O le a le Feagaiga Fou?

O le Muai Olaga
Ae tatou te le i fananau mai i le olaga faitino sa tatou mau
faatasi ma lo tatou Tama Faalelagi
(tagai Iopu 38:4–7; Ieremia 1:5; Aperaamo 3:21–23). O le Tama
Faalelagi o se tasi ua i le tulaga selesitila, ua faamamaluina,
ma ua atoatoa, ua i ai se tino o aano ma ivi (tagai MFF
130:22). Na aoao mai le Perofeta o Iosefa Samita: “O le Atua
lava Ia sa i ai e pei ona tatou i ai nei, ma o se alii ua faaeaina,
ma o loo nofotupu i lagi na!” (Teachings of the Prophet Joseph
Smith, 345).
O le Tama Faalelagi o le tama o o tatou tino faaleagaga (tagai
Numera16:22; Galuega 17:29; Eperu 12:9; Mose 3:5). O loo ia
te Ia se atoatoaga o uiga atua uma ma le olioli, ma e finagalo
o Ia ina ia avea Ana fanau faapei o Ia (tagai Mataio 5:48; 2
Nifae 9:18; Mose 1:39).
Foafoaga Faaleagaga
Na vaai Aperaamo i fanau uma a le Tama Faalelagi o “atamai”
poo agaga na faatulagaina ao le i faia le lalolagi (tagai Aperaamo
3:18–23). Na aoao mai Peresitene Packer: “E faavavau agaga
o alii ma tamaitai (tagai MFF 93:29–31; tagai foi Joseph Smith,
Teachings of the Prophet Joseph Smith . . . , 158, 208). O i latou
uma o atalii ma afafine o le Atua ma na nonofo i se muai
olaga o ni Ana fanau agaga (tagai Numera 16:22; Eperu 12:9;
MFF 76:24). O agaga o tagata taitasi e foliga i le tagata i le
olaga faitino, o alii ma tamaitai (tagai MFF 77:2; 132:63; Mose
6:9–10; Aperaamo 4:27). E foliga i latou uma i foliga o ni
matua faalelagi” (The Play and the Plan, 3).
I le “O le Aiga: O se Folafolaga i le Lalolagi,” na faapea mai le
Au Peresitene Sili: “O tagata soifua uma—tane ma le fafine—
ua foafoaina i le faatusa o le Atua. Oi latou taitoatasi o se
atalii poo se afafine faaleagaga faapelepele a ni matua
faalelagi ma, o lea ua tofu ai i latou taitoatasi ma se natura ma
se taunuuga paia. O le tulaga tane poo le fafine (o le tagata) o
se vaega taua lea o le mua’i olaga, olaga faitino, ma lona
faamoemoe e faavavau. (Ensign, Nov. 1995, 102; tagai foi MFF
29:31–32; Mose 3:5;).
Filifiliga saoloto
“1. O tagata ola uma e faatulafonoina i tulafono faalelagi,
o le usiusitai i ia tulafono e aumaia ai faamanuiaga. O le
le usiusitai e oo mai ai puapuaga ma le malaia.
“2. E i ai i tagata taitoatasi le meaalofa faalelagi o le filifiliga
saoloto e filifili ai le lelei poo le leaga. E mafai e se tagata
ona tapuai pe o le a le ala, o fea, pe o le a foi le mea
e tapuai ai o ia, ae peitai, o le aoao ma le usiusitai
i tulafono faaselesitila na o le pau lea o le ala e mafai
ai ona faaeaina o ia.
“3. E mafai e tagata taitoatasi ona filifili mo ia lava pe afai
e mauaina e ia le malamalama o le lelei ma le leaga ma
o loo aafia ai o ia e ala i le filifiliina o le lelei poo le
275
leaga” (“Basic Doctrine,” Charge to Religious Educators,
3rd ed. [1994], 85).
