O le a le Feagaiga Fou?

O le Talalelei e Tusa ma le Faamatalaga a Luka
• O le auai i totonu o le Ekalesia e le aumaia ai le atoatoa
o faamanuiaga o le talalelei; e tatau ona tatou tausia ma le
faamaoni a tatou feagaiga ina ia maua ai na faamanuiaga
(tagai Luka 3).
Fautuaga mo le Aoao Atu
Filifili mai manatu nei, pe faaaoga ni ou lava manatu
a o e saunia au lesona mo le Luka 1–3.
Luka 1:1–2:20 (tagai foi Mataio 1:18–24; Ioane
1:1–5). O Iesu Keriso, o Ioane le papatiso,
o Maria, ma le toatele o isi na muai faauuina
i le muai olaga ina ia faataunuuina ni misiona
patino i le lalolagi. (25–35 minute)
Faaali atu i tamaiti o le vasega ituaiga faasilasilaga eseese (mo
se faataitaiga valaaulia o se faaipoipoga, faasalalauga i se
nusipepa, ma faasilasilaga o taui). Fesili atu: Afai e mafai ona
e mauaina soo se faasilasilaga i le aso lenei, o le a se mea e te
manao ina ia i ai? Ia valaaulia tamaiti o le vasega e faitau le
Luka 1:5–17, 26–31 ma vaai mo faasilasilaga na maua e Maria
ma Sakaria. Fesili atu: O a ni pogai o loo i ai i nei fuaiupu na
mafua ai ona la mauaina nei faasilasilaga faapitoa?
Ia fetufaai atu i le vasega ia saunoaga nei mai ia Elder Bruce
R. McConkie:
“O le tina o lo tatou Alii,o Maria, e pei o Keriso, na
filifilia ma muai faauuina i le muai olaga mo le vaega
sa ia faataunuuina i le ata sili o le faaolataga. O lona
tofiga o le saunia lea o se tino faaletino mo le Alii
Silisiliese, e tausi ma faapelepele ia te ia i lona fanau
mai ma lona laitiiti, ma ia fesoasoani ia te ia mo lena
misiona tele lea e na o ia e mafai ona faia. O le mea
moni lava o ia o se tasi o fanau agaga sili ona taualoa
a le Tama” (Mormon Doctrine, 471).
“E ui i le tele o tagata Iutaia i le vaeluaga o taimi sa
i se tulaga o le le mautonu ma le matuai liliuese, o lea
ituaiga pouliuli o le mafaufau ma le agaga sa le’i
aofia ai le lalolagi atoa. E le’i lofia ai le malo atoa.
O Elisapeta ma Sakaria o ni au paia amiotonu. O i laua
uma o nisi e tupuga mai ia Arona, ma o Sakaria sa
umia le tofi o le ositaulaga i le Perisitua Arona”
(Doctrinal New Testament Commentary, 1:78).
Fesili atu: O le a se mea tatou te aoaoina mai e uiga ia Maria,
Sakaria, ma Elisapeta mai nei faamatalaga?
Ia faailoa atu i tamaiti o le vasega o le toalua o Sakaria, o
Elisapeta, e pa ( e le fanau) ae o Maria o se taupou. Fesili atu:
• E faapefea ona faaopoopo atu nei tulaga i le tulaga ese
o nei fananau mai?
• E te silafiaina soo se tasi na fanau mai i ni tulaga
ofoofogia faapea?
76
• O a ni manatu po o ni lagona ua fetufaai atu e ou matua ia
te oe e uiga i le paia ma le faapitoa o le aumaia o se
tamaitiiti i le lalolagi? (Mafaufau e fesili atu i se matua e
asiasi atu i le vasega e fetufaai atu ai nei manatu ma lagona.)
Faitau faatasi o se vasega le Luka 1:38–55, 67–79. Fai atu
i tamaiti o le vasega e taulai atu i le faamatalaina o le filemu,
olioli, ma le faamoemoe sa faaalia e Maria ma Sakaria. Ona
fesili atu lea:
• E faapefea ona e manatunatu i ni ou lagona o le a i ai i le
avea ai ma se matua?
• E mafai faapefea ona ono faamalosia ia ituaiga lagona ona
o nei tamaiti e toalua o Iesu ma Ioane le Papatiso?
• O le a se mea o loo aoaoina mai e nei fuaiupu e uiga i le
faatuatua o Maria ma Sakaria?
• O a lesona e mafai ona e aoaoina mai ia i latou e fesoasoani
ai i lou faatuatua ina ia faatupuina?
Tuu atu i tamaiti o le vasega e toe faamanatu mai ia tala a
Mataio ma Mareko i nei mea na tutupu, ma fesili atu: O le a se
mea e tulaga ese ai le molimau a Luka? Faitau le faamatalaga
o loo i le “au faitau” ma “uiga e le masani ai” o loo i le
Faatomuaga i le Talalelei a Luka (i. 75). Fesili atu: E faapefea
ona fesoasoani lenei faamatalaga ia te oe ia malamalama ai i
le mafuaaga ua na o Luka ai le tusitala o loo ta’ua ia
feutagaiga a Maria ma Sakaria ma se agelu?
Faaali atu se ata po o nisi mea mai se vaaiga o le Kerisimasi,
ma valaaulia tanmaiti aoga e faalogo a o e faitauina le Fanau
mai o Keriso mai le Luka 2:1–20. Ia molimau atu i le Faaola
ma faatagaina ia tamaiti o le vasega o e r mananao e fetufaai
mai a latou molimau ina ia faia.
Luka 1:13. O tatalo e le masani ona taliina vave
maia. O nisi taimi e tatau ai ona tatou faatali mo
se taimi umia e maua ai tali i a tatou tatalo.
(10–15 minute)
A maea le tatalo amata, ona fesili atu lea i tamaiti:
• Pe faafofogaina ea e le Atua ia tatalo uma lava?
• Pe Na te taliina ea ia tatalo uma?
• O le a le mea e tatau ona tatou faia pe afai e le maua vave
mai se tali?
Faitau le Luka 1:13. O le a le mea o loo aoao mai e lenei fuaiupu
e uiga i le Atua? (Na te faafofoga ma tali mai i tatalo.) Ia
iloiloina le fuaiupu 5–12 ma vaai ai po o le a le umi na tatalo
ai ia Sakaria ma Elisapeta ae faatoa oo mai se tali. O le a se mea
o loo aoaoina mai ai oe e uiga i le taliina e le Atua o tatalo?
Ia fetufaai atu le saunoaga lenei mai ia Bishop H. Burke
Peterson, a o avea ma se tasi o le Au Epikopo Pulefaamalumalu:
“E faafofoga le Tama Faalelagi i tatalo uma mai lana
fanau. ... E tusa lava po o le a le mea sese tatou te
faia, e faafofoga mai o ia ia te i tatou. ...