina tatou te salamo ai ma
maua le faamagaloina.
• E faapefea ona a’oa’iina i tatou e le Tama Faalelagi? (E ala
mai i le Agaga, tusitusiga paia, taitai o le Ekalesia, o matua.)
• E mafai faapefea i lenei fuaiupu ona aafia ai le ala tatou
te tali atu ai i a’oa’iga?
• O a faamanuiaga e o o mai i e e manumalo i le lalolagi ma
tumau e o o i le faaiuga.?
Faitau le Faaaliga 1:6 ma le Mataupu Faavae ma Feagaiga
76:53–57 ma mataituina ia le tulaga e oo i ai a tatou galuega
faamaoni. Ia lu’iina ia tagata o le vasega ina ia matua naunau
e avea ma soo o Iesu Keriso. Faitau le faamatalaga lenei:
257
Faatomuaga
Faaaliga 4–5
O le Faaaliga mataupu 4 o lo o amata ai faaaliga a Ioane mo le
lumana’i. Na vaaia e Ioane se faitotoa i le lagi ua avanoa ma
sa valaaulia ai o ia “ina sau ia i luga nei” ma sei vaai i fuafuaga
a le Atua mai se tulaga paia. O iina na ia vaai ai i le nofoalii o le
Atua, le laueleele i lona tulaga faaselesitila, ma le to’atele o
tagata ua faaeaina o lo o pepese ma vivii i le Atua ma le Tamai
Mamoe. O le iuga manuia lenei mo le fanau faamaoni uma a le
Atua mai i tisipenisione uma. Ua faataunuuina lenei mea ona
o Iesu Keriso “Le leona o le ituaiga o Iuta,” (Faaaliga 5:5) ua
“faatauina foi i matou i Lona] mo le Atua” (f.9) ina ia mafai ai
ona avea tatou ma “tupu ma faitaulaga” i le Atua (f.10).
Ia suesue ma le agaga tatalo le Faaaliga 4–5 ma manatunatu
i mataupu faavae nei a e le’i saunia au lesona.
O ni Mataupu
Faavae Taua o le Ekalesia e te Sailia
Faaaliga 4–5
“E ui ina a’oa’iina e le Alii lona nuu i le olaga faaletino,
ae o a’oa’iga o le a faapalenia i lona alofa tunoa ma le
faamagaloina pe a faalogo ma usitai lana fanau ia te ia
(MFF 101:2–9; 3 Nifae 22:8–10). O i latou uma o le a sao
mai i le to’asa o le Atua o le a aofia ai tagata uma
e salamo ma tausia poloaiga, ma saunia i latou mo le
itula o le faamasinoga o le a oo mai, faapotopotoina
‘faatasi i le nuu o Siona ma ona siteki o le nofoaga
mo le sulufaiga (MFF 115:6; [faatusatusa] Alema
12:33–37; 13:30; MFF 88:76–88; 98:22). O le to’asa o le
Atua e aoga, aua o å alofagia e ia, na e a’oa’iina foi
(MFF 95:1; [faatusatusa] Eperu 12:6–11)” (“Wrath of
God, “ Encyclopedia of Mormonism 4:1598).
• O lo tatou Tama Faalelagi o le na faia mea uma, ma o i latou
uma e faaolaina i le malo selesitila o le a tapua’i ia te Ia (tagai
Faaaliga 4; 5:13–14; tagai fo’i i le Isaia 6:2–3; MFF 88:104).
• O le umi o le i ai o lenei laueleele e fitu afe tausaga mai i le
Pau o Atamu e oo atu i le faaiuga o le Meleniuma. A mae’a
lena ona avea loa lea o lenei laueleele ma malo selesitila ma
o le a nofoia e le to’atele o atalii ma afafine o le Atua o e ua
faaeaina e ala mai i le Togiola a Iesu Keriso (tagai Faaaliga
5:1, 9–11; tagai fo’i Faaaliga 7:9–10, MFF:6–7, 12).
• O meaola uma o le a viia le Tamai Mamoe a le Atua, o le na
fasiotia e faaolaina ai i tatou i Lona malo (tagai Faaaliga
5:1, 9–11; tagai fo’i i le Isaia 45:22–23).