O le a le Feagaiga Fou?

“O le tuufuaina e tamaoaiga ma faamanuiaina. Pe a
tatou tatalo na o i tatou ma le Atua, tatou te tuuese uma
ia sese ma pepelo, o le le faamaoni ma le le migao. Na
maua e le Faaola ana mauga ma tuumuli atu loa i ai
e tatalo. O Paulo, le aposetolo tautaua, na foliga mai
sa le mafai ona ia mauaina le agaga o lona valaauga
fou seia oo ina ua ia mauaina le faamamaina na o ia
i Arapi. Na tuua na o ia o se tagata o le lalolagi, ae foi
mai ua faamamaina, sauniaina ma toe faamalosia....
Na maua e Enosa lona nofoaga na tuua ai na o ia i le
togavao. Na alu atu ia Morianekuma i le tumutumu
o le mauga e ole atu i le Alii ina pa’i atu i maa ina ia
faamalamalamaina ai le ala o ona tagata. Ma sa
aoaoina ia Nifae ina ia iloa ona fau se vaa e ala
i fesootaiga ma lona Alii i luga o se mauga e mamao
ese mai taliga o tagata. Na maua e Iosefa Samita lona
nofoaga tuufua na o ia i le togavao ma sa na o
manufelelei ma laau ma le Atua na faalogo atu i lana
tatalo. E mafai foi e i tatou, i le tuua ai na o i tatou
ona tatou tatalo atu ma le naunautai ma le faamaoni”
(Faith Precedes the Miracle [1972], 209).
Na saunoa mai ia Bishop H. Burke Peterson, o le sa avea ma
se sui o le Au Epikopo Pulefaamalumalu:
“A o e lagonaina le manaomia ona e faalagolago atu i
le Alii pe faaleleia le tulaga o au asiasiga atu ia te
ia—i le tatalo, afai e mafai faamolemole—ou te fautua
atu se faagasologa e mulimuli i ai: alu i se nofoaga
e mafai ona tuua ai na o oe, alu i se mea e mafai ona
e manatunatu ai, alu i se mea e mafai ona e tootuli ai,
alu i se mea e mafai ona e tautala leotele atu ai ia te ia.
O le potu moe, o le fale taele, po o le pusa tu, ua lava
lena. Ia, pu’e mai nei loa sona ata i ou mata faalemafaufau.
Mafaufau i le tagata o loo e tautala atu i ai,
faatonutonu ou manatu—aua le fefoifoia’i, ia faailoa
atu ia o lou Tama ma lau uo. Ia ta’u atu nei loa ia te
ia mea o loo e lagonaina e ta’u atu ia te ia—e le o ni
faaupuga e masani ai e tau leai se uiga, ae ia maua se
fesootaiga faamaoni ma le faamomoiloto ma ia.
Faalagolago atu ia te ia, ia ole atu ia te ia mo le
faamagaloga, ole atu ia te ia, ia fiafia ia te ia, ia faailoa
atu lou alofa ia te ia, ma faalogo atu mo ana tali. O le
faalogo o se vaega taua o le tatalo. O tali mai le Alii e
oo mai filemu—e matuai filemu lava. O le mea moni
lava, e toaitiiti lava nisi e lagonaina ana tali i o latou
taliga. E tatau ona tatou matuai faalogo ma le faaeteete
a leai o le a tatou le iloaina lava. O le tele o tali mai le
Alii e lagonaina i o tatou loto o ni faamatalaga
faamafanafana, pe mafai foi ona oo mai o ni
manatunatuga i o tatou mafaufau. E oo mai ia i latou
o e saunia ma i latou o e onosai” (i le Conference
Report, Oke. 1973, 13; po o le Ensign, Ian. 1974, 19).
61
Ia uunaia tamaiti o le vasega e faaleleia le tulaga o a latou tatalo
e ala lea i le sailia o se taimi ma se nofoaga i aso taitasi e mafai
ona tuua ai na o i latou ma fesootai ai ma le Alii e ala i le tatalo.
