O le a le Feagaiga Fou?

O le Talalelei e Tusa ma le Faamatalaga a Mataio
Faitau le Iosefa Samita —Mataio 1:1, 4 ma tuu atu i tamaiti o le
vasega e vaai po o le a le mea na fesili atu ai le au soo ia Iesu.
Ta’u atu i tamaiti o le vasega faapea o le asõ o le a latou vaavaai
ai i se isi paso. O vaega o le paso o mea ia na valoia ae le’i oo i le
Afio Faalua Mai e pei ona maua ai i le Iosefa Samita —Mataio.
Ia toe faia ni kopi o le siata e avea ma pepa e tufatufaina atu
faatasi ai ma le koluma o “Faailoga o le Afio Faalua Mai” e
faaavanoa, ma valaaulia ia tamaiti o le vasega e faaaogaina ia
tusitusiga paia e faatumu ai ia faamatalaga e uiga i faailoga.
A maea i latou, ona fesili atu lea:
• O fea o nei mea ua uma ona outou vaai i ai ua tutupu,
pe na o se vaega?
• Faitau le Mataupu Faavae ma Feagaiga 97:21–22, 25. E tusa
ai ma nei fuaiupu, o le a se mea e mafai ona tatou faia nei
e saunia ai mo mala e oo ia ae le’i oo i le Afio Faalua Mai
o Iesu Keriso?
Iosefa Samita —Mataio 1:38–54 (tagai foi
Mataio 24:32–51; Mareko 13:28–37; Luka
12:37–48; 17:26–37; 21:29–36). Talu ai ona e leai
se tasi e iloa tonu le taimi o le Afio Faalua Mai, o
e amiotonu e mafai ona iloa i se auala
faalauaitele pe a latalata mai. (10–15 minute)
S M T W TH F S
Mau faailoga o le Afio Faalua Mai
IS—M 1:22 O Keriso pepelo ma perofeta pepelo o le a faia
vavega e faaseseina ai e ua filifilia.
IS—M
1:23, 28
O le a i ai taua ma tala o taua.
IS—M 1:26 O le a afio mai Keriso e pei o le la i sasae.
O le a iloa uma e le lalolagi ua Ia afio mai.
IS—M 1:26 O le a faapotopotoina e amiotonu.
IS—M 1:29 O le a i ai ia taua, o oge, faama’i, ma mafuie.
IS—M 1:30 O le a faateleina le amioleaga ma le inoino.
IS—M 1:31 O le a talaiina atu le talalelei i le lalolagi atoa,
ona faaumatiaina lea o e amioleaga.
IS—M 1:32 O le a faataunuuina le “faatafunaina
o le mea inosia” mo le taimi lona lua.
IS—M 1:33 O le a le susulu mai le la ma le masina,
o le a pauu foi ia fetu.
IS—M
1:34–35
O le a faataunuuina valoaga uma.
Aumai se vaiinu malamalama ma aava, ma ni nai vine, ma se
ipu malamalama i le vasega. Sasaa le vai inu i totonu o le ipu
malamalama. Ia uu atu i luga se vine ma faamalamalama atu
afai e te faapa’uina le vine i totonu o le vai inu, o le a i ai ni
putaputa e feosofi a’e mai le vine seia oo lava ina tele ma
opeopea ai loa i luga. Ta’u atu i tamaiti o le vasega o le a tupu
lava lenei mea ae e faigata tele ona iloa po o le a le umi e faia
ai. Ia valaaulia i latou e mate mai po o le a le umi o le a faatali
ai ona faatoa opeopea lea o le vine. Faapa’u le vine i totonu
ma faamaumau i lalo po o le a le umi e faagaoioi ai. (Faaaliga:
Ia mautinoa e fou le vai inu—afai e le lava le aava, o le a le
opeopea foi le vine.)
54
Ia valaaulia tamaiti o le vasega e faitauina le Iosefa Samita —
Mataio 1:38–54, ma fesili atu:
• E faapefea ona pei le aoaoina o mea e tutupu ae le’i oo i le
Afio Faalua Mai o le faapa’uina o le vine i totonu o se ipu
vai inu? (tagai f. 38–39).
• O le a le mea o loo ta’u mai i nei fuaiupu i le taimi tonu
o le Afio Faalua Mai? (tagai f. 40).
• O le a so outou manatu aisea e le finagalo ai le Alii ina ia
tatou iloa tonu le taimi o Lona Afio Mai? (tagai f. 47–54).
• Aisea o le a taua ai le iloaina o mea e tutupu lea e tau atu
i le Afio Faalua Mai?
• O le a le poloaiga o loo tuuina mai ia i tatou i le fuaiupu e 46?
• Talu ai ona tatou te leiloa tonu lava le taimi o le Afio Faalua
Mai, o le a se auala sili lava tatou te saunia ai?
Mataio 25. Na tele mea na aoaoina mai e Iesu
e uiga i Lona Afio Faalua Mai e ala mai
i faataoto. (15–20 minute)
Vaevae le vasega i ni vaega se tolu. Ia valaaulia vaega taitasi e
suesueina ia vavega nei: o taupou e toasefulu (f. 1–13), o taleni
(f. 14–30), po o mamoe ma oti (f. 31–46). Tuu atu i vaega le ta’i
lima minute e suesue ai a latou faataoto ma saili ai vaega nei:
• O le a le mea o loo tupu i totonu o le faataoto?
• E faapefea ona faatatau le faataoto i le Afio Faalua Mai
o Iesu Keriso ?
• E faapefea ona faatatau le faataoto ia i tatou i aso nei?
• E mafai faapefea ona tatou saunia mo le Afio Faalua Mai
ona o se taunuuga o le iloaina o lenei faataoto?
A saunia loa ia vaega, ona tuu atu lea ia i latou e lipoti mai
a latou sailiga i le vasega.
Mataio 25:40 (Mau Tauloto). Tatou te faaali
atu lo tatou alofa i le Atua e ala i le auala
tatou te tausia ai Ana fanau. (5–10 minute)
Fesili atu i tamaiti o le vasega:
• O le a le poloaiga muamua ma le lona lua? (Alofa i le Atua
ma alofa i lou tuaoi; tagai Mataio 22:36–39.)
• O a nisi o auala e mafai ona tatou faaali atu ai i o tatou
tuaoi tatou te alolofa ia i latou?
• O a nisi o auala e mafai ona tatou faaali atu ai i le Atua
tatou te alolofa ia te Ia?
Ia valaaulia tamaiti o le vasega e faitauina le Mataio 25:40 ma
vaai ai po o a mea e mafai ona tatou faia e tausia ai le poloaiga
muamua ma le lona lua i le taimi e tasi. Tuu atu i tamaiti o le
vasega e faitauina ma toe tagai i le Mosaea 2:17, ma talanoaina
pe faapefea ona fesootai i le Mataio 25:40. Ia valaaulia i latou e
tusi i luga o se fasi pepa nisi o auala e mafai ona latou faaali atu
ai le aloga i o latou aiga, uo, taitai, e oo foi lava i tagata ese.