O le a le Feagaiga Fou?

O LE TUSI A LE APOSETOLO O PAULO I EPERU
Tusitala ma le Aso: Talu mai le tausaga pe tusa ma le T.A. 400,
na faapea o le tusi o Eperu i lona sau a’i na tusiaina e Paulo.
Ae peitai, e i ai nisi o loo tuufesili pe o Paulo na tusiaina lenei
Tusi ona o le ala o loo tusitusia ai ma le gagana e matua eseese
lava mai i isi tusi a Paulo. I lona tulaga lautele, o loo taliaina
e faapea afai e le o Paulo e ana tusitusiga, ae o manatu
o a Paulo ia, ona o aoaoga faavae o loo i le Eperu o loo ogatasi
ma mea o loo i isi tusi a Paulo.
Ina ua faia e le Perofeta o Iosefa Samita se iloiloga musuia
o le Tusi Paia sa le i tuufesili o ia pe o Paulo na tusiaina.
Mo se faataitaiga, na aoao mai le Perofeta:
“Na faapea mai Paulo i lana tusi i le au uso i Eperu, na mauaina
e Apelu le molimau na amiotonu o ia” (Teachings of the Prophet
Joseph Smith, 59).
O le aso na tusiaina ai lenei Tusi e le o mautinoa foi. Ae peitai
talu ai e le o ta’uina mai e Eperu le faaleagaina o le malumalu,
lea na tupu i le 70 T.A., ma o loo faatatau pea i le malumalu
i le taimi nei, o loo taumateina ai o lenei tusi na tusiaina ao le
i oo i lena taimi. Afai foi o Paulo na tusiaina, atonu na tusiaina
ao le i maliu o ia i le tausaga pe tusa ma le 65 T.A.
O E o Loo Tusi i Ai: O lenei Tusi o loo matele atu i aoaoga ma
tu o le Feagaiga Tuai. O lea e foliga mai o loo faamoemoe
o e o loo tusi atu i ai o tagata Iutaia (Eperu) Kerisiano.
Talaaga Faasolopito: E pei ona sa tatou iloaina i le [tusi o]
Galuega ma Tusi ua mae’a ona tatou suesue i ai, sa masani ona
i ai ni feeseeseaiga malolosi i le va o tagata Kerisiano o nuu ese
ma Iutaia pe e tatau ona mulimuli pe leai foi i tulafono a Mose
(tagai Galuega 15). O se tasi mafuaaga na tusiaina ai le tusi
o Eperu ina ia uunaia ai tagata Iutaia liliu mai ia tutumau i le
faatuatua i le talalelei ma ia aua le toe tepa i tua i ala o le
Feagaiga Tuai i o latou olaga.
Ina ua amata ona manino le aveesea o tu faa-Mose i le taulaga
togiola a Keriso, na tulai mai ai ni fesili faaleiloga se lua: Afai
tatou te taliaina le mea moni e le toe avea le tulafono a Mose ma
mea e tausiaina e le au Kerisiano, o le a la le aoga moni o le
Feagaiga Tuai? Ma e tatau faapefea ona faamatalaina pe
faaliliuina? Faatasi ai ma ni nai tusitusiga na taliaina, na o le
pau tusitusiga paia na mafai ona mauaina e le au Kerisiano i ia
uluai vaitaimi o tusitusiga o loo tatou ta’ua nei o le Feagaiga
Tuai. O le Feagaiga Fou sa i le tulaga o le sauniuni, ma ina ua
mavae le lata i le tolu senituri ae taliaina loa o se vaega
faatonuina o tusitusiga paia. O [le tusi o] Eperu poo se vaega
foi, e foliga mai na tusiaina ina ia taliina ai le fesili pe o le a le
ala e tausia ai e le au Kerisiano le Feagaiga Tuai ma le tulafono
a Mose. O Keriso ma Lana talalelei o le a muai faamuamuaina
nai lo le tulafono tuai.
229
O Iesu Keriso,
o le Alo,
e sili atu nai
lo agelu.
Eperu 1–2
O Iesu Keriso,
o le Alo,
e sili atu
nai lo Mose,
le perofeta.
Eperu 3–4
Autu: Na aoao e Paulo le Au Paia i Kolose e ao ina latou
“faafetai atu i le Tama” o Lå na auina mai Lona Alo Ulumatua,
“ina ia fai o ia ma faasilisili i mea uma lava” (Kolose 1:12–18).
O loo faaopoopo atu le tusi o Eperu i lea mea moni autu o Iesu
Keriso, i lalo o le Tama, e silisili i mea uma lava. O lea ua tuuina
ai ia te Ia le pule e faataunuuina ai le feagaiga tuai o le tulafono
ma tuuina atu ai le feagaiga fou o le talalelei. E pei ona sa
tusiaina e se tagata atamai o le Au Paia o Aso e Gata Ai:
“O le Eperu . . i le Feagaiga Fou ae o le Levitiko i le [Feagaiga]
Tuai: O loo faamatalaina mai i le Levitiko ia tu faa-Mose, ae o
loo faamalamalamaina i le [tusi o] Eperu. I lea tusi, o loo faaalia
ai e Paulo le ala na tupu ae ai le talalelei mai le faavae i le tulaga
faa-Levitiko. Ona o le malamalamaaga i le talalelei na toefuataiina
i ona aso, o loo ia faaalia ai le ala na faamoemoe ai le
tulafono faa-Levitiko ina ia sosooina le ala e ui ai i latou
o e tigaina i faaosoosoga o le olaga faitino e tau atu i le
malologa o le Alii.
E leai ni tusi o tusi o le Feagaiga Fou, e aofia ai ma Tala Fiafia,
e sili atu ona faaautu ia Keriso nai lo o tusi a Paulo i tagata
Eperu. I lea tusi, o loo saili ai Paulo ina ia faailoa atu o Keriso
o le faataunuuga lea o le tulafono a Mose. O tulaga faatusa i le
tulafono a Mose na faatinoina lea i le taulaga togiola a Iesu le
Nasareta” (Joseph Fielding McConkie, “Jesus Christ,
Symbolism, and Salvation,” i le Robert L. Millet, Studies in
Scripture: Volume 6, Acts to Revelation [1987], 192).
Faatomuaga
E Sili Keriso i Mea Uma
Tama Faalelagi
O le perisitua
o Keriso e sili
atu nai lo le
Perisitua
o Levitiko.
Eperu 5–7
Iesu Keriso
O Iesu Keriso
e sili atu nai
lo Mekisateko,
o lå sa sili atu
nai lo
Aperaamo.
Eperu 7–8
Eperu 1–2
O le taulaga
a Keriso e sili
i taulaga
uma o le
Feagaiga Tuai.
Eperu 9–10
O le mana o
Iesu Keriso e sili
atu nai lo soo se
faafitauli i le
olaga faitino poo
se mea e fai ma
faalavelave.
Eperu 11–13
I le Eperu 1–2 o loo taulai atu i le tulaga faapitoa o Iesu Keriso
i le avea ai ma Alo o le Atua. O Lona mamalu ma le faaeaina