O le a le Feagaiga Fou?

i tatou e teena ai. O le a se mea ua aoao mai i le 1 Korinito
10:14 e uiga i le teena o le faaosoosoga? Ia valaauina tagata o le
vasega e faitau le Alema 13:27–28 ma ia saili i le auala e mafai
ai ona tatou manumalo ia Satani. Ia ta’u atu lou manao ina ia
tau mamao ese tagata o le vasega mai le tiapolo ae le o le
gauai atu i le faaosoosoga. Ia talanoaina le faamatalaga o loo
i lalo mai ia Elder Neal A. Maxwell:
“Ua faamaonia mai e le Atua ia i tatou e i ai pea lava
pea se ala e sola ese ai mai le tiapolo, ma/po o le
le/ma faaosoosoina ai foi tatou i se mea e sili atu i lo
se mea tatou te mafaia. O lenei mea moni, e pei ona
sa ta’u mai e perofeta eseese i lea augatupulaga ma
lea augatupulaga, e taua ia i tatou; o le saga ta’uina
mai pea faaperofeta e faamautinoa ai” (Things As
They Really Are, 88).
Ia faamatala atu e faapea e le o le uiga o lenei mea e mafai
ona tatou faatupuina faaosoosoga i o tatou olaga ae faamoemoe
i le Atua na te faaolaina i tatou. E fesoasoani lo tatou Tama ia
i latou o e loto maualalo ma i ai le agaga tatalo (Alema 13:27–29).
Sa tuuina mai e Elder Maxwell lenei tulaga e filifili i ai:
“A o le faaosoosoga, o le tele lava o taimi o loo i ai se
ala manino e sola ese ai, ae peitai o le puipuia–e le
o le maileia i se isi tulaga–o se mea mautinoa lea ma
o se vaega o le maua o le faatuatua e lava lelei” (Not
My Will But Thine [1988], 75).
Sa saunoa mai Peresitene Siaosi A.Samita, o le na avea ma se
uso o le Au Peresitene Sili, e faapea:
“O loo i ai se laina o le tuaoi ua uma ona faamatala
lelei mai e uiga i le va o le mea e pule ai le Alii ma le
mea e pule ai le tiapolo. Afai o le a e tumau i le itu a le
Alii o lea laina, e le mafai ona oo mai le fili iina
e faaosoosoina oe. O loo saogalemu atoatoa oe pe afai
e te tumau i le itu a le Alii o lena laina. Ae peitai. . .afai
o le a e sopo’ia le isi itu a le tiapolo o le laina, o loo
ua i ai oe i le vaega e pule ai, ma ua e i ai i lona
mana, ma o le a galue i le faaumatiaina o oe e ala i le
tausia o oe mai le toe sopo ane i le mea o loo i ai le
saogalemu” (In George Albert Smith, in Conference
Report, Oct.1945, 118).
1 Korinito 11:23–30. A’o fetagofi i tatou ma le
agavaa i le faamanatuga, o le a faamagaloina
i tatou mai a tatou agasala ma o le a faaleleia
e le Alii o tatou agaga. (20–25 minute)
187
Ia fesili atu i tagata o le vasega pe afaina faatusa e faaaoga e fai
ai le faamanatuga. Ia ta’u atu ia i latou o loo ta’u mai
i tusitusiga paia o le areto ma le uaina o mea ia e tatau ona fai
ai le faamanatuga ae peitai e masani lava ona tatou faaaogaina
le vai ae le o le uaina. I taimi faafuase’i po o taimi e le maua ai
ia mea, e mafai ona faaaoga se mea talafeagai lelei e sui ai. Mo
se faataitaiga, sa faaaoga i nisi taimi pateta po o pa’u o pateta
e fai ai le faamanatuga e le Au Paia o Aso e Gata Ai i Europa i
le taimi o le Taua Lona Lua a le Lalolagi (see Ezra Taft
Benson, in Conference Report, Oct.1952, 120).
Faitau le 1 Korinito 11:23–26 ma le Mataupu Faavae ma
Feagaiga 27:2. Fesili atu:
• O le fea e sili ona taua, o mea tatou te faaaoga e fai ai le
faamanatuga po o le auala e saunia ai i tatou mo le fetagofi
atu e aai ma feinu i le faamanatuga? Aisea?
• Aisea tatou te aai ai i le faamanatuga?
1 Korinito 8–11
Faitau le Mataupu Faavae ma Feagaiga 20:77 ma ia saili
feagaiga tatou te osia pe a tatou fetagofi atu i le faamanatuga,
ma ia tusia ia mea i luga o le laupapa. Ia talanoaina ma tagata
o le vasega le auala e mafai ai ona tatou tausia atili a tatou
feagaiga. Fesili atu:
• O le a le taua o le manatua o le tino o Iesu?
• O le a le taua o le manatua o Lona toto?
• Pe mafai faapefea e faatusa o le faamanatuga ona tuuina
mai ia i tatou le faamoemoe?
• Pe tatau faapefea i le manatua o nei mea ona aafia ai
o tatou olaga?
Ia tautino atu le taua o le faamanatuga, ma ia faamalamalama
atu ona pau lava lea o le sauniga tatou te faia mo i tatou lava
e sili atu nai lo le faatasi. Faitau i le 1 Korinito 11:27–31 ma ia
saili mo mea na lapataiina ai i tatou e Paulo ina ia alo ese ai.
Sa aoao mai Elder Iosefa Filitia Samita e faapea:
“O le fetagofi atu i nei faatusa e aofia ai ni sauniga sili ona
paia i le Ekalesia” (Doctrines of Salvation, 2:339).
Ia faamatala atu ua i ai i le faamanatuga le mana e fesoasoani
ai ia i tatou i le faaatoatoaina o o tatou olaga pe afai tatou te
fetagofi atu i ai ma le mama. Sa faamatala e Elder Malvin
J.Ballard, o le sa avea ma se tasi o le Korama a le
Toasefululua, e faapea:
“Afai tatou te salamo ma le faamaoni ma tuuina e i
tatou i tatou lava i se tulaga tatau, o le a faamagaloina
i tatou, ma o le a oo mai le faamalologa faaleagaga i o
tatou agaga. . . .o le a e lagona manu’anu’a o le agaga
ua faamaloloina, ma aveesea le avega mamafa. Ona
oo mai ai lea o le to’afilemu ma le fiafia” (“The
Sacramental Covenant,” New Era, Jan.1976, 8).