O le a le Feagaiga Fou?

Fesili i le vasega pe aisea na tuputupu faaleagaga ai isi a e le’i
tuputupu faaleagaga isi. Ia faitau e le vasega ma maka ia mau
nei: Moronae 7:16–19; Mataupu Faavae ma Feagaiga 42:61;
50:23– 25; 88:6–13, 67; 93:26–27. Talanoaina faatasi ma le
vasega ia mataupu faavae o le tuputupu a’e faaleagaga o loo
maua i nei fuaitau. Fesili:
• E faapefea ona faaaogaina ia mataupu faavae o loo i nei
fuaitau i le tagata na fanau mai o tauaso?
• Pe ua e maitauina ea nisi o nei mataupu faavae o faagaoioia
i lou olaga?
Ia faatagaina soo se tagata o le vasega e manao e fetufaai mai
ni faataitaiga. Uuna’i le vasega e faaaogaina ia mataupu faavae
pei ona faaaogaina e le tagata tauaso—ia talia ma ola i le mea
moni ua faamanuiaina ai i latou, ma ia maua le malamalama
sili atu ma le upumoni.
Ioane 10:1–5. O le mulimuli ia Iesu Keriso,
o le Leoleo Mamoe Lelei, e avea
ai i tatou ma Ana mamoe. (25–30 minute)
S M T W TH F S
Ia taina i se laau pese se lipine o ni leo o ni tagata ma fai i le
vasega e mate pe o leo o ai. (Pe fusi mata o nisi o le vasega
ma taumafai e mate leo o isi i le vasega.) O le a i ai nisi latou
te mateina vave ia leo nai lo isi. Fesili i le vasega:
• Aisea e faigofie ai i nisi ona vave iloa ia leo nai lo isi?
• E faapefea i le iloaina o se tagata ona faafaigofie ai ona
tatou iloaina ia leo?
Faamatala e faapena foi le iloaina o le leo o le Alii. Ia faamamafa
o le tele o taimi, o le “leo” o le Alii e le o se leo e lagonaina a e
o se “leo itiiti ma le filemu, o loo musumusu atu ma ‘ati i mea
uma” (MFF85:6; tagai foi 1 Tupu 19:11–12; 1 Nifae 17:45).
Faitau e le vasega le Ioane 10:1–5, ma fesili: O le leo o ai e tatau
ona tatou matua iloaina ma le mautinoa i o tatou olaga
faaletino? Faamatala, o le iloaina ma le mautinoa o le Alii o le
a maua ai le eseesega i le tatou faalogo ma le mulimuli i Lona
leo. Faitau e le vasega le Ioane 21:15–17, ma fesili:
• O ai na tofia e Iesu e avea ma “leoleo mamoe” a o toesea o Ia?
• O le a le mea na finagalo Iesu e faia e lenei leoleo mamoe?
Taina se lipine o lo o i ai le leo o le Peresitene o le Ekalesia ma
fai i le vasega pe latou te silafia o le leo lea o ai? Faitau le MFF
1:37–38 ma fesili:
• E mafai faapefea ona tatou faatusaina le leo o le perofeta
i le leo o le Leoleo Mamoe?
• O ai nisi e mafai ona avea ma leoleo mamoe o mamoe
a le Alii i ona po nei?
• O a ni mea e manaomia ina ia avea ai o se leoleo
mamoe lelei?
Faitau e le vasega le Esekielu 34:1–5 ma sailia le taua o le
tausia o mamoe a le Alii.
Molimau e uiga i le taua tele o le iloaina ma le faalogo i le leo
o le Leoleo Mamoe atoa ai ma le taumafai e avea ma ituaiga
mamoe e pei o Ia.
127
Ioane 9-10
Ioane 10:1–28 (Mau Tauloto Ioane 10:16).
O Iesu o le Leoleo Mamoe Moni o Isaraelu.
(20–25 minute)
Ia faaali se ata o Iesu o se leoleo mamoe pe o se leoleo mamoe
o loo ta’ita’iina ana mamoe. Valaaulia le vasega e toe iloiloina
le Ioane 10:1–28 ma sailia auala o loo avea ai Iesu Keriso o se
leoleo mamoe. (Na te iloaina igoa o Ana mamoe, Na te ta’ita’i
i Ana momoe ma latou te mulimuli ia te Ia. Ua ia filifilia e
tuuina atu Lona ola mo Ana mamoe, Na te puipui ia te ia, Na
te faapotopotoina uma Ana mamoe.)
Sa faamatala e Elder John R. Lasater, o se tasi o le Au Fitugafulu
se tala i se mea na tupu ia te ia e faaalia ai o le Leoleo Mamoe
Lelei na te iloaina Ana mamoe:
“I ni tausaga ua te’a, na ou maua ai se avanoa o se
tasi o le aumalaga aloaia o le malo o Amerika na asiasi
ai i le atunuu o Morocco. O se tasi o vaega o lenei
asiasiga, sa valaaulia i matou e malaga atu i se mea
mamao i totonu o le toafa ma asiasia ni mea ua
faatamaia. E lima ni taavale limosini uli na matou
malaga ai i Morocco i se tulaga saoasaoa tele. Sa ou i le
limosini lona tolu ma sa fai sina mamao ese mai le
taavale lona lua. A o matou aga’iga’i atu i le tumutumu
o se maupuepue, sa matou vaaia le limosini sa i o
matou luma ua faatafa i tua ma le auala. Ina ua matou
latalata atu i ai, sa ou lagona ua tupu se faalavelave
ma sa ou fautuaina le matou avetaavale e tu. Sa
tumau pea ia te au le vaaiga na ou iloa atu i luma,
mo le tele o tausaga.
“O se leoleo mamoe matua lava, na ofu i ofu na
faaaoga i ona po o le Faaola, sa tu i tafatafa o le
taavale ma talanoa ma le avetaavale. Sa ou vaaia i ona
tafatafa, ni mamoe laiti e le sili atu i le sefululima po
o le luasefulu. Sa tupu se faalavelave. Ua taia i le
taavale a le tupu se mamoe ma manu’a ai. Sa
faamalamalama atu i ai e le avetaavale le tulafono
a le malo. Ona ua lavea le mamoe a le leoleo mamoe
ma manu’a ai i le taavale a le tupu o lea e tatau ai
ona sautuaselau le taui na te maua e tusa ma le tau
o lana mamoe. Ae peitai i lea lava foi tulafono, e
tatau ona fasi mate loa le mamoe ua manu’a ma tufa
i le nuu. Sa vave ona toe fai mai la’u faamatala upu,
‘Ae o le a lå taliaina e le leoleo mamoe toeaina le
tupe. Latou te lå taliaina lava.’
“Sa ou te’i ma ou fesili atu, pe aisea. Sa ia toe fai mai,
‘Ona o lona alofa mo ana mamoe taitasi.’ I le taimi lea,
na ou vaaia ai le tago o lenei leoleo mamoe toeaina ma
sii a’e le mamoe ua manu’a i ona lima ma tuu i se taga
lapo’a i luma o lona ofu talaloa. Sa ia milimili lona ulu,
ma taut° lava i le upu e tasi. Sa ou fesili pe o le a le uiga
o lea upu ma sa ia fai mai, ‘Oi, o loo ia ta’uta’u le igoa
o le mamoe. O ana mamoe uma e tofu ma le igoa aua
o ia o lo latou leoleo mamoe, ma o leoleo mamoe lelei
latou te iloaina a latou mamoe taitasi i o latou igoa’