O le a le Feagaiga Fou?

O le Talalelei e Tusa ma le Faamatalaga a Mataio
• O a isi tiutetauave e o mai faatasi ma lenei pule?
• E faapefea ona tuu mai lenei pule e galue ai mo le Alii?
(tagai Mataupu Faavae o le Faatuatua 1:5).
• O fea o i ai lenei pule i aso nei? Na faapefea ona oo mai?
(tagai Talafaasolopito—Iosefa Samita 2:72).
• O a ni faamaoniga o loo ia i tatou i le Ekalesia i aso nei
e faaalia ai na toefuataiina mai le perisitua?
• Na faapefea ona e molimauina le mana o le perisitua i lou
olaga? (Faaaliga: Aua ne’i faamalosia ia ni tali e matuai
patino i le tagata lava ia.)
Ia fetufaai atu ia le vaega lenei i tamaiti o le vasega e faamalamalama
atu ai le tulaga moni lenei faapea o le mana lava o le
perisitua lea na tuuina atu e Iesu i Ana Aposetolo o loo i ai pea
i aso nei. O le mea na tupu, na ma’i tigaina toetoe a oti ia Ella
Jensen, le tama a le tuafafine o Peresitene Lorenzo Snow
e sefuluiva ona tausaga le matua i le fiva. Na talosagaina
e matua o Ela ia Peresitene Snow, o lå na o mai faatasi ma
Rudger Clawson, o le peresitene o le siteki a Ela ma mulimuli
ane avea ma Peresitene o le Korama a Aposetolo e Toasefululua.
Na faamatalaina e Peresitene Clawson:
“Ina ua ma ulufale atu i le fale, sa matou feiloai ma le
Tuafafine o Jensen, o lå sa matuai lå mautonu lava ma
mataalia. Na ma oo atu i tafatafa o le moega o Ela. . . .
“Na faliu mai Peresitene Snow ma faapea mai ia te au:
‘Le Uso e Clawson, pe e te faauuina o ia,’ ona ou faia loa
lea. Ona ma faaee lea o o ma lima i luga o le ulu ma sa
faamauina le faauuga e Peresitene Snow, o lå na faamanuiaina
o ia faapea ma isi mea, ma faaaogaina lenei
faaupuga, i se faaleoga faapoloa‘iina, ‘Foi mai Ela, foi
mai. O lau galuega i le lalolagi e le’i mae’a, fo’i mai.’“
Na faaauauina e le tama o Ela, o Jacob Jensen le tala:
“Ina ua maea le tuuina atu e Peresitene Snow o le
faamanuiaga, sa ia faliu mai i lo’u toalua ma a’u ma
faapea mai; ‘Ia aua loa ne’i toe faanoanoa pe toe tagi.
O le a lelei mea uma. O loo pisi lava i ma’ua ma le
Uso o Clawson ma ua tatau ona ma o. ...’
“Na tumau ai ia Ela i le tulaga lenei mo le sili atu ma se
itula ina ua mavae ona faamanuiaina o ia e Peresitene
Snow, po o le silia atu foi ma le tolu itula talu ona oti
o ia. Sa ma nonofo ai iina i tafatafa o lona moega ma
maitauina o ia, ae na faateia i ma’ua ma lona tina ina
ua ma vaaia le pupula o ona mata. Sa fetilotilofai solo
o ia i totonu o le potu, ma iloa ai i ma’ua o loo ma
nonofo ai iina, ae o loo i ai lava le tagata o loo ia sailia,
ma o le mea muamua lava sa ia tautala ai: ‘O fea o ia?
O fea o ia?‘ Na ma fesili atu, ‘O ai? O fea ia ai?‘ ’Aisea,
34
o Brother Snow,’ na ia tali mai ai. ‘Na ia toe faafoi
mai a’u.’“ (i le LeRoi C. Snow, “Raised from the Dead,”
Improvement Era, Sept. 1929, 885–86).
Na toe manuia ia Ela mai le ma’i, sa auauna i le Ekalesia, ma
faaipoipo atu ia Henry Wright, ma sa maua se fanau e toavalu.
Manatunatu i le tuuina tau o fesili nei:
• E mafai faapefea e le iloaina o le mana o le Atua o loo i ai
i le lalolagi i aso nei ona aafia ai i tatou?
• E mafai faapefea e lena malamalamaaga ona avea ma se
faamanuiaga i faifeautalai?
• E mafai faapefea ona aafia ai le tama po o le tina o se
tamaitiiti ma’i?
• O le a se suiga ua faia e lenei mana i lou olaga?
• O a sauniga o le perisitua ua e mauaina i lou olaga?
Ia molimau atu i le moni o le mana o le Atua i le lalolagi
i aso nei.
Mataio 10:5–15, 21–35 (tagai foi Mareko 6:8–11;
Luka 9:3–5). Na filifilia e le Alii Ana Aposetolo ma
tuuina atu ia i latou le mana o le perisitua.
(20–25 minute)
Faaali atu se ata o Aposetolo e Toasefululua o loo i ai nei. Afai
o au ata o loo i ai ma igoa, ona ufiufi lea o igoa. Tuu atu i
tamaiti latou te ta’u maia ma faailoa mai ia ni Aposetolo latou
te mafaia ma tusi ia igoa o loo ufiufia. A maea ona e lisiina
uma ia igoa, ona tuuina atu lea o fesili e pei o nei:
• O a mea taua e te iloaina e uiga i soo se Aposetolo?
• O a nisi o tala e te fiafia lava i ai e uiga i soo se tasi o nei alii?
• O a ni lauga na latou tuuina mai na aafia ai lou olaga?
Fai atu i tamaiti o le vasega e faitau le mataupu faavae e lima
o le faatuatua ma vaai po o le a le mea o loo aoao mai ai e uiga
i le auala e valaauina ai se Aposetolo (tagai foi Luka 6:12–13).
Sue faatasi ma tamaiti o le vasega i le Mataio 10:1–4 ma vaai
ia igoa o uluai Aposetolo a Iesu Keriso. A o sailia e tamaiti o le
vasega o latou igoa, ia faapea ona lisiina i luga o le laupapa. Ia
molimau atu faapea o nei alii o ni tagata moni lava, ma, e pei
foi o a tatou Aposetolo i aso nei e matuai tele so latou aafiaga
i olaga o le toatele o tagata.
Fai atu i tamaiti o le vasega e faitau le Mataio 10:5–7 ma vaai
ai mo se mafuaaga tonu na filifilia ai e le Alii ia Aposetolo
e Toasefululua (tagai foi MFF 29:12). Ia faailoa atu faapea o le
aofaiga o Aposetolo e faatatau lea i le aofaiga o ituaiga
o Isaraelu aua o Aposetolo e Toasefululua e aoaoina ma o le
a fesoasoani i le faamasinoina o Isaraelu. Faitau le saunoaga
lenei mai ia Elder Orson Pratt, o se tasi o le Korama a le
Toasefululua: