O le a le Feagaiga Fou?

O le Talalelei e Tusa ma le Faamatalaga a Mataio
“E tatau ona tatou galulue e taofiofia le tai fana’e
o agasala ma le amioleaga nai lo le taitaieseina atu ai
o i tatou. Tatou te manaomia uma le fesoasoani e foia
ai faafitauli nai lo le le amanaiaina po o le teenaina.
Ou te fiafia i si tamai solo lenei:
“O vai uma lava i le lalolagi
E tusa lava po o le a lona mat°t°
E le mafai lava ona goto ai se tamai vaa
Seiloga lava e sao i totonu.
O mea leaga uma lava o loo i le lalolagi
Ma ituaiga agasala uma
E le mafai ona faaleagaina ai le agaga o le tagata
Seiloga tatou te faatagaina i totonu”
(i le Conference Report, Ape. 1989, 101;
po o le Liahona, Iulai 1989, 80).
Mataio 16:15–19 (Mau Tauloto tagai foi
Mareko 8:29; Luka 9:20). O molimau
e maua mai i faaaliga e ala mai le Agaga Paia.
(20–25 minute)
Faaaliga: O lenei fautuaga e aoao atu ai e mulimuli tonu lava
i le Mataio 16:1–4.
Ia valaaulia tamaiti o le vasega e mafaufau ia Nifae ma ona
uso i totonu o le Tusi a Mamona. Fesili atu:
• O le a le mea na faia e uso matutua o Nifae ia te ia ina ua
faatoilaloina faalua i latou e taumafai e aumai ia papatusi
apamemea? (Sa latou sasa ia te ia; tagai 1 Nifae 3:28.)
• O le a le isi mea na tupu? (Sa faaali atu se agelu; tagai f. 29.)
• O ai o le au uso na vaai i le agelu?
• Faitau le 1 Nifae 3:31. Tou te manatu o le vaai i se agelu
na maua ai e Lamana ma Lemuelu se molimau? Aisea na
maua ai pe aisea foi na le maua ai?
Faatusatusa le Mataio 16:1–4 i le Mataio 16:15–17 ma tali
i fesili nei:
• O le a so outou manatu aisea na mananao ai le au Faresaio
ma le au Satukaio e vaai i se faailoga?
• Pe o le vaai ea i se faailoga e maua ai e i latou le faatuatua?
Aisea na maua ai pe aisea foi na le maua ai?
• Na faapefea ona faaalia e Peteru lona faatuatua o Iesu
o le Keriso?
• O le a le fetalaiga a Iesu i le mafuaaga o le malamalama
o Peteru?
Ia valaaulia tamaiti o le vasega e faitauina le 1 Tupu 19:9–12,
ma fai atu ia i latou e faatatau mea na latou aoaoina mai nei
fuaiupu i Faresaio faapea ma Peteru. Na faapea mai ia
Peresitene Iosefa Filitia Samita o le iloaina o Iesu o le Alo o le
Atua ma le Faaola o tagata “e oo mai i le na o le molimau lava
a le Agaga Paia. E mafai e tagata ona talitonu o Iesu o le Keriso,
44
ae o le iloaina e moomia ai faaaliga mai le Agaga Paia”
(The Way to Perfection [1978], 158).
E tusa ai ma le saunoaga a Peresitene Samita, o le a le auala
e tasi lea e mafai ona tatou maua ai se molimau? Faitau le
Mataupu Faavae ma Feagaiga 8:2; 9:8 ma fesili atu: O le a
faapefea ona tatou lagonaina le molimau a le Agaga Paia ia
i tatou i le moni o le talalelei?
Fai atu i tamaiti o le vasega e faitau le Mataio 16:18–19 ma
vaai i ai po o a faamanuiaga na maua e Peteru ina ua uma
ona fetufaai atu lana molimau. Faitau fuaiupu nei ina ia iloa
ai nisi o faamanuiaga faaopoopo tatou te mauaina mai le i ai
o le faatuatua ma se molimau:
• Roma 5:1 (filemu e ala mai ia Iesu Keriso).
• Mamona 9:21 (o le faatuatua e moomia e maua ai tali
i a tatou tatalo).
• Mataupu Faavae ma Feagaiga 42:12–14 (o le malosi e aoao
atu ai e ala i le mana o le Agaga Paia).
• Mataupu Faavae ma Feagaiga 52:9 (o le malosi e aoaoina
ai i lea lava Agaga e tasi).
• Mataupu Faavae ma Feagaiga 121:45 (o le talitonuga e tu ai
i luma o le Atua).
Ia valaaulia tamaiti o le vasega e tusi i luga o se fasi pepa se lisi
o suiga e mafai ona latou faia i o latou olaga lea o le a fesoasoani
ai ia i latou ina ia maua pe faamalosia ai a latou molimau.
Mataio 16:19; 17:1–13 (tagai foi Mareko 9:2–13;
Luka 9:28–36). Ua tuuina mai e le Alii ia ki o le
malo i Ana perofeta ma aposetolo. (20–25 minute)
Ia uu atu i luga se laisene avetaavale, ia pe i ai foi se tamaitiiti
o le vasega e i ai sona laisene avetaavale, fai atu i ai e faaali atu
i le vasega. Fesili atu:
• O le a se mea tatou te taumateina e uiga i se tagata e i ai
sona laisene avetaavale? (O lena tagata ua i ai le “pule”
e ave ai se taavale.)
• O le uiga o lena mea afai ua i ai sou laisene ma e i ai se
taavale a ou matua po o lou pule, e mafai lava ona e aveina
i soo se taimi e te manao ai?
Ia uu atu i luga se fuifui ki. Fesili atu: Afai e i ai sou laisene ma ua
tuuina atu e ou matua po o lou pule ia ki i le taavale ma fai atu
ia te oe e te alu i se feau, e mafai nei ona e aveina le la taavale?
Ia valaaulia tamaiti o le vasega e faitau le Mataio 16:19 ma
vaai po o le a le mea na folafola e Iesu e tuuina atu ia Peteru.
Tuu atu ia i latou e faitau le Mataio 17:1–3. Ia fetufaai atu le
saunoaga lenei mai le Perofeta o Iosefa Samita:
“O le Faaola, Mose, ma Elia, na tuuina atu ki [o le
malo] ia Peteru, Iakopo ma Ioane, i luga o le mauga,
ina ua liuaina i latou i ona luma” (Teachings of the
Prophet Joseph Smith, 158).