O le a le Feagaiga Fou?

O le Talalelei e Tusa ma le Faamatalaga a Luka
Ia fai atu i tamaiti uma o le vasega e faaaluina ni nai minute
e tusi ai se “tusi faafetai:” i se tagata o le aiga, uo, po o se
tagata o le vasega. Ia uunaia tamaiti o le vasega e gauai atu
i lagona latou te maua a o latou tusia a latou tusi faapea ma le
taimi e auina atu ai. IA faaiuina le vasega i le usuina o le “Ua
Tele Na Ou Maua, Ou Foai Ai” (Viiga, nu. 124) ma ta’u atu i
tamaiti le olioli lea e maua mai le faailoa atu o le loto faafetai.
Luka 17:20–37; 18:1–14 (tagai foi Mataio
24:17–41; Mareko 13:15–16, 21). Talu ai ona
tatou te le iloa le taimi tonu o le Afio Faalua Mai,
o lea e tatau ai ona tatou saunia i o tatou olaga
atoa. (20–25 minute)
Ae le’i amataina le vasega ia seti se uati e tatagi po o nisi uati
tatagi ina ia faatatagi ae le’i leva ona amata le vasega. (Afai e le
maua se uati tatagi, ona fai atu lea i se tamaitiiti o le vasega e ta
se logo pe faia foi nisi mea e faapisapisao ai i ni nai minute talu
ona amata le lesona.) Ia amataina le vasega e pei ona masani
ai, e aunoa ma le ta’ua o le uati tatagi. Ia talanoaina e tamaiti
o le vasega ia mea o loo tutupu nei i le latou aoga, le nuu, le
uarota, po o le paranesi i le tuuina atu i ai o fesili faapenei:
• O a ni mea taua o loo tutupu i tala fou?
• O a ni au fuafuaga lelei ua i ai mo le vaiaso?
• Pe i ai ea ni faasalalauga lelei po o ni faamatalaga
e te manao e ta’u atu i isi?
A tatagi mai loa le uati, ona taofi uma loa lea o talanoaga. Ta’u
atu i le vasega o le tatagi a le uati o le faatusa lea o le Afio
Faalua Mai, ma fai atu ia i latou e manatunatu pe o le a faapei le
olaga pe afai e tupu nei lava le Afio Faalua Mai. Faitau le Luka
17:34–37 ma le Faaliliuga a Iosefa Samita o le Luka 17:36–40 ma
vaai ai po o le a le mea o loo aoaoina mai e nei fuaiupu e uiga i
le faafuaseia o le Afio Faalua Mai. Ia tuuina atu fesili e pei o nei:
• Aisea o le a le saunia ai tagata uma mo le Afio Faalua Mai?
• O a ituaiga mea e faia e tagata pe afai o le a tupu?
• O ai e te manatu o le a sili ona ofo? Aisea?
Faitau le Luka 17:20–25, ona fetufaai lea ma tamaiti o le vasega
ia le faamatalaga lenei mai ia Elder Bruce R. McConkie:
“O valoaga na mua’i ta’u mai ai mea e tutupu e
faatatau i le Afio muamua ma le Faalua Mai o le Mesia
na fenumiai i mafaufau o tagata Iutaia. Sa latou
taumatemate sese faapea o lona afio muamua mai o le
a avea ma se faaalia o le mana lea o le a faatafunaina
ai malo uma o le lalolagi. O lea la, i le faavae ai o la
latou mau i se manatu sese, faatasi ai ma nisi o
faamatalaga faasausili, latou te moomia ai se tali i lenei
fesili taufaifai: ‘Afai o oe o le Mesia folafolaina, e pei
ona e ta’ua soo, o a fea la o le a faaalia ai lou mana,
o afea o le a aveesea ai le pologa mai ia Roma, o afea
tonu o le a oo mai ai le malo o le Atua?‘“ (Doctrinal
New Testament Commentary, 1:539).
102
Faitau le Luka 17:26–33 ma fesili atu:
• O le a le mea ua tatou iloa e uiga i le Afio Faalua Mai
o Iesu Keriso?
• O le a le mea o loo ta’u mai e le Faaola ia i tatou i nei
fuaiupu? (E tatau ona tatou saunia pea aua o le a faafuaseia
lava ona Ia oo mai.)
• Aisea e sili atu ai ona fesoasoani pe taua atu le savali ina ia
saunia nai lo se savali e faaali tonu mai ai le taimi o le Afio
Faalua Mai?
Na faaaoga e le Faaola ia tala nei e aoao atu ai e uiga i Lona
Afio Faalua Mai. Ia tuuina atu se vaaiga lautele puupuu o tala
taitasi, ona vaevae lea o le vasega i ni vaega se fa ma tofi atu
i vaega taitasi se poloka o mau o loo auina atu faatasi ai:
• Noa (Luka 17:26–27; tagai foi Kenese 6:11–21; 7:11–24)
• Lota (Luka 17:28–32; tagai foi Kenese 19:1–26)
• O le faataoto i le faamasino amioletonu (Luka 18:1–8)
• O le faataoto i le Faresaio ma le telona (Luka 18:9–14)
Tuu atu ia i latou e faitauina ia fuaiupu ma vaai pe faapefea
ona aoao mai ia mau taitasi i le saunia mo le Afio Faalua Mai.
Ia valaaulia vaega taitasi e fetufaai atu mea na latou mauaina.
Soifua mai
o Keriso
Faatomuaga
O le Soifuaga o Iesu Keriso
Tausaga
muamua o le
galuega a le Alii
Paseka
Muamua
Luka 19–21
Paseka
Lona Lua
Tausaga
lona lua
Paseka
Lona Tolu
O mea na tutupu i nei
mataupu e foliga mai
na tutupu lava i lenei
vaitaimi
Tausaga
lona tolu
Paseka Mulimuli
ma le vaiaso faai’u
A o e faitauina le Luka 19–21, ia mafaufau loloto i le fiafia
e o faatasi ma le ulufale mai ma le manumalo o Keriso
i Ierusalema i le vaiaso faaiu o Lona soifuaga faaletino. Na toe
tomanatu ia Elder Bruce R. McConkie i lenei vaaiga i upu nei:
“‘Faauta,’ O Ierusalema, le Aai Paia, aua ‘ua afio mai lo oe
Tupu.’ Na malaga mai o ia mai Petania i le itu i sasae, lea sa ia
nofo ai i lalo ananafi ma tausasami faatasi ma Lasalo, o le sa
ia toe faatuina mai le oti; lea sa uuina ai e Maria i totonu o le
fale o Simona le lepela lona ao ma sasaa le uu nato tautele
i luga o ona aao—o faata’imuaga uma o lona maliu, lea o le
a faataunuuina i se taimi o lenei vaiaso.
“Ia viia o ia o lo outou Tupu; ia faalogo i ana upu, aua e tonu
o ia, ma o loo i ai le faaolataga.’ Ia talia o ia o le ua Sa’o ma