O le a le Feagaiga Fou?

FESOASOANIGA MO LE SUESUEINA O TUSITