O le a le Feagaiga Fou?

O LE FAAALIGA A IOANE L‰ PAIA
O le tusi o le Faaaliga i nisi taimi e faaigoina o le Apokalifa, ma
o lona uiga i le faaEleni o le “faaaliga,” ‘tatalaina”, po o le
“faailoa.” O le Faaaliga o loo tusia ai e Ioane mea na faaali atu
e Iesu Keriso ia te ia i se faaaliga, “o mea e tusa ona vave oo
mai” (Faaaliga 1:1). O le faamoemoega o le tusi ia manuia ai
i latou e faalogo “i upu o lenei valoaga, ma tausi i mea ua
tusia ai” (f. 3).
Na saunoa mai le Perofeta o Iosefa Samita faapea, “o le tusi
o Faaaliga o se tasi o tusi e sili ona malamalama gofie ua
finagalo le Atua ina ia tusia. (Teachings of the Prophet Joseph
Smith, 290). E ui ina tamaoaiga i tala faafaatusa ma faailoga
e faafaigata ona malamalamaina, ae o autu o le tusi e faigofie
ma e maua ai ia musumusuga. E pei ona tusia e se tagata
atamai o le Ekalesia: “E mafai ona tatou pei o le Au Paia
Muamua, ia tatou mata’ituina ma saunia. E mafai ona tatou
magafagafa, ma matua mataala i soo se ituaiga o mea leaga.
E mafai ona tatou mauaina se faamafanafanaga i le mautinoaina
o lo o ta’ita’i le Atua o le Lagi, ma o lo o pulefaamalumalu o Ia
i mataupu a alii ma tamaitai, ma o le amiotonu paia ma le alofa
faamagalo o le a taitaiina ai ma tauia le Au Paia” o le a tuuina
atu ai ia le taui o le Au Paia” (Robert L. Millet, “Revelation of
John Offers Recurring Lessons, Doctrinal Refrains and Hope,”
Church News. 23 Dec. 1995, 10).
Tusitala: O Ioane, le atalii o Sepetaio ma le soo faapelepele
o Iesu Keriso (Mataio 4:21–22) na tusia lenei tusi (tagai 1 Nifae
14:18–27; tagai foi Taiala i Tusitusiga Paia, “Ioane.”
O e na Tusi i Ai: O le tusi o Faaaliga na tusia ma faatuatusi
i lala e fitu o le Ekalesia i Asia (tagai Faaaliga 2–3). A e peitai e le
faapitoa le tusi o le Faaaliga mo na o i latou ia. Na saunoa le
Perofeta o Iosefa Samita “Na iloaina e Ioane na o mea ua
faataatia atu mo le lumana’i” (Teachings. 289), ma avea ai ma
mea e aafia ai ia le Au Paia o lo o soifua i aso e gata ai. Na
faaalia e le Alii ia Moronae, afai ae salamo le Au Paia o aso
e gata ai ma toe iloa a latou feagaiga, “ona folafolaina atu ai
lea i luma o tagata uma lava o a’u faaaliga na ou poloaiina ai
la’u auauna o Ioane na te tusia” (Eteru 4:16; tagai ff. 14–17).
Talaaga Faasolopito: O le Faaaliga na tusia i le taimi a o tetele
ia sauaga faasaga i le Au Paia. E pei lava o sauaga nei sa faia
e Roma a lå o le taimi o le nofoaiga a Nero (T.A. 54–68) po
o Tomitiana (T.A. 81–96). O Tomitiana sa faasalaina i latou e lå
taupua’i i atua ua faamaonia e le malo, ma o le to’atele sa le
usita’i sa fasiotia pe faatafea ma tagata faaaunuua i le taimi
o lana nofoaiga. Na tusia e Ioane le tusi mai le motu o Patamo,
o se nofoaga e fai ai faasalaga i Roma, ma o iina sa faaaunuua
ai o ia “ona o le upu a le Atua, ma le molimau ia Iesu Keriso”
(tagai Faaaliga 1:9.)