O le faaaogaina tonu o la tatou filifiliga saoloto e taua lea i le
avea ai faapei o le Atua (tagai 2 Nifae 2:14–16). Ae peitai, o loo
i ai ni taunuuga i le tuuina mai ia i tatou o lea avanoa e filifili ai.
E pei lava ona taua le filifiliga saoloto i lo tatou ola tuputupu
ae, e mautinoa foi o le a tatou lå filifili pea ma le sa’o. E pei ona
tusia e le Aposetolo o Paulo, “Aua ua agasala tagata uma lava,
ma ua le oo i le viiga mai le Atua” (Roma 3:23). O lenei
taunuuga na faataatiaina ma sauniaina i le fuafuaga poo le ata
na tuuina atu e le Tama i Lana Fanau i se fono na faia i le
muai olaga.
O le Fono Sili ma le Taua i le Lagi
Ina ua mae’a ona saunia mo i tatou e le Tama Faalelagi ni tino
faaleagaga i lena muai olaga, sa avea i tatou faapei o Ia, ae peitai
sa i ai pea ni uiga taua se tele sa tatou le i mauaina. O Ia o se
tasi ua faaeaina ma atoatoa faatasi ma se tino faaletino ua
faamamaluina; sa le i mauaina e i tatou lena mea. Na faapotopotoina
faatasi e le Tama Lana fanau i se fono sili i le lagi ma
tuuina mai ai Lana fuafuaga poo le ata e fesoasoani ai ia i tatou
ia avea faapei o Ia (tagai Mose 4:1–4; Aperaamo 3:22–27).
Na saunoa mai Peresitene Packer:
O le Fuafuaga Sili o le Fiafia
“I le fono a Atua, na lagolagoina ai le fuafuaga a le Tama
Faalelagi (tagai Alema 34:9; tagai foi Teachings [of the Prophet
Joseph Smith], 349–50). Na saunia le ata poo le fuafuaga mo le
foafoaina o se lalolagi ina ia maua ai e lana fanau ia tino
faaletino ma o le a tofotofoina ai e tusa ma ana poloaiga (tagai
Mose 6:3–10, 22, 59; Aperaamo 3:24–25; 4:26–27). Na tuuina
atu i agaga taitasi i le muai olaga ia avanoa ina ia aoao ma
usiusitai ai. Na tuuina atu i agaga taitasi ia le filifiliga saoloto.
(tagai Alema 13:3–5).
“Na faatulagaina se fono tele i le lagi (tagai Teachings, 349–50,
357). Na manaomia ai e lea fuafuaga paia se tasi e auina mai
o se faaola ma le togiola ina ia faataunuu ai le fuafuaga a le
Tama. Na ofo mai ma le loto atoa le Ulumatua a le Tama
e Faavavau, o Ieova, ma na filifilia o Ia. (tagai Mose 4:1–2;
Aperaamo 3:19, 22–27).
“E toatele na lagolagoina lenei filifiliga. Na fouvale nisi, ma na
faia ai se taua i le lagi. O Satani ma i latou na mulimuli ia te ia
i le fouvale i le fuafuaga a le Tama na tulia ese ma le tuuina
i ai ni tino faitino (tagai Faaaliga 12:7–13; MFF 29:36; 76:28;
Mose 4:3).
“O i latou na tausia lo latou tofi muamua (o loo i ai faatasi ma i
latou) o le a tuuina atu i ai ma se tino faaletino ma faatagaina e
nonofo ai i le lalolagi i lea lava tofi lona lua na fuafuaina
(tagai Aperaamo 3:26). Na taitasi ma tofiaina i tausaga ma mea
latou te nonofo a (tagai Teuteronome 32:8; Galuega 17:26). Na
faauuina nisi e fai ma perofeta (tagai Alema 13:7–9; Aperaamo
3:23; tagai foi Teachings, 365)” (The Play and the Plan, 3).
FAAOPOOPOGA