O le a le Feagaiga Fou?

Faitau le Mataupu Faavae ma Feagaiga 76:22–24 ma ta’u atu
ua i ai tagata i ona po nei ua vaai ia Keriso i le tino toetu.
Faamalosiau le vasega ia talitonu i molimau a tagata ia o Iesu
Keriso ua toetu ma o loo soifua Ia e oo mai i le aso.
Ioane 21:1–6, 15–17. E oo mai faamanuiaga
silisili ia i latou e ave le faamuamua i le galuega
a le Alii i o latou olaga. (20–25 minute)
Tusi le saunoaga lenei a Elder Marvin J. Ashton, o se tasi o le
Korama a le Toasefululua i luga o le laupapa ma aua le tusia
se mea i le avanoa o loo i ai le upu taimi: “Tatou te alolofa i le
mea tatou te tuu atu i ai le taimi, pe o le talalelei, Atua po
o Auro” (Lipoti Konafesi. Ape. 1981, 31; po o le Liahona, Oke.
1981, 24)1. Valaaulia ia le vasega mo ni fautuaga po o le a se
upu e talafeagai i le faatumuina o le fuaiupu. A ta’uina mai
e se tasi le upu taimi, ona tusi loa lea i le avanoa ma fesili:
Aisea tou te manatu ai ua moni lenei faamatalaga.?
Faitau e le vasega le Ioane 21:2–6 ma sailia pe na faapefea
e Peteru ma le au soo ona faaaogaina o latou taimi. Fesili
i fesili faapenei:
• O le a le tulaga na i ai le latou fagotaga i le po atoa:
• O le a se lesona e te manatu na taumafai le Faaola e tuuina
atu ia i latou iina ua fetalai atu e togi le upega i le isi itu
o le vaa?
• Faitau le Luka 5:4–11. Na faapefea ona tali atu ia Peteru,
Iakopo ma Ioane i le taimi mulimuli na fetalai atu ai le
Faaola? (Na latou tuua mea uma ae mulimuli ia Iesu)
• O le a se mea e mafai ona tatou faia e faaali atu ai lo tatou
alolofa ia Iesu Keriso ma Lana talalelei.?
Faitau le Ioane 21:15–17.
• O le a sou manatu o le a le uiga o le fetalaiga lenei a le Faaola,
“fafaga i a’u tama’i mamoe” ma le “fafaga i a’u mamoe”?
• O ai tama’i mamoe po o mamoe?
Faitau e se tasi o le vasega le saunoaga lenei a Elder
Robert D. Hales:
“O le fafagaina o tama’i mamoe pe tusa lea ma
galuega a faifeautalai i uso faatoa papatiso, o i latou
ia e tatau ona faafaileleina ma tuu atu i ai le
vaavaaiga mafana ma le faaaumea i le aiga o le au
paia. O le fafagaina o mamoe e mafai ona faasino
i e ua matutua i le Ekalesia, o nisi ua malolosi a o nisi
fo’i ua vaivai, ma e mana’omia le fesoasoani ina ia
toe aumaia i le lafu” (Lipoti Konafesi, Aperila, 1977,
114; po o le Liahona, Me 1977, 83).
Na saunoa mai foi Peresitene, Gordon B. Hinckley:
“Ona ua matua faatupula’ia pea tagata e liliu mai, o lea
e tatau ai ia i tatou ona tatou faateleina a tatou galuega
139
e fesoasoani atu ai ia i latou. E tofu manaomia e i latou
mea nei e tolu: o se uo, o se tiutetauave, ma le faafaileleina
‘i le afioga lelei a le Atua’ (Moronae 6:4). O lo tatou
tiute ma le matafaioi le tuuina atu o nei mea” (Lipoti
Konafesi, Aperila 1997, 66; Liahona, Iulai 1997, 47).
Talanoaina ma le vasega pe faapefea ona latou faaaoga lelei
o latou taimi ma faaalia lo latou alolofa mo le Alii i le
fesoasoani lea e fafagaina o Ana mamoe.
Ioane 21:18–24. Atonu o le a mana’omia e le Alii
ia ni taulaga eseese mai i tagata taitoatasi.
(15–20 minute)
Tusi se satauro i luga o le laupapa. Faitau e le vasega le
Mataio 16:24.
• E tusa ai ma lenei fuaiupu, o le a le mea e tatau ona tatou
faia ina ia faaolaina?
• O le a le uiga o le tauaveina e le tagata o le satauro?
Tusi tali i le isi itu o le satauro i luga o le laupapa. Faitau le
faaliliuga o Iosefa Samita o le Mataio 16:26 ma fesili:
• O le a se mea ua faaopoopo e le fuaiupu lenei i lo tatou
malamalamaaga e uiga i le tauaveina o le satauro?
• Faitau le Ioane 21:18–19. O le a le faauigaina e Peteru
o le tauaveina o lona satauro?
Tusi le tali lenei i le isi itu o le satauro. Faamalamalama e tusa ai
ma le mea na tupu ia Peteru, o le talosaga e “ave lona satauro,
ma mulimuli mai ia te a’u” o se mea tonu lava na manaomia
mai ia te ia. E tusa ai ma tu masani, na faasatauroina Peteru i
Roma, e u i luga ona vae ae u i lalo lona ulu, e tusa ai ma lana
lava talosaga aua ua ia manatua e le tatau ona faasatauroina o ia
e pei o le Alii aua e le o agavaa o ia ina ia maliu e pei o le Alii.
Faamatala i le vasega o loo tuuina mai i le Ioane 21:20–24 se isi
faataitaiga o le mulimuli i le Alii. Faamatala na mauaina e le
Perofeta o Iosefa Samita se faamatalaga atoatoa e uiga i le mea
na tupu i se faaaliga. Faitau e le vasega le Mataupu Faavae ma
Feagaiga 7. Fai fesili pei o nei:
• O le a le mea na manao i ai Ioane?
• E faatusatusa faapefea i le mea na manao ai Peteru?
• O le a le lelei o nei talosaga taitasi?
• O a ni suiga sa tatau ona oo ia Ioane ina ia maua ai e ia
lana talosaga? (Na tatau ona liua lona tino ina ia mafai ai
e ia ona tumau ai pea i le lalolagi mo lena umi.)
• O a ni mea tatou te aoaoina mai i nei faataitaiga e lua
e uiga i le mulimuli i le Faaola?
Ioane 18-21
Molimau atu e tele auala e mafai ai ona tatou “tuuina atu
o tatou ola” mo le Alii. O nisi ua tuuina atu o latou ola ma
maliliu ai mo le talalelei. O isi ua tuuina atu o latou ola i le
ola ai lea i mataupu faavae o le talalelei e aso taitasi. Uuna’ia
le vasega e amo o latou satauro ma mulimuli i le Alii.