O le a le Feagaiga Fou?

O LE TUSI MUAMUA A IOANE
Tusitala: O Ioane, o se tasi o uluai Aposetolo e Toasefululua
a Iesu, ua lauiloa o ia o le tusitala o le Ioane 1, 2, ma le 3. E ui
lava e le o ta’ua le igoa o Ioane i totonu o nei tusi, ae o loo i ai
ni faamatalaga faamaonia se tolu e faailoa mai ai o ia o le
tusitala. Muamua, o uluai tusitala o le senituri lona lua latou
te fai mai o ia le tusitala. Lona lua, o tusi e aofia ai le tusiaina
o upu ma le ituaiga tusitusi e pei lava o le Talalelei a Ioane.
Lona tolu, na tusia e le tusitala faapea na ia pa’i ma vaai i le
tino o Iesu, o se faamautinoaga moni lava lea o se Aposetolo
(tagai 1 Ioane 1:1–4; 4:14).
O e na tusi atu i ai: O e na tusi atu i ai mo le 1 Ioane e le
o matuai faailoa manino maia i totonu o le tusi. Ae peitai,
o faamatalaga o loo faailoa mai ai na tusi atu Ioane i e na
talitonu (tagai 1 Ioane 1:3–4; 2:12–14). E mafai ona faapea na
tusi atu i le Au Paia i vaega eseese. O le tusi o loo tuuina mai
ai sina faamaoniga po o le leai foi o se faamaoniga i se nofoaga
po o le taimi na tusia ai. Afai e sa’o na umi ona nofo ia Ioane
i Efeso, e mafai la ona tusia mai le tusi mai iina i le va o le
T.A. 70–100.
Talaaga Faasolopito: Na tulai mai ia tagata taufaasese mai
uluai tagata o le Au Paia. O a latou aoaoga sese ua lauiloa e le
mafai ona fesootai atu se tagata i le Atua seiloga e faafesootaia
se agelu. Na faasa’oina e Ioane ia aoaoga sese a tagata nei e
ala lea i le tuuina atu o se molimau malosi i le i ai o le Faaola i
la le tino (tagai 1 Ioane 1:1–2; 4:2, 14; 5:6).
Faatomuaga
1 Ioane 1–5
Na manao Ioane e puipuia mai ia le Au Paia mai i faiga
faataumaoi o le Au le Talitonu. Na ia teena ia manatu o le Au
le Talitonu i le faamalosiau atu lea i le Au Paia e faaauau pea
lo latou talitonuga ma ola i mea ua mae’a ona aoao atu e uiga
i le paia o le avea o Iesu ma alo. Na aoao mai e Peresitene
Ezra Benson e faapea:
“A tatou faamuamua le Atua, ona sologa lelei ai lea o isi mea
uma pe toulu ese foi mai o tatou olaga. O lo tatou alolofa i le
Alii o le a pulea ai manaoga mo o tatou lagona alofa, o le
tulaga manaomia o o tatou taimi, o faanaunauga tatou te
tulimatai, ma le faasologa o mea tatou te faamuamua.
“E tatau ona tatou faamuamua le Atua nai lo isi tagata uma
i o tatou olaga” (Liahona, Iulai 1988, 9).
Ia suesue ma le agaga tatalo, le 1 Ioane 1–5 ma manatunatu
i mataupu faavae nei a e le’i saunia au lesona.
248
O ni Mataupu Faavae Taua e te Sailia
• E tuputupu a’e lo tatou malamalama ma le alofa i le Atua
pe a tatou tausia Ana poloaiga (tagai 1 Ioane 1:1–7; 2;1–6;
5:1–3; tagai fo’i i le Ioane 14:15, 21, 23; 15:10).
• E faaalia lo tatou alolofa i le Atua pe a tatou alolofa ma
auauna atu mo isi (tagai 1 Ioane 3:10– 18, 23; 4:7–10, 20–21;
tagai fo’i i le Ioane 13:34–35; 15:12–13).
• “O le alofa atoatoa e faateaeseina ai le fefe” (1 Ioane 4:18).
• O le Au Paia e fananau mai i le Atua, e ala mai i le talitonu
ia Keriso ma le tausia o Ana poloaiga (tagai 1 Ioane 5:1–4;
tagai fo’i Alema 5:14–30).
Fautuaga mo le Aoao Atu
Filifili mai i aitia nei, pe faaaogaina ni au lava, a o e saunia
lesona mo 1 Ioane 1–5.
1 Ioane 1:1–2:11. O le tausia o poloaiga a le
Atua e aumaia ai i tatou i le malamalama o le
Atua. (40–45 minute)
Tape ia moli o le potu ae tuuina i luga o se laulau ia ni ituaiga
moli eseese e (pei o moliuila, moli tu, moli laau kerisimasi).
Fesili: Aisea tatou te faalagolago tele ai i le malamalama?
Ki moli. (Afai e sili atu le malamalama o isi moli, e mafai ona
e faaaogaina.) Tusi le upu malamalama i luga o le laupapa. Fai
i tagata o le vasega e faamalamalama mai ia ni uiga vaaia se
tele o moli ma lisi i luga o le laupapa. (Faataitaiga, o le
malamalama e mafai ai ona vaai, maua ai le ola, e mafai ona
toe faatepa, e eseese lona malosi.)
Faamalamalama atu e i ai fo’i uiga o moli e mafai ona
faatusatusa i le malamalama faaleagaga. E mafai ona maua ai
lo tatou manuia mai i le faatusatusaina o le lua. Vaevae le
vasega i ni vaega se lua. Ia tuu le 1 Ioane 1:1–10 i le tasi vaega
ae ave atu le 1 Ioane 2:1–11 i le isi. Faatonu i latou e faitau
a latou fuaiupu ma saili ni upu po o ni fasi fuaitau e faatatau
i le malamalama. Talanoaina mea na latou maua. Talanoaina
pe faapefea ona tutusa uiga faaleagaga o le malamalama ma
ona uiga faaletino.
Tusi fesili nei i luga o le laupapa. Ia tufatufa atu fesili
i le vasega ma sue ia mau o loo maua ai ia tali: