O le a le Feagaiga Fou?

O Galuega a le Au Aposetolo
• E faapefea ona faatusaina ia le moli e le o faaolaina i tagata
e le o i ai le Agaga Paia?
• E faapefea ona pei tagata ua i ai le Agaga Paia o le moli ua
faaolaina?
Faitau faatasi ma le vasega le Galuega 1:4–8 ma fesili:
• O le a le mea sa faatali i ai ia Aposetolo ae le’i amataina
le latou talaiga o le talalelei?
• Aisea ua faatonuina ai e le Alii ia Aposetolo ia faatali se’ia
latou mauaina le Agaga Paia?
• Faitau le Mataupu Faavae ma Feagaiga 42:14. Aisea e le
mafai ai ona tatou aoao atu pe tala’i i le ala e tatau ai se’i
vagana ua mauaina muamua le Agaga Paia?
Faitau le 2 Nifae 33:1 ma tofi se tagata e faamalamalama le
uiga o lenei fuaiupu e tusa ai ma le talaiga o talalelei ma le
mana. Ia faitauina le saunoaga a Peresitene Ezra Taft Benson
i le vaega o “Autu” o le faatomuaga i le Galuega (i. 140).
Faamanatu i le vasega na faatonuina e le Faaola ia Aposetolo
e faatali i Ierusalema se’i vagana ua faaeeina ia i latou le
Agaga Paia. Faitau Galuega 2:1–13 ma fesili:
• O a ni faamaoniga e mafai ona e mauaina i nei fuaiupu e
faailoa ai na mulimuli ia Aposetolo i faatonuga a le Faaola?
• E faapefea ona faamatalaina e i latou e le malamalama
i le Agaga Paia le liligi mai o le Agaga Paia i le aso o le
Penetekoso?
Faailoa atu o le Galuega 2:14–36 o loo i ai ia uluai faamatalaga
faalaua’itele a Peteru o lea o loo i ai ni faamaumauga. Faitau
e le vasega ia fuaiupu 22–24, 32. Fesili:
• O le a le mafuaaga na musuia ai e le Agaga Paia ia Peteru
e folafola atu lenei savali?
• Aisea ua leai ai se isi lava savali e sili atu lona taua nai
lo lenei savali?
Faitau e le vasega le Galuega 2:37–47 ma sailia ia upu ma
fuaitau e faaalia ai sa fesoasoani le Agaga Paia i le tala’iga
a le au Aposetolo. Tusia mea na latou mauaina i le laupapa.
Mafaufau i le tuuina atu o fesili nei:
• O a ni mea tatou te aoaoina mai i nei mea taua na tutupu
i le Ekalesia i na ona po?
• O olaga o ai na faamanuiaina i le aafiaga a le Agaga Paia.?
• O a ni auala e mafai ai ona tatou mauaina ia faamanuiaga
ma le mana o le Agaga Paia i ona po nei?
• O a ni mea e mafai ona tatou faia nei ina ia tatou mauaina
ai le Agaga Paia a o tatou talanoa atu i isi tagata e uiga
i le Ekalesia?
Galuega 1:15–26. O Aposetolo o molimau ua
uma ona faauuina i le mana o Iesu Keriso.
O avanoa i le Korama a le Toasefululua e faatumu
e pei ona faatonuina e le Alii. (40–50 minute.)
S M T W TH F S
Ia taina se kaseti vitio o se Konafesi Aoao a le Ekalesia lata
mai o loo faaalia ai le lagolagoina o le Au Pulega Aoao o le
142
Ekalesia (po o se ata o le Au Pulega Aoao o loo i ai nei). Fesili
i le vasega mo ni o latou manatu ma ni malamalamaaga i le
tofia o Aposetolo fou. Faailoa atu o loo faamalamalama mai
i le Feagaiga Fou le faataitaiga sa faia ai i aso anamua.
Faitau e le vasega le Galuega 1:15–20, ma fesili:
• O a avanoa na i ai i le taimi o le liliuese ma le maliu o Iuta.?
• Faitau fuaiupu 21–22. O a tulaga manaomia sa faatuina
e Peteru mo se tasi e tofia e avea ma Aposetolo fou.?
(E manaomia se tagata sa “feoai” ma Aposetolo ma na
avea ma molimau a le Alii toetu).
• Faamata e mafai e se tagata o loo soifua nei ona i ai ia mea.?
Faamalamalama atu atonu e le’i feoa’i faatasi ia Aposetolo
i ona po nei ma Aposetolo i na ona po ae tofu lava i latou
taitoatasi ma se molimau faapitoa. Faitau le saunoaga lenei
a Elder Harold B. Lee:
“I ni nai tausaga ua te’a atu, …na o mai ai ni faifeautalai
ia te a’u ma se fesili e faafoliga mai o se fesili
faigata ia i la’ua. O se faifeau Metotisi talavou sa aamu
ia i la’ua ina ua la ta’u atu e tatau ona i ai aposetolo
i aso nei ina ia mafai ona i ai le ekalesia moni i luga o le
fogaeleele. Na la fai mai sa faapea mai le faifeau: ‘E te
lua iloa ina ua latou fono e filifilia se tasi e faatumuina
le avanoa ina ua maliu ia Iuta, na latou fai mai e tatau
o se tasi sa feoa’i ma i latou ma sa avea ma molimau
i mea uma e faatatau i le misiona ma le toetu o le Alii?
E faapefea ona oulua fai mai e i ai a outou aposetolo,
pe a fai o le fua lena o se aposetolo?’
“Ma na faapea atu nei alii talavou: ‘O le a se ma tali?’
Na ou faapea atu ia i la’ua: ‘Ia lua toe fo’i atu ma
avatu fesili nei e lua i le lua uo faifeau. Muamua,
na faapefea e le Aposetolo o Paulo ona ia mauaina ia
mea e tatau ai ona valaauina o ia o se aposetolo? E
le’i iloa e Paulo le Alii: e le masani lelei ai fo’i. E le’i
feoa’i foi o ia ma Aposetolo. E le’i avea o ia ma se
molimau i galuega a le Alii po o se molimau foi i le
toetu mai o le Alii. Na faapefea ona ia mauaina lana
molimau e avea ai ma aposetolo. O le fesili lona lua e
te lua fesili i ai: E faapefea ona ia iloa o aposetolo o
loo i ai nei latou te le’i mauaina lena molimau?’
“Ou te molimau atu ia te outou o i latou ua i ai le
valaauga o le aposetolo e mafai ma ua latou iloa le
moni o le misiona a le Alii” (“Born of the Spirit,”
Seminary and Institute faculty, Brigham Young
University, 26 Iuni, 1962, 13)
Faitau e le vasega le Galuega 1:23–26 ma sailia po o ai na
filifilia e avea ma Aposetolo fou. Talanoaina ia fesili nei:
• Na faapefea le tofiaina o Matatia?
• O le a le ki e tatau ona umia lea o loo faaalia mai
i le fuaiupu e 24?