Mareko 2:23–3:6 (tagai foi Mataio 12:1–14;
Luka 6:1–11). O le Sapati o se aso e malolo
ai mai a tatou galuega faalelalolagi ae
faalatalata atu ai i le Atua. (35–45 minute)
S M T W TH F S
Ae le’i amataina le vasega, ia lisi i luga o le laupapa nisi o
gaoioiga ua lauiloa a le autalavou lea e ogatasi ma faatulagaga
a le Ekalesia, e pei o le soka, aau, faitau tusi, pasiketipolo, siva,
suesue, usuusu pese, faatauga, aai, ma le momoe. Ia iloiloina
faatasi ma le vasega le lisi ma fesili atu pe faamaonia e le Alii
ia nei gaoioiga uma taitasi.
Tusi le ulutala Taiala o le Sapati i se isi vaega o le laupapa. Tuu
atu i tamaiti o le vasega e faitau le Mareko 2:23–3:5 e vaai ai po
o le a le mea na faia e le au soo na mafua ai ona tuuaia i latou
e le au Faresaio i le solia o le Sapati. Fesili atu: O le a le mea
na aoao atu e le Faaola i nei fuaiupu i le faamoemoega o le
Sapati? (Ia lisi tali i luga o le laupapa i lalo o Taiala o le Sapati.)
Ta’u atu i tamaiti o le vasega faapea o tu ma aganuu a Iutaia
na faaopoopo atu ia i le tele o mea e faasaina i le tausiga o le
aso Sapati ia faapaiaina nai lo o se aso e malolo ai ma ua avea
ai ma se avega mamafa. Na aoao atu e Iesu, “ua faia le sapati
mo tagata, a ua le faia tagata mo le sapati” (Mareko 2:27). I nisi
upu, o le Alii na faatuina le Sapati mo lo tatou faamanuiaina.
Ia faamamafa atu i tamaiti o le vasega faapea o le faaupuga
“ua faia le sapati mo tagata” o lona uiga e le faapea e mafai
ona tatou faia soo se mea tatou te filifili e fai i le Sapati. O lona
uiga o le le amanaiaina o mea ua faasaina e isi e ese mai
poloaiga a le Alii o loo tuuina mai i tusitusiga paia (tagai Esoto
20:8–11; MFF 59:9–14) ma auala mai i Ana perofeta ma aposetolo
o ona po nei. Faitau le Faaliliuga a Iosefa Samita o le Mareko
2:26–27. Ta’u atu i tamaiti o le vasega o nei fuaiupu o loo tuu
mai ai isi faamoemoega faaopoopo e lua o le Sapati: ia malolo
ma viia ai le Atua. (Ia faaopoopo atu vaega nei i le koluma o le
“Taiala o le Sapati” i luga o le laupapa.) Ia faamalamalama atu
faapea talu ai ona o Iesu na faia le aso Sapati, o Ia foi e pule ai.
Ia valaaulia se tamaitiiti o le vasega e faitau atu i le vasega le
vaega o “Amioga i le Aso Sa” i totonu o le Mo le Malosi o le
Autalavou ([tamatusi, 1990], i. 16–17).
• O a isi taiala o loo tuuina mai i totonu o lenei tamaitusi
mole Sapati?
• E mafai faapefea e nei taiala ona fesoasoani ia i tatou
e mauaina le malosi faaleagaga, malolo mai a tatou
galuega, ma viia le Atua?
Faaopoopo atu nisi o taiala mai le Mo le Malosi o le Autalavou
i le koluma o “Taiala o le Sapati” i luga o le laupapa. Faasino
tamaiti i le lisi o gaoioiga. Ta’u atu ia i latou e ui lava o nei
gaoioiga uma e talafeagai mo aso e ono, ae o nisi gaoioiga e le
talafeagai mo le Sapati.
• O le fea o nei gaoioiga e talafeagai mo le Sapati?
Mareko 1–3