O le a le Feagaiga Fou?

• O le a le mea na aoao mai e Iesu e faatatau i lenei mataupu?
(tagai Mareko 7:10–13).
Tuu atu i tamaiti o le vasega e faitau le Mareko 7:17–23 ma
saili ai po o le a moni lava le mea e faaleagaina ai se tagata.
Ona talanoaina lea o fesili nei:
• O a ituaiga manatu ma gaoioiga e lå mama faaleagaga
ai ia tagata? (Ia lisi tali i luga o le laupapa.)
• Pe sili atu ona taua le mama i le faaleagaga po
o le faaletino? Aisea?
• O le a le ituaiga mama e te manatu e faigofie ona
faatumauina? Aisea?
Faitau le saunoaga lenei mai ia Elder Spencer W. Kimball,
a o avea ma se sui o le Korama a le Toasefululua:
“E le o le palapala o le eleele po o le ga’o i lima o se
tagata e faaleagaina ai o ia; e le o le . . . tupuga mai
i le faataunuuina o galuega faamaoni, po o le manogi
foi o le tino o le tagata e mafua mai i le faataunuuina
o galuega mamafa. E mafai e se tasi ona taele i lea
taimi ma lea taimi, faamanogi le tino i mea manogi i
le tele o taimi, uu le ulu i taimi uma ma taoti atigilima
i aso taitasi, ma tautala i upu malu, peitai e mafai
lava ona palapala ma leaga o ia e pei o lua ua lafo i ai
le otaota ma mea leaga. Ua pogai lea tulaga ona o le
agasala, aemaise lava agasala o le feusuai” (O le
Vavega o le Faamagalo Atu [1969], 63).
Ia fetufaai atu le saunoaga lenei mai ia Dallin H. Oaks,
a o avea ma Peresitene o le Iunivesite o polika Iaga:
“O loo i ai i le tino ni mea tau e puipuia ai le tino mai
i meaai e le mama, E i ai nisi tulaga e le lelei ai,
o meaai leaga e na o le maua ai o oe i le ma’i ae le
tumau ona faaleaga ai le tino. I le faatusatusaga, o se
tagata e taumafa i tala leaga ma tifaga leaga ma tusi
leaga e faamauina na mea i le vaega ofoofogia e toe
manatua ai ua tatou ta’ua o le fai’ai. E le mafai e le
fai’ai ona toe luai mai i fafo le eleelea. O le taimi lava
e faamauina ai, o le a tumau ai pea lava seia toe
manatua ai, ma o le a faaali mai ai na vaaiga leaga
i lou mafaufau ma aveesea ai oe mai mea lelei i le
olaga” (“Aua e te Mata’u, Tau Lava Ina e Faatuatua,”
Liahona, Ian. 1998, 51–52).
Faitau le 1 Nifae 15:34. Ia fetufaai atu ou lagona i au tamaiti o le
vasega e uiga i le avea ma se tagata e mama i le faaleagaga ma
tumau ai pea.
Mareko 8:1–30 (tagai foi Mataio
15:32–16:20). E mafai e Iesu ona
faamaloloina le tauaso faaletino ma le
faaleagaga. (30–40 minute)
S M T W TH F S
67
Mareko 7–16
Ae le’i amataina le vasega ia tusi i ni mataitusi laiti i luga o se
fasi pepa ia le faataoto E leai se tagata e tauaso e pei o se e le vaai.
Faapipii le pepa i luga o le laupapa ma tuu atu i se tamaitiiti
o loo i le pito i tua o le potu e taumafai e faitau. Afai e i ai se
tamaitiiti o le vasega e faaletonu lana vaai latalata, ona tuu
atu lea ia te ia e taumafai e faitau e aunoa ma lana tioata. Fesili
atu i tamaiti o le vasega: O le a le eseesega i le va o se tasi e le
mafai ona vaai ma se tasi o le a le vaai?
Iloilo faatasi ma au tamaiti o le vasega ia le tala i le fafagaina
o le fa afe (Mareko 8:1–9), ona fesili atu lea:
• O le a le mea na faia e le au Faresaio ina ua uma ona
fafagaina e Iesu le fa afe? (tagai f. 11–12).
• O le a le ituaiga tauaso sa i le au Faresaio?
• O le a le ituaiga o tauaso na faaalia e le au soo i le vaa?
(tagai f. 13–21).
• E ui lava sa faaalia e i latou uma le tauaso faaleagaga, o ai
sa sili atu ona tauaso—o le au soo po o le au Faresaio?
Tuu atu i au tamaiti o le vasega e iloiloina ia le fuaiupu e 22–26
(tagai foi i le fautuaga e aoao atu ai o loo i lalo mo le Mareko
8:22–26). Fesili atu: E ono mafai faapefea ona puapuagatia
tagata mai vaega eseese o le tauaso? Faitau le fuaiupu 27–30.
• O le a le mea na molimau mai ai ia Peteru?
• E faapefea ona avea o ia ma se faataitaiga lelei o se tasi
e mafai ona vaai faaleagaga?
Faitau le fuaiupu 31–33 ma talanoaina pe na faapefea ona
leiloa foi e Peteru ia mea uma (tagai foi i le fautuaga e aoao
atu ai mo le Mataio 16:15–19, i. 42–43).
• O le a le mea na manao Peteru e teena?
• O le a le mea sa ia le malamalama i ai pe le’i “vaai ia i”?
Faitau atu le fuaiupu 34–38 i au tamaiti o le vasega. Ia fetufaai
atu lau molimau faapea e mafai e le Faaola ona faamaloloina
le tauaso faaleagaga e pei lava ona Ia faamaloloina le tauaso
faaletino, ae sei vagana ua i ai lo tatou manao e vaai ai.
Mareko 8:22–26. O le tulaga na faataunuuina ai
e Iesu Keriso Ana vavega e mafai ona aoaoina ai
i tatou i ni lesona taua. (10–15 minute)
Tuu atu i tamaiti o le vasega e iloiloina ia vavega na faia e le
Faaola e pei ona tusia i le Mareko 6:54–56 ma le 7:31–37. Ona
tuu atu lea ia i latou e faitauina le Mareko 8:22–26, ma fesili atu:
• E faapefea ona ese mai lenei faamalologa mai isi?
• O le a le lesona e mafai ona tatou aoaoina mai le mea moni
lenei faapea o lenei tagata e le’i faamaloloina atoatoa i le
taimi muamua?
Ia valaaulia tamaiti o le vasega e faalogo i le saunoaga lenei
mai ia Elder Bruce R. McConkie e vaai ai pe mafai faapefea
ona latou faatatauina i o latou olaga: