O le a le Feagaiga Fou?

O Nisi Mataupu
Faavae Taua o le Talalelei e te Sailia
• E tatau ona tutusa le Au Paia i mea faalelalolagi (tagai
2 Korinito 8:13–15; tagai foi i le MFF 78:6–7; 82:17–19).
• O le Au Paia moni ma faamaoni latou te foai atu a latou
mea i e matitiva (tagai 2 Korinito 8:12–15; tagai foi i le
Iakopo 2:17–19).
• E alofa ma faamanuia e le Atua i latou e foai atu ma le agaga
fiafia (tagai 2 Korinito 9:6–7; ia tagai foi i le Moronae 7:8).
Fautuaga mo le Aoao Atu
Ia filifili mai aitia o loo i lalo, pe faaaoga ni au lava,
a’o e saunia lesona mo le 2 Korinito 8–9.
2 Korinito 8–9. O le Au Paia moni ma le faamaoni
latou te foai atu ma le fiafia a latou mea i e
matitiva e tusa ai ma mataupu faavae o le
talalelei. (20–25 minute)
Ia valaauina se tagata o le vasega e sau i luma o le potu. Fesili
atu: Afai e i ai se tupe, o le a se mea e te faatauina? O le taimi
lava e filifili ai e le tagata o le vasega se mea, ia tusia se siaki
[e lå se siaki mo’i] mo le aofa’i o le tau o lea mea (pe faaaoga
tupe mea taalo) ma tuuina atu ia te ia. Ia valaau atu i se isi
tagata o le vasega e sau e tu atu i le mea o loo i ai le tagata
muamua o le vasega i luma o le potu, ma ia fesili atu i le
vasega ina ia mafaufau faapea ua faato’a oo mai lava se mala
i le aiga o lenei tagata o le vasega. Na mu lo latou fale talu ai
nei ma ua leai se mea o totoe ma e leai foi se inisiua na latou
faia. Ia fesili atu i le tagata na e tuuina atu i ai le siaki:
• Pe mafai faapefea ona e fesoasoani atu i lenei aiga
puapuagatia?
• O le a le faigata o le tulaga o le tuuina atu o le tupe o loo
i ai i le siaki? Aisea?
• O ai o loo sili ona manaomia le tupe?
Ia valaauina tagata o le vasega e faamatala mai ni tulaga
na latou oo i ai o loo faaalia ai tagata o loo manatu mamafa
i isi tagata?
Faitau 2 Korinito 5:7 ma ia saili po o a tulaga e mafai ai ona
ola i le talalelei.
• Pe aisea e manaomia ai le faatuatua ina ia mafai ai ona foai
atu ia i latou o loo manaomia le fesoasoani?
• Pe mafai faapefea ona tatou foai atu i e o loo manaomia le
fesoasoani i aso nei?
Ia faitau le faamatalaga o loo i lalo a Elder Bruce R.
McConkie e faapea:
“O nisi o tofotofoga e oo mai ona o le olaga faaletino
o le tagata e aofia ai le pupu o lona loto i tupe, o lona
197
naunau i oa, lona mana’o e fia maua le pule, faatosinaga,
ma le faafaigofieina o mea uma ona ua ia maua
se oa tele. Ae ui i lea, ‘pe afai e gaua’i o ia i galuega
alofa a le Agaga Paia, ma ua tu’u ese le tagata o le
agasala, ma ua avea o ia ma tagata amiotonu ona o le
togiola a Keriso le Alii’ (Mosaea 3:19), ona avea ai lea
o ia ma se tagata e ola i se tulafono maualuga. E le toe
avea o ia ma tagata e pule ai le tupe; o lona naunauga
o le faia lea o mea lelei ma faia le amiotonu; e avea
o ia ma tagata e foa’i atu ma le agaga fiafia”
(Doctrinal New Testament Commentary, 2:435).
Ia fai atu i tagata o le vasega e faitau le 2 Korinito 9: 7,
ma fesili atu:
• O le a se mea ua aoao mai e lenei mau e uiga i le foa’i atu?
• Pe ua faapefea ona finagalo le Alii ina ia tatou foa’i atu?
Ia faamatala atu e faapea sa fai atu Paulo i le Au Paia i Korinito
ina ia fesoasoani ia i latou i Ierusalema o e ua le faamanuiaina.
Ia faitau e i latou le 2 Korinito 8:14–15, ma fesili atu: Pe na
faapefea ona manao Paulo e faataunuuina lenei mea?
Ia tuuina atu le saunoaga lenei a Peresitene Marion
G.Romney:
“Ua fetalai mai le Alii o Ia na faia le lalolagi;. . . .e lå o
sou po o sa’u foi ma o Ia e pule ai. E tusa lava po o le
a le tele o mea e pei o fanua ma isi mea ua tatou
maua, e le o ni mea a i tatou. O ia mea o Ia lava e
pule ai” (in Glen L.Rudd, Pure Religion [1995], 291).
Ia faamanatu atu i tagata o le vasega o mea uma o loo i le
lalolagi e a le Alii ia (tagai MFF 104:12–18), o lona uiga e tatau
ona tatou tufatufa atu ma le agaga fiafia mea ua tatou maua
e tusa ma Ana mataupu faavae o le tausia o e matitiva. Ia faitau
e i latou le 2 Korinito 9:6 ma saili mo le folafolaga na faia e le
Alii ia i latou o e foa’i atu ma le loto malie (tagai foi i le Luka
6:38). Ia faamalosi atu i tagata o le vasega ina ia totogi atu e le
aunoa tupe mo le taulaga anapogi e ese mai le totogiina o a
latou sefulua’i.
Faatomuaga
2 Korinito 10–13
1 Korinito 10–13
I le amata mai i le aso na liua ai a’o i ai i le ala i Tamaseko (tagai
Galuega 9:1–9), sa faamaoni Paulo i le Faaola ma Lana galuega.
O le fasia ma tau’aia i maa, tuuina i le falepuipui ma teena, o le
lutia i faigata ma mafatiaga faaletino, sa tuuina atu ma le fiafia
e ia mea uma na ia maua i le Alii (tagai 2 Korinito 11:23–31).
Sa ia faia ia mea ma lana molimau maumaututu o mea uma e le