Faatasi ai ma sauaga tetele mai fafo, na mafatia fo’i ia le
Ekalesia mai i le liliuese mai i totonu o le Ekalesia lava ia. Na
fai mai ia Paulo [o le a] oo mai ia te outou “luko saua” o e le
faasaoina le lafu mamoe” (Galuega 20:29). Na faataunuuina le
valoaga a Paulo i le latalata i le faai’uga o le senituri muamua
T.A. O le leo o lapataiga e faasaga i faiaoga ma mataupu faavae
253
pepelo e pei ona i ai i tusitusiga a Ioane ma le Faaaliga 2–3 o lo
o faailoa mai ai le ogaoga o le liliuese ua i totonu o le Ekalesia
i ona aso (tagai Taiala i Tusitusiga Paia “Tusi a Ioane ”).
Autu: “O le savali a le Faaaliga e tutusa lelei ma isi tusitusiga
paia; o le a i’u ina manumalo ia le Atua i le fili i luga o le
fogaeleele; o se manumalo tumau mai le fili, o le au paia i e sa
faasaua ia i latou, o le malo o le Atua e manumalo i malo
o tagata ma Satani” (Bible Dictionary, “Revelation of John,” 762).
Na faalautele atu e Ioane le savali o le faamoemoe i tagata
uma o e ua latou mafai ona tetee atu i faaosoosoga a le lalolagi
(tagai Faaaliga 2:7, 11, 17, 26; 3:5, 12, 21).
Faatomuaga
Faaaliga 1–3
E mafai ona vaevaeina le tusi o Faaaliga i ni vaega se lua: o se
faaaliga i ona po o Ioane (mataupu 1–3) ma le faaaliga mo le
lumana’i (mataupu 4–22). O loo amata le tusi i faaaliga na
mauaina e Ioane i le aso Sapati, o Iesu Keriso o lo o tu i lona
mamalu faatasi ma ni tuugalamepa se fitu o le faatusa “o
ekalesia e fitu i Asia” (Faaaliga 1:11). E ui ina mafatia ia le Au
Paia i le taimi o Ioane ona o le liliuese ma sauaga, ae sa latou
mauaina se faamafanafanaga i le faatusa o le Alii o lo o tutu
faatasi ma i latou. I le mataupu e 2–3, o lo o faaalia ai e le Alii
i ekalesia e fitu o latou malosiaga ma vaivaiga ma valaauina
i latou e saunia mo le lumana’i e ala i le salamo ma le aoao
ina ia manumalo mai le lalolagi.
Ia suesue ma le agaga tatalo le Faaaliga 1–3 ma manatunatu
i mataupu faavae nei a e le’i saunia au lesona.
O ni Mataupu
Faavae Taua o le Ekalesia e te Sailia
• A tatou usita’ia ia faaaliga a le Atua, o le a Ia taitai i tatou
e toe fo’i atu i Lona afioaga (tagai Faaaliga 1:1–3; tagai foi
Faaaliga 22:7; 1 Nifae 10:17–19).
• A toe afio mai Iesu i le fogaeleele, ma ana “au paia e
manomano,” “e iloa atu foi o ia e mata o tagata uma” ma
o le a auå i latou e amioleaga (tagai fo’i 1 Tesalonia 4:14–18;
Iuta 1:14–16; MFF 88:95–98; 101:23–24).
• E mafai ona tatou manumalo i le lalolagi ma mauaina ia
faamanuiaga faaleatua e ala i le mana o Iesu Keriso (tagai
Faaaliga 2:2–3, 7, 10–11, 17, 26–28; 3:5, 8, 11–12, 21; tagai foi
Faaaliga 5:10; 7:9–17; 21:7; MFF 101:35–38).
• Talu ai e alofa lo tatou Tama Faalelagi i Lana fanau, o lea e
a’oa’iina ai i latou ina ia latou salamo (tagai Faaaliga 2:4–5, 14–
16, 20–23; 3:2–3, 19; tagai fo’i i le Helamana 15:3; MFF 95:1–3).