O le a le Feagaiga Fou?

Ia faailoa atu pe afai tatou te le usiusitai i le Faaola pe le
amanaiaina Ana aoaoga; ua tatou faalataina o Ia i se isi tulaga.
Fai atu i tamaiti o le vasega e iloiloina le Luka 22:2–3, 5, ona
fesili atu lea:
• O le a sou manatu o le a le mea na uunaiina ai nei tagata
ina ia faalataina le Faaola? (Faamaualuga. Fefe ina ne’i
aveesea le malosiaga, Satani, tupe.)
• E faapefea ona faatupuina e nei lava foi faaosoosoga ia tagata
ina ia le amanaiaina ia le Faaola ma Ana Aoaoga i aso nei?
Ia uunaia tamaiti o le vasega ina ia tetee i faaosoosoga ma
mulimuli i aoaoga a le Faaola.
Luka 22:7–20 (tagai foi Mataio 26:17–20, 26–29;
Mareko 14:12–17, 22–25). Tatou te aai i le
faamanatuga e manatua ai le tino ma le toto
o Iesu Keriso, lea na ia ositaulagaina mo i tatou.
(25–30 minute)
Aumai se mea e sili ona taua ma pele ia te oe i le vasega.
Faaali atu i tamaiti o le vasega ma faamalamalama atu pe
faapefea ona avea e fai ma faamanatu o se mea e taua i lou
olaga. Fesili atu:
• E i ai ni mea taua o loo e teuina?
• O fea e te teuina ai?
• O le a le umi talu ona i a te oe?
• E faafia ona e vaai atu i ai?
• O le fea e sili ona taua ia te oe, o le mea taua lea po
o le mea na tupu o loo faamanatu mai ai? Aisea?
Ia faamalamalama atu i totonu o le Ekalesia o loo i ai ia
faatusa po o faailoga lea e mafai ai e i tatou ona manatuaina
a tatou feagaiga ma faamalosia a tatou tautinoga ina ia tausia
lelei. Ia valaaulia tamaiti o le vasega e faitau le Luka 22:7–16,
ma fesili atu:
• O le a le mea taua na tupu i nei fuaiupu?
• E faapefea ona ese lenei Paseka mai isi paseka uma
na muamua atu ai?
Ia valaaulia tamaiti o le vasega e mafaufau loloto i le taua o le
Togiola i o latou olaga. Faitau le saunoaga lenei mai ia Elder
Bruce R. McConkie:
“I le toetoe lava a atoa se meleniuma ma le afa talu ona
tuuina mai e Ieova le Paseka ia Isaraelu, o ia lava sa
faatasi ma tagata, sa saunia e faamanatuina le
tausamaaga, ina ia faataunuuina ai le tulafono na
tuuina atu ia Mose, ia avea ma Tamai Mamoe o le
Paseka, o se tamai mamoe e le ila ma le pona o lona
toto o le a tuuina atu ai i tagata uma le saolotoga
faaleagaga ma aveesea ai ma le pologa i le agasala.
“O fuafuaga mo lenei Paseka mulimuli o le galuega
a lo tatou Alii, o se Paseka ua lauiloa i le Ekalesia o le
107
Faitau le Luka 22:17–20.
Luka 22–24
Talisuaga Mulimuli, na faia e Peteru ma Ioane e pei ona
faatonuina ai e Iesu. O le Talisuaga lava ia e tatau ona
faia i le fale o se soo, aua ua iloa e nei soo e toalua le
manao o le Matai ma o le afeafe aupito i luga sa avanoa.
“O le Paseka mulimuli lenei ua faamaoniaina. Na
sosoo ai ma le taulagaina o Keriso e avea ma Tamai
Mamoe o le Paseka o lenei sauniga anamua ua taofia
ai isi faailoga uma (o faailoga na sa muai faailoa mai
i le faamanatuga o le Talisuaga a le Alii) sa sailia le
faamaonia ina ia faaaogaina i tagata o le Alii. O lenei
la, ua na o le pau le faamanatuga o le Paseka i se tulaga
faaleagaga na o lea na tautala i ai Paulo: ‘Aua foi o
Keriso la tatou paseka ua fasia mo i tatou: O lenei, aua
tatou te faia le tausamiga ma le mea faafefete tuai, po
o le mea faafefete o le loto leaga ma le amioleaga; a ia
faia ma le mea e le faafefeteina o le loto lelei ma le
faamaoni.’ (1 Korinito 5:7–8.)“ (Doctrinal New
Testament Commentary, 1:704–5).
• O a faailoga na faailoa atu e le Faaola i Aposetolo?
• O le a le fetalaiga a Iesu i le faamoemoe o Lona tuuina atu
o nei faailoga?
Faaali atu se fasi falaoa ma se ipu vai. Fesili atu: Aisea ua
talafeagai ai nei faailoga ona fesoasoani ia i tatou e manatuaina
le Togiola? Fai atu i tamaiti o le vasega e faitau ia tatalo o le
faamanatuga mai le Mataupu Faavae ma Feagaiga 20:77, 79.
• O a folafolaga tatou te faia pe a tatou aai i le faamanatuga?
(Tusi i lalo vaega na o loo ta’uina mai i le tatalo o le
faamanatuga i luga o le laupapa.)
• O le fea e sili ona taua: o le areto ma le vai po o mea o loo
faatusa i ai? Aisea?
Ia valaaulia tamaiti o le vasega e fetufaai mai pe faapefea ona
latou taulai atu o latou manatu i le Faaola i le taimi o le
faamanatuga. Fesili atu: O a mea e mafai ona tatou faia i le
taimi lena lea e fesoasoani ai ia i tatou ia manatua lelei a tatou
feagaiga? (O tali e mafai ona i ai e aofia ai tatalo o le
faamanatuga mai tusitusiga paia, toe tautino atu ina ia tausia
a tatou feagaiga, mafaufau i upu o le viiga faamanatuga, ma
tatalo mo le faamagaloga.) Ia molimau atu o le mana o le
Togiola i o tatou olaga e faateleina a o tatou taumamafa ma le
agavaa i le faamanatuga.
Luka 22:31–38, 55–62 (tagai foi Mataio 26:31–35,
69–75; Mareko 14:27–31, 66–72; Ioane 13:36–38;
18:15–18, 25–27). Pe a liua o tatou loto, e tatau
ona tatou fesoasoani e faamalosi atu i isi.
(20–25 minute)