O le a le Feagaiga Fou?

O le Tusi Muamua a le Aposetolo o Paulo i Tesalonia
Ia faitau e tagata o le vasega le 1 Tesalonia 1:6–10 ma ia saili
mo ni faataitaiga o le ala e ola ai i le talalelei. Ia tusi a latou
tali i luga o le laupapa ma talanoaina. Fesili atu:
• Pe faapefea ona faatusaina le avea ma se faataitaiga lelei
i le aoga, i le aiga, po o le lotu i le faia o se misiona?
• O le a le uiga ia te oe o le fuaitau “o faifeautalai tagata uma”?
Ia faitau e tagata o le vasega le 1 Tesalonia 2:5–12 ma ia tusia
i lalo uiga o se faifeautalai lelei. Ia ta’u mai e i latou mea na
latou maua. Fesili atu:
• O le fea o nei uiga o loo ia te oe i le taimi nei?
• O le fea uiga e te manao ina ia faaleleia?
Afai e manaomia, ia toe faatulagaina e tagata o le vasega le
tulaga e pei ona sa ta’ua i le amataga o le vasega ma ia
faaaoga ai se tagata o loo i ai na uiga.
Ia fai atu i tagata o le vasega e faamatala mai se tagata na ia
faia se suiga lelei i o latou olaga. Fesili atu:
• Aisea na mafai ai e lenei tagata ona maua lea suiga?
• O le a se lagona o loo ia te oe e uiga i lenei tagata?
Ia faamatala atu o faifeautalai ua uma mai a latou misiona e
masani lava ona latou faamatalaina le olioli e maua i le talai atu
o le talalelei i isi. Ia molimau atu i tagata o le vasega e mafai ona
latou maua lea lava olioli e tasi ma le loto malie i le taimi nei
lava. Faitau 1 Tesalonia 2:17–20 ma ia saili mo upu e faamatala ai
lagona o Paulo e uiga i le Au Paia i Tesalonia. Ia faatusatusa na
fuaiupu i le Mataupu Faavae ma Feagaiga 18:10–16. Ia fesili atu:
• Aisea na matua tele ai le olioli ma le alofa e pei ona faaalia
i le 1 Tesalonia 2:17–20?
• Pe mafai faapefea ona tatou maua lea lava olioli?
Ia faamalosi atu i tagata o le vasega ina ia avea ma se
faatosinaga lelei mo se tasi i lenei vaiaso.
1 Tesalonia 5:1–23. O le Au Paia moni e saunia
mo le afio mai o le Alii e ala i le vaavaai mo
faailoga na valoia mai atoa ma le ola i le
Talalelei. (20–25 minute)
Ia valaau atu i tagata o le vasega e vavalo mai i le aso tonu o le
a fanau ai la latou tama ulumatua. Fesili atu: Aisea ua faigata
ai ona iloa le taimi sa’o o le a fanau mai ai se pepe? Faitau
1 Tesalonia 5:1–3 ma ia saili mo le auala na faamatala ai e Paulo
lenei mea i le faatusatusa atu i le Afio Mai Faalua. Fesili atu:
• O a isi mea sa faaaoga e Paulo e faamatala ai le Afio
Mai Faalua?
• O le a le mea ua avea ai nei mea ma faatusatusaga lelei?
• O ai o le a te’i i Lona afio mai?
Faitau le 1 Tesalonia 5:4–5 ma ia saili po o ai o le a te’i ae
o ai foi e lå te’i.
Ia tusia ni koluma se lua i luga o le laupapa, o le tasi ulutala o le
tagata o le malamalama ma le isi o tagata o le pogisa. Ia saili e tagata
216
o le vasega i le 1 Tesalonia 5:6–11 mo ni uiga o ia tagata taitasi.
Ia tusia nei uiga i luga o le laupapa i le koluma e tatau i ai ma
ia talanoaina ia uiga e le vasega. Ia faitau atu le saunoaga lenei
a Elder Robert D.Hales o le Korama a le Toasefululua:
“O le ola i poloaiga tatou te faia ai le finagalo o le Atua;
e avea i tatou ma tagata e tasi i le faamoemoe faatasi ma
le Tama ma le Alo. A tasi i tatou ma le Atua, ua tatou
savavali i le malamalama faaleagaga. O lo tatou naunau
e tausia poloaiga tatou te faatagaina ai le Agaga Paia
e mau ma i tatou. O le a tuuina mai ia i tatou le
meaalofa o le maua o faaaliga a le tagata lava ia. O le
malamalama faaleagaga lea e puipuia ai i tatou ma
avea ai ma se moli, e taitaiina ai i tatou i ala amiotonu.
E aveesea ai le pogisa a le tiapolo. E matua malosi lenei
malamalama ma e susulu atu e tusa lava pe tatou te
pauu ifo i se lua uliuli o le agasala e loloto ma matua
pogisa ma o le mea lea tatou te talitonu ai e leai se
malamalama faaleagaga e mafai ona au atu i ai lana
susulu (Liahona, Iulai 1996, 39).
Fesili atu i tagata o le vasega:
• Pe aisea o le a tete’i ai nisi tagata i le afio mai o le Alii?
• O le a le mea o le a tupu ia i latou? (Ia talanoaina tali
a tagata o le vasega.)
Faitau le Mataupu Faavae ma Feagaiga 106:4–5 ma ia saili i le
mea e mafai ona tatou fai e avea ai i tatou ma tagata o le
malamalama. Fesili atu:
• O le a le uiga o le “fusia o outou sulugatiti”? (Saunia, po o
le amata.)
• Pe faapefea ona tatou faia lena mea?
Sa fautua mai Paulo o se tasi o auala e saunia ai o le faaleleia
lea o lo tatou va ma le Atua ma tagata. Ona ia ta’uina mai ai
lea o ala patino e fitu e fai ai mea taitasi. Ia vaelua le vasega.
Ia tofi le isi afa o le vasega e faitau i le 1 Tesalonia 5:12–15 ma
ia fai atu ia i latou ina ia tusia ni auala se fitu e mafai ai ona
faaleleia e le Au Paia lo latou va ma o latou uso a tagata. Ia
tofi le isi afa o le vasega e faitau le 1 Tesalonia 5:16–22 ma ia
fai atu ia i latou e tusia ni ala se fitu e mafai ai e le Au Paia
ona faaleleia lo latou va ma le Atua. Ia tusia mea e sefulu ma
le fa i luga o le laupapa ma ia talanoaina pe a manaomia.
Faitau 1 Tesalonia 5:23 ma ia saili mo le faaalia e Paulo o le
faamoemoe mo le Au Paia i Tesalonia. Fesili atu:
• Pe mafai ona outou manatua se tasi faamanuiaga e sili atu
ona taua?
• Pe aisea ua taua tele ai lenei faamanuiaga?
• Pe faapefea ona avea le faia o nei mea e sefulu ma le fa ma
mea e fesoasoani ai ia te outou ina ia maua lenei
faamanuiaga?
Afai e lava le taimi, ia faatusatusa le fuaiupu 23 ma le
1 Tesalonia 4:3–7 ma ia talanoaina le taua o le mama atoatoa
o feusuaiga ina ia faapaiaina.