O le a le Feagaiga Fou?

O Galuega a le Au Aposetolo
a lea atunuu. Ta’u atu i ai i ni nai aso o i luma o le a moomia
ai i latou latou te faamatalaina ituaiga o aganuu a ia atunuu
latou te manatu e taua mo le malamalamaaga a faifeautalai.
Galuega 16:9–33. O avanoa e aoaoina ai le
talalelei i le tele o taimi e maua i taimi faafuase’i.
E tatau ona tatou sauni i taimi uma e fetufaa’i le
talalelei. (15–20 minute)
Ta’u atu se tulaga na oo ia te oe (pe faia fo’i e se tasi o le vasega)
e faafuase’ia ai ona e mauaina se avanoa e talai ai le talalelei.
Talanoaina se mea atonu e tupu pe ana fai e te le o sauni. Fesili:
O ai e mafai ona avea ma molimau o le talalelei a Iesu Keriso?
Faamalamalama i le vasega e tatau ona avea i tatou ma
“molimau a le Atua i taimi uma, i mea uma” (Mosaea 18:9).
Faitau e le vasega ia le Galuega 16:9–15 ma mata’ituina ia mea
na tutupu na maua ai e Paulo le avanoa e talai ai le talalelei
ma papatisoina tagata, ma fesili:
• O le a le mea na faafuase’i ai nei mea na tutupu?
• O a ni faailoga e mafai ona e tuuina mai e faaalia ai na
saunia lava Paulo?
Faitau lemu e le vasega ia fuaiupu 16–33 ma saili ni tali mo
fesili lava ia e tasi. Ona fesili lea:
• O le a se mea ua tatou aoao mai i mea na tutupu ia Paulo?
• O le a se mea e te mafaia ona fai nei e fetufaa’i ai le talalelei,
i le avea o oe ma se faifeautalai po o se tagata o le Ekalesia.?
Faitau e se tagata o le vasega le saunoaga lenei a Elder L. Tom
Perry, o se tasi o le Korama a le Toasefululua.
“I le tele o taimi ou te faafeiloa’ia le au perisitua talavou
o le Ekalesia a o matou i ai i fonotaga e faia i nuu
eseese o le lalolagi ma ou fesili atu i ai i le fesili lenei,
‘Faifeautalai i le lumana’i? Ou te iloaina le fiafia i o
latou laufofoga ma ioe mai. Ona ou faamalosi atu lea
ia i latou e amata nei ona sauni mo lena galuega sili.
“O a ni sauniuniga e mana’omia mo lenei auaunaga
matagofie? O le mea muamua ma le aupito taua, o loo
mana’omia e le Alii ia tatou faia. O loo faamoemoe o Ia
ina ia tatou auai i le fausia o Lona malo. O loo
faamanatuina mai pea lava pea e o tatou perofeta,
e tatau i alii malolosi uma ma agavaa ona saunia
i latou e galulue faamisiona.
“O au sauniuniga e aofia ai lou nofo i luma o lau
epikopo ma ta’u atu ia te ia o loo e agavaaa e avea ma
faifeautalai. O le a e mafanafana i le lua faatalatalanoaga
ma le epikopo pe a fai o ia o sau uo” (Lipoti
Konafesi, Ape, 1991, 52; po o le Liahona, Iulai 1991, 39).
Galuega 17:1–18:8. E tatau ona tatou aoao atu
mataupu faavae o le talalelei mai i tusitusiga
paia e ala mai i le mana o le Agaga. (20–25 minute)
154
Tusi i luga o le laupapa: Na saunoa mai le Perofeta o Iosefa
Samita, “E le mafai e se tagata ona talai le talalelei e aunoa ma
_______ __________ _________.” Tofi tagata o le vasega e
faatumu i upu o loo misi. Faamalamalama atu i le vasega e tele
ni tali talafeagai e sa’o ai le faamatalaga a e o loo e su’eina ia
upu patino. Tusi a latou tali i luga o le laupapa i lalo ifo o le
fuaiupu ma fesili pe aisea ua sa’o ai le fuaiupu e tusa ai ma
a latou tali. A tuuina mai ia upu sa’o ona faatumu ai lea o upu
o loo misi ma faitauina e se tagata le fuaiupu atoa faapea:
“E tatau i tagata uma ona talai le talalelei i le mana
ma le musumusuga a le Agaga Paia; ma e le mafai
e se tagata ona talai le talalelei e aunoa ma le Agaga
Paia.” (Teachings of the Prophet Joseph Smith, 112).
Faitau le Mataupu Faavae ma Feagaiga 42:6–7, 12–13 ma fesili:
• E tusa ai ma nei fuaiupu o a mea e tatau e faifeautalai
ona latou aoao atu?
• E tusa ai ma fuaiupu 13–14, e faapefea ona aoaoina ia
mataupu faavae o le talalelei mai i tusitusiga paia?
Faamalamalama atu o Paulo o se faataitaiga lelei lea o le
mulimuli i lenei faiga paia o le aoaoina o le talalelei. Faitau e
le vasega ia mea na tutupu i Tesalonia (Galuega 17:1–4), Perea
(Galuega 17:10–12), Atenai (Galuega 17:16–18, 32–34), ma
Korinito (Galuega 181–8). (E mafai ona fesoasoani le sue vave
o taulaga i le Taiala i Tusitusiga Paia faafanua 6.) A o faitau le
vasega, ia latou sailia foi ma tali i fesili nei:
• O a ituaiga tulaga na aoaoina atu ai e Paulo le talalelei?
• Na faapefea ona aoao atu ia Paulo? (Na ia aoao atu mai
i tusitusiga paia.)
• O a ni faailoga e faailoa ai na aoao atu ia Paulo e ala atu
i le mana o le Agaga Paia?
• O le a se taunuuga o le aoao atu o le talalelei e ala atu i le
mana o le Agaga?
• O le a se mea e mafai ona tatou aoaoina mai i faataitaiga
a Paulo?
• Manatunatu i le valaaulia o se faifeautalai ua mae’a sana
misiona i le vasega e faailoa mai pe faapefea i le faaaogaina
o lenei mataupu faavae ona fesoasoani i le liliu mai o
tagata i le Ekalesia.
Galuega 17:22–28. O tatou uma o fanau a le
Tama Faalelagi, ma Na te filifilia po o afea ma
o fea fo’i tatou te fananau mai ai i le fogaeleele.
(15–20 minute)
I lana malaga talai lona lua, sa aoaoina ai e Paulo ia le au
popoto i Atenai se mataupu faavae taua. Tusi i luga o le
laupapa ia se ata o se pulelaa ma tusia ai upu nei “Mo le Atua
E Le Iloa.” Fesili:
• O a ni faigata atonu tatou te mauaina a o taumafai
e tapua’i i se atua e le iloa?