O le a le Feagaiga Fou?

O le Vaitaimi i le va o le Feagaiga Tuai ma le Feagaiga Fou
Faitau atu le mea moni lava lenei na tupu pe fetufaai atu foi
se mea faapea na e oo oe i ai:
“O le a le mafai lava ona galo ia te a’u le aso na faatoa
ou fo’i mai ai mai la’u misiona. Ina ua ou malaga ese
atu mo la’u misiona i Nouei sa faato’a vasega iva lo’u
uso. Ina ua ou taunuu i le malae vaalele sa ou savali
atu lava i ona luma. O le mea sa ou faamoemoe ou te
vaai ai ia te ia e matuai ese lava mai le mea na ou
vaai i ai ua ou matua’i leiloaina lava o ia.”
Ia faamalamalama atu faapea o lenei mea na tupu e fesoasoani
ia i tatou ia malamalama ai i se vaega o le mafuaaga na leiloa ai
e tagata Iutaia o Iesu o le Mesia. I auga senituri talu ona mavae
atu le perofeta mulimuli na faamaumauina i le Feagaiga Tuai
na faapea mai, “Ua fetalai mai ai Ieova” (Malaki 1:4).
Fesili atu i tamaiti o le vasega: O le a le tusi mulimuli o le
Feagaiga Tuai? Ia valaaulia i latou e su’e po o le a le taimi na
tusi ai e Malaki lana tusi e ala lea i le sailia o “Malaki” i le
Taiala i Tusitusiga Paia (430 T.L.M.). O le a le mea na tupu i le
taimi lena ma le fanau mai o Iesu Keriso?
Fesoasoani i tamaiti o le vasega ina ia malamalama e le o ia
i tatou se tusitusiga a se perofeta moni i le Nuu Paia i le va o
le taimi o Malaki ma le vaitaimi o le Feagaiga Fou. O le toatele
o tagata Iutaia latou te talitonu ma ola ai i lena vaega o le
talalelei o loo ia i latou, ae e tele ia aoaoga faavae moni na
leiloloa pe na fenumiai ma mafaufauga o tagata. Tusi le vaega
lenei i luga o le laupapa:
O Ni Malamalamaga Sese o Tagata Iutaia
e Faatatau i le Mesia e Afio Mai
• Latou te manatu o le a avea o Ia ma se taitai’au malosi.
• Latou te manatu o Lona mua’i afio mai e mamalu.
• Latou te manatu o le a Ia faasaolotoina i latou mai
o latou fili faalelalolagi.
Faitau faatasi ia mau nei ma au tamaiti o le vasega ina ia faaali
mai ai pe na faapefea ona taliaina o Ia e isi o e sa tumau pea i le
faaleagaga e ui lava i le toatele o e sa teenaina ia Iesu o le Mesia.
• Ioane 1:10–12 (O le toatele o tagata latou te le’i taliaina ia
Iesu o le Mesia.)
• Luka 2:25–38 (Na iloa e Simeona ma Ana, e ala i le mana
o le Agaga Paia, o le pepe o Iesu o le Mesia.)
• Mataio 16:13–17 (E ala i le agaga o faaaliga, na iloa ai
e Peteru po o ai ia Iesu.)
Faamatala atu i tamaiti o le vasega faapea a o latou faitauina
le Feagaiga Fou i lenei tausaga o le a latou aoao ai i tagata
lotomaualalo o e na taliaina ia Iesu e avea ma Mesia ma
tagata o e na teenaina o Ia.
18
Vaitaimi i le Va o le Feagaiga Tuai ma le
Feagaiga Fou. “E le faailogaina tagata e le Atua”
(Galuega 10:34). (20–30 minute)
Tusi upu Siamani, Mekisiko, Amerika, Sapani, Suria, Iraki, ma le
Korea i luga o le laupapa.
• O le fea o nei tagatanuu ua valaaulia e avea ma tagata
o le Ekalesia a Iesu Keriso o le Au Paia o Aso e Gata Ai?
• E faapefea ona tuufaatasia e le talalelei ia tagatanuu uma,
lanu, ituaiga, ma aganuu?
Faamatala atu i au tamaiti o le vasega ia le mea lenei, na toe
faamatalaina e Elder James M. Paramore, o se sui o le Au
Fitugafulu:
“Ou te manatuaina se tala na faamatalaina i le taimi
o le Taua Lona Lua o le Lalolagi, ina ua manu’a se
fitafita Siamani a le Au Paia o Aso e Gata Ai i se uafana
a se tagata Amerika ma sa taoto ai ua matuai tigaina
lava. Na ia ta’uina atu i lona taitai, ‘Faamolemole ave
se fu’a pa’epa’e ma alu atu i le isi itu ma vaai ia i pe
i ai se toeaina Mamona e mafai ona faauuina a’u.’ E
maeu se talosaga tulaga ese i se taua a ni fili faaletino
se lua. Ae i le vaai atu i le tulaga ua ia oo i ai, ma le
naunau e faataunuuina se toe talosaga, sa aveina ai
loa e le taitai le fu’a pa’epa’e, ma sopoia le laina a le
fili, ma talosaga atu mo se toeaina Mamona. Sa maua
le toatasi, ma sa sopoia e ia ma le taitai Siamani le
laina a le fili, ma faaee ona lima i luga o le ulu o lona
uso, ma poloaiina i le suafa o Iesu Keriso ina ia ola
pea o ia seia oo atu se fesoasoani. E i ai se lagona o le
avea ma tagata auai lea e faataunuuina e le talalelei a
Iesu Keriso—e muamua i lo tatou Tama o i le Lagi;
ona sosoo ai lea ma o tatou aiga, lea e mafai ona avea
ma se iunite e faavavau; ona sosoo ai lea ma tagata
uma i luga o le fogaeleele” (i le Conference Report,
Ape. 1983, 37; po o le Liahona, Iulai 1983, 28).
Tuu atu i tamaiti o le vasega e faitau le 2 Nifae 26:33,
ma fesili atu:
• O ai ua valaaulia e omai ia Iesu Keriso?
• E mafai faapefea e le talalelei ona fesoasoani e soloia i lalo
ia pa vaeloto o le feitaga’i ma le faailoga lanu?
• E mafai ona e mafaufau i faataitaiga mai tusitusiga paia o
loo faaalia mai ai le mafaia ona faatoilaloina o le feitaga’i ma
le feeseesea’i i aganuu? (O se tasi faataitaiga o le misiona
a atalii o Mosaea i tagata sa Lamanã; tagai Alema 17–24.)
Tuu atu i tamaiti e sue ia Samaria i luga o le faafanua 4
o le Taiala i Tusitusiga Paia. Tuu atu ia i latou e faitauina ia
faamatalaga mo le upu “Samaria” ma le “Tagata Samaria”
i totonu o le Taiala i Tusitusiga Paia. Fesili atu: Aisea na i ai
pea se feeseeseaiga i le va o tagata Iutaia ma tagata Samaria?