O le a le Feagaiga Fou?

lava i lena vaitaimi e le’i taliaina lava e tagata o lona
aiga o ia o le Mesia. Ae peitai, o i latou uma na liliu i se
taimi mulimuli ane (Galuega 1:14); o se tasi o i latou
na taua e Paulo o ‘Iakopo le uso o le Alii’ (Kalatia 1:19),
sa faapea e galue i le tofi paia o le au aposetolo; ma
sa i ai fo’i ma se i si, o Iuta, na te taua ia lava o ‘Iuta,
le….uso o Iakopo’ (Iuta 1), na tusia le tusi a le aposetolo
o Iuta.” (Doctrinal New Testament Commentary, 1:437)
Fesili: O le a se tou manatu e faapefea ona mauaina mulimuli
e Iesu ia le faatuatuaga ma le talitonuga o Ona uso taufeagai?
Faamanino e i ai taimi e muimui ai le au talavou faapea e le
talitonuina i latou e o latou matua po o isi foi tagata matutua.
Fesili: E mafai faapefea ona tatou mauaina le faatuatuaga
a i latou tatou te alolofa i ai? Faamalosiau i tagata o le vasega
e faaalia lea lava agaga faamaoni ma le auaunaga punouai i le
talalelei i o latou olaga faapei ona faaalia e Iesu Keriso
i Lona soifuaga.
Ioane 7:17 (Mau Tauloto). E mafai ona
tatou aoaoina le moni o aoaoga a Iesu
i le ola ai (20–25 minute)
Valaaulia tagata o le vasega e vaai faalemafaufau i se uo ua
fesiligia i latou pe mafai faapefea ona ia iloa o le tulafono o le
sefulua’i o se tulafono moni a le Atua. Fesili: E faapefea ona e
tali i se fesili faapena? Faitau e tagata o le vasega le Ioane 7:17
mo le tali (tagai foi i le Alema 32:26–42 ma le 1 Ioane 2:3–6)
Faitau le saunoaga lenei mai ia Elder Loren C. Dunn o se tasi
o le Au Fitugafulu. Fesili i tagata o le vasega e mata’ituina ni
auala patino o loo faaaogaina i le Ioane 7:17.
“Ua ou manatua ni alii talavou se to’alua na o mai e
vaai a’u i ni nai masina ua te’a. Sa fautuaina mai e o
la’ua taitai o le perisitua. Mai i le taimi na taunuu mai
ai i la’ua i totonu o le ofisa, na amata ona la’ua fesiligia
ma le faamaoni ia nisi o mataupu ma aoaoga faavae
ma aiaiga o le Ekalesia. ...
“Sa ou fesili atu i ai mulimuli, pe faamata o a la’ua
fesili o ni faailoga o o la faafitauli ae le o le pogai. Pe
lå o le la fesili moni ea pe moni le ekalesia pe leai? Pe
o le Ekalesia ea lea a Iesu Keriso pe leai? Ma pe le o
ta’ita’ia ea i faaaliga mai le lagi? Na ioe ia alii talavou
atonu afai e la te mautinoaina tali o ia fesili, o le a mafai
ai fo’i ona la malamalama i fesili atonu o le a tutupu
a’e pea i o la loto. ...
“Sa ou fesili atu i ai pe faamata la te fiafia pe a faia se
faataitaiga mo se tolu masina. Sa la’ua tali mai o le a
la taumafai, ae sa le’i naunau i la’ua e tautino mai i
la’ua lava sei vagana ua la’ua iloaina le mea o loo ou
mafaufau i ai.
123
“‘Mo le isi tolu masina, ia oulua auai i sauniga lotu
uma ma faalogologo lelei i mea e tautalagia. ...
“‘E mafai ona toe tauaata’i i o oulua olaga le tatalo,
i le ao ma le po....’
“Sa ou talosagaina pe…..mafai ona aua le toe inupia,
ulaula, ma faaaogaina fualaau faasaina….
“Sa ou fesili atu pe…mafai ona la ola i se olaga mama
ma talafeagai ai ma mataupu faavae o le ola mama
pei ona aoao mai e le Faaola. Na la tali mai o le a la
faia. Na ou fautuaina loa e faia e i la’ua lava se la
kalena mo le tolu masina mo le faitauina o le Tusi
a Mamona mai le isi faavaa seia pa’ia le isi faavaa—
faitau na o ni nai itulau i aso taitasi ma tatalo i faitauga
uma ia fesoasoani mai le Alii ia i la’ua ina ia la iloaina
pe moni le Tusi a Mamona ma pe mai fo’i ia te ia. Na
la malilie i ai.
“…Na ou faaopoopo atu i ai, ‘Afai ae sologa lelei mea
uma, o le a oulua vaaia ni suiga e le’i faamoemoeina,
pei o le tuputupu a’e o le malamalama ma le popole
mo ou uso a tagata ma le faatauaina tele o isi tagata.’
Na la taliaina le lu’itau ma o ese loa” (Lipoti Konafesi
Aperila 1971, 106–7; po o le Ensign, Iuni 1971, 81–82)
Ioane 7-8
Talanoaina pe faapefea ona faaaogaina ia mataupu faavae i le
Ioane 7:17 i o outou olaga. Faamalosiau i tagata o le vasega
ina ia latou taitoatasi ma vaai po o gafea o faaletonu o a latou
lava molimau ma taumafai e faaaoga lea lava suesuega i le
tolu masina e galueaiina ai.
Ioane 8:1–11. Nai lo le tatou faafiaamiotonu ma
faasala i e agasala, e tatau ona tatou faia ni
faataitaiga e ala i le taumafai e faatoilalo
o tatou lava vaivaiga. (20–25 minute)
Ia tuu se maa lapo’a i luma o le vasega o loo tusia ai upu nei
“o le maa muamua.” Faitau e le vasega le Ioane 8:1–11 ma
vaavaai pe faapefea ona fetaui se maa faapenei i le tala. Fesili:
• O le a le fetalaiga a le Alii e uiga i le togiina muamua
o le maa?
• O le a sou manatu o le a le mea o loo taumafai le Alii
e aoao mai i nei faiupu?
• Aisea e matuia tele ai le agasala o le faafiaamiotonu?
• E mafai faapefea ona tatou alo ese mai i le faafiaamiotonu?
• E mafai faapefea ona fesoasoani le vaaia pea o se maa
faapea i luma o le faata e fai ai au teuga i taeao uma?
Tuuina atu i tagata uma o le vasega ni tama’i maa ma uuna’i
i latou e tuu faaaliali i totonu o o latou potu. (Tuu le maa lapo’a
i se mea e faigofie ona iloa ai i totonu o le potuaoga e avea ma
faamanatu o lenei lesona i le vaiaso atoa.) Uuna’i tagata o le
vasega ia aloese mai le agasala o le faamasino fua o isi ae ia
avea ma ni faataitaiga i le taumafai lea e le aunoa e faatoilalo
a latou lava agasala.