O le a le Feagaiga Fou?

O le Talalelei e Tusa ma le Faamatalaga a Mataio
Faatomuaga
O le Mataio 3–4 o loo faamatalaina mai ai ia sauniuniga na
faia a Iesu a o le’i amataina Lana galuega aloaia. O Lana
faataitaiga o le saunia e faamanatu mai ai ia i tatou afai tatou
te “saunia o le a [tatou] le matata’u lava” (MFF 38:30). O le
vaitaimi lea na oo ai foi Iesu i faaosoosoga e pei foi o o tatou
faaosoosoga (tagai Mataio 4:3–11).
Suesue ma le agaga tatalo le Mataio 3–4 ma mafaufau
i mataupu faavae nei ae le’i sauniaina au lesona.
O Nisi Mataupu
Faavae Taua o le Talalelei e Saili Iai
• E tatau ona tatou papatisoina ina ia tatou maua ai le
mamalu selesitila (tagai Mataio 3:13–15; tagai foi 2 Nifae
9:24; 31:5–7).
• O le Aigaatua o loo i ai ni tagata eseese se toatolu: o le
Tama, o le Alo, ma le Agaga Paia (tagai Mataio 3:16–17;
tagai foi Galuega 7:55–56; MFF 130:22).
• O le anapogi e fesoasoani ia i tatou tatou te latalata atu ai
i le Tama Faalelagi, e maua ai le malosiaga faaleagaga, ma
maua ai faamanuiaga (tagai Mataio 4:1–2; FIS, Mataio 4:1).
• O le usiusitai tatou te maua ai le mana e tetee ai
faaosoosoga a Satani (tagai Mataio 4:3–11; tagai foi Iakopo
4:7; 1 Nifae 22:26; Alema 48:17).
Fautuaga mo le Aoao Atu
Filifili mai manatu nei, pe faaaoga ni ou lava manatu, ao e
sauniaina ia lesona mo le Mataio 3–4.
O le Ata Vitio o le Feagaiga Fou ata lona 4, “Aganuu a le
Feagaiga Fou” (10:21), e mafai ona faaaogaina e
faamalamalama ai tu ma aganuu i taimi o le Feagaiga Fou.
E mafai ona e faaaogaina i le taimi o se vasega e tasi pe faaali
uma atu foi ona vaega pupuu e sefuluono pe a tulai mai ia ni
vaega o loo latou aoaoina i tusitusiga paia. (Tagai Vitio Taiala
o le Feagaiga Fou mo fautuaga mo le aoao atu.)
Mataio 3:13–17 (tagai foi Mareko 1:9–11; Luka
3:21–22; Ioane 1:32–34). E tatau ona tatou
papatisoina ina ia maua ai le mamalu selesitila.
(15–20 minute)
Ia valaaulia le vasega e vaai faalemafaufau faapea o oe o se
tagata sailiili o loo i ai ni fesili faamaoni e uiga i le moomia ona
papatisoina. Tuu atu i ni tamaiti o le vasega se toalua e o atu
i luma e faatino ia vaega a faifeautalai faamisiona. Fesili atu
ia i laua:
• Sa papatisoina a’u a o o’u pepe. Aisea e manaomia ai ona
ou toe papatiso?
• Aisea e papatisoina ai a’u i le faatofuina?
24
• Aisea e taua ai lenei sauniga i lo’u faaolataga?
• O le a le mea o loo faatusa i ai le sauniga o le papatisoga?
Tusi mau nei i luga o le laupapa: Mataio 3:13–17; Ioane 3:3–5;
Roma 6:3–5; Mosaea 5:5–12; Alema 5:14; 3 Nifae 11:26;
Moronae 8:25; Mataupu Faavae ma Feagaiga 13:1; 20:73–74;
128:12. Ia valaaulia tagata o le vasega e faaaoga ia mau
e fesoasoani ai i “faifeautalai” e taliina ia fesili.
Ia valaaulia se ositaulaga i le Perisitua Arona e faitauina le
Mataupu Faavae ma Feagaiga 20:46. Fesili atu ia te ia po o le a
le pule o loo ia umiaina. Fesili atu ia te ia po o soo se ositaulaga
foi o i totonu o le vasega pe sa mauaina le avanoa e papatisoina
ai se tasi. Afai na faia, ia valaaulia le tamaitiiti o le vasega e
fetufaai atu faapuupuu lenei mea na oo i ai i le vasega. Fesili
atu i le ositaulaga po o le a sona lagona pe a talosagaina o ia
na te papatisoina le Faaola. Tuu atu i le vasega e faitauina le
Mataio 3:14–15, ma talanoaina ia fesili nei:
• O le a le upu a Ioane le Papatiso na fai ina ua alu atu Iesu
ia te ia ina ia papatisoina?
• O le a le tali a Iesu?
• O le a le uiga “ina ia faataunuuina mea tonu uma”?
(tagai 2 Nifae 31:4–11).
• O le a le mea sili e te manatuaina i lou papatisoga?
Tuu atu i tamaiti o le vasega e faitauina le Mosaea 18:8–10,
ma talanoaina pe faapefea ona faaauau pea ona faaaogaina
o latou papatisoga i aso nei.
Mataio 3:16–17 (tagai foi Mareko 1:10–11;
Luka 3:21–23; Ioane 1:32–34). O le
Aigaatua o loo i ai ni tagata eseese se toatolu:
o le Tama, o le Alo, ma le Agaga Paia.
(5–10 minute)
S M T W TH F S
Faaali atu i le vasega ni tusi tuufaatasi e tolu (se Tusi a Mamona,
Mataupu Faavae ma Feagaiga, ma le Penina Tautele). Fesili atu
i tamaiti o le vasega:
• O a ni auala ua tasi ai nei tusi e tolu?
• E faapefea ona eseese?
• E faapefea ona pei ia tusi tuufaatasi e tolu o le Aigaatua?
Ia valaaulia tamaiti o le vasega e faitauina le Mataio 3:16–17
ma lisi ia ni mea iloga o loo tuuina mai i lenei fuaiupu e faapea
o le Tama, le Alo, ma le Agaga Paia o ni tagata mavaevae se
tolu. Ia valaaulia tamaiti o le vasega e vaai i a latou Taiala
i Tusitusiga Paia i le ulutala “Aigaatua” e saili ai isi mau
e lagolagoina ai le manatu faapea o le Aigaatua o loo aofia ai
ni tagata mavaevae se toatolu (tagai faapitoa lava i le Galuega
7:55–56; MFF 130:22–23; Talafaasolopito Iosefa Samita 2:17).
Tuu atu i tamaiti o le vasega e fetufaai atu mea na latou
mauaina i le vasega. Faitau atu le faamatalaga lenei mai le
Lectures on Faith (Tautalaga i le Faatuatua), na tuufaatasia i lalo
o le taitaiga a le Perofeta o Iosefa Samita: