O le a le Feagaiga Fou?

Ia faitau le leoa e le vasega le Ioane 15:13 ma mafaufau i lona
uiga. Fesili: O a mea o loo aoao mai e mau o loo manaomia e
le Faaola mai ia te i tatou? Faamalamalama, o le upu Eleni ua
faaliliuina “tuuina mai” i le faaliliuga a le [King James Version]
o le tusi paia, o le isi ona uiga o le “tuueseina.” Na tuueseina
e Iesu Lona soifua faaletino ina ia tatou maua le ola e faavavau.
O Iesu e le gata ina puapuagatia ma maliu ona o le faaalia
o Lona alofa mo i tatou, ae na Ia soifua i Lona soifuaga mo
i tatou ma le Tama Faalelagi. Na ia faaalia i le tele o taimi o loo
Ia faia le finagalo o le Tama ae le o Lona lava finagalo. Fesili:
Aisea ua manaomia ai e le Alii tagata o lo o mulimuli ia te Ia
e tuuese o latou manaoga ae usitai ia te Ia ma auauna atu i isi?
Ia toe faitau e le vasega le Ioane 15:12.
• E mafai faapefea ona tatou tuputupu a’e ona o lo tatou
alolofa i isi tagata?
• E mafai faapefea ona tatou saga faaalia lo tatou alolofa atu
i isi tagata?
Uunai le vasega e tatalo ina ia latou maua atili le alofa ma
faaalia i se tulaga sili atu e ala i le auauna atu ma le faia
o taulaga. E mafai ona faai’uina i le viiga “Ia Fealofani”
(Viiga, nu. 195).
Ioane 14:15–17 (Mau Tauloto, Ioane 14:15).
E faaalia lo tatou alolofa mo Keriso i le
tausia o Ana poloaiga. (15–20 minute)
Tusi i luga o le laupapa, Afai e te alofa ia te a’u o le a e______.
Fesili i le vasega pe faamata e faapefea ona faatutumuina
e tagata nei le fuaiupu o loo i luga: o se tina, se tuafafine,
se uo, ma Iesu. Faitau e se tagata le Ioane 14:15, ma fesili:
• Mata o le a se auala e finagalo Iesu tatou te faaali atu ai
lo tatou alolofa mo Ia?
• Aisea ua avea ai le usitai ma se tulaga e faaali atu ai le alofa?
• O le a le mea e ta’u mai pe a le usita’i se tagata?
Talanoaina pe faapefea i a tatou gaoioiga i le tele o taimi ona
faaalia sa’o o tatou lagona moni nai lo a tatou upu.
Faitau e le vasega le Ioane 14:16–27 ma sailia folafolaga na
tuuina mai e Iesu ia i latou e alolofa ia te Ia. Tusi folafolaga i
luga o le laupapa. Fesili: O a nisi faamanuiaga mai le Tama
Faalelagi e faaalia ai Lona alofa mo i tatou.?
Tuuina atu ni pepa i le vasega e tusi ai a latou molimau po
o lagona mo le Faaola ma mea o le a latou faia e faaali atu ai
le alofa silisili mo Ia. Uuna’i i latou e faitau soo a latou tusi.
Ioane 14:15–26; 16:7–14. O le Fesoasoani
Muamua o le Agaga Paia, o le e tuuina mai
faamafanafanaga ma le filemu, aoao, molimau,
faamanatu mai ia i tatou aoaoga a le Alii ma
a’oa’i i e agasala. O le Fesoasoani Lona Lua
o Iesu Keriso, o le a i ai se aso o le ia faaalia mai
ai o Ia lava i e e alolofa ma auauna ia te Ia.
(25–30 minute)
133
Fesili i i le vasega: O le a se mea sa e matua fefe ai a o e laitiiti?
Ia tuu le avanoa i le vasega e faamatala mai ai ma fesili atu ia
i latou: Sa i ai se mea sa faamafanafana ai oe na e maua ai foi
le filemu ina ua mavae le mea na tupu?
Faitau e le vasega le Ioane 14:15–26 ma sailia folafolaga
o faamafanafanaga na tuuina atu e le Faaola i Ona soo.
Fesili:
• Aisea e manaomia ai e le au soo ia faamafanafanaga?
• O a taimi tatou te manaomia ai se fesoasoani faapitoa pei
o le Agaga Paia?
• O ai i latou ua agavaa e mauaina le Agaga Paia?
Faamalamalama o le Agaga Paia o nisi o taimi e taua ai o le
Fesoasoani Muamua. Faitau e le vasega le Ioane 14:18–21, 23.
• E tusa ai ma ia fuaiupu, o ai e mafai ona faaigoa o le
Fesoasoani Lona Lua? (Keriso.)
• O ai e mauaina le folafolaga o le Fesoasoani lona Lua? (O i
latou e tausia poloaiga ma alolofa ia te Ia; tagai ff. 21, 23.)
Faitau le Mataupu Faavae ma Feagaiga 93:1, ma faamalamalama
e avanoa le Fesoasoani lona Lua mo tagata uma o le Au Paia,
ma o ia faamanuiaga faatoa mauaina pe afai tatou te faailoaina
lo tatou faatuatua i mea uma. Faaaoga uma po o ni vaega o le
faamatalaga lenei e fesoasoani ia te oe i le aoaoina atu e uiga
i Fesoasoani e lua.
Na saunoa Elder Bruce R. McConkie e faatatau i le Ioane
14:15–26:
“O nei faamatalaga e uiga i Fesoasoani e lua o le
faatumutumuga ma le pale o aoaoga a le Alo le Atua.
E leai ni tusitusiga o se mea na ia fai mai ai e mafai
ona matua aveeseina ai pupuni o le faavavau, ma
tatalaina ai se faaaliga faamaoni o mamalu o le Atua.
E faavae i le alofa, e fanau mai i le usitai, na folafola
mai e Iesu i le au paia e mafai ona latou mauaina
iinei i le olaga nei ia mea nei:
“(1) O le meaalofa ma le mafutaga faifai pea ma le
Agaga Paia; o le faamafanafanaga ma le filemu o le
galuega a le Agaga Paia e tuuina atu; o faaaliga ma le
mana faamama lea o le a saunia ai tagata mo le
mafutaga a atua ma agelu i le olaga a sau;
“(2) Asiasiga mai i le Fesoasoani Lona Lua, o le Alii
o Iesu Keriso lava ia, o tagata ua toetutu ma
faaatoatoaina o e o loo nonofo faatasi ma lona Tama
i ona maota i luga; ma
“(3) O le Atua le Tama….o le a asiasi mai i le tino
i tagata, siitia a’e lona nofoaga faatasi ma ia, pei ona
i ai, ma faaali atu ia te ia mea lilo uma o lona malo”
(Doctrinal New Testament Commentary, 1:735).
Ioane 13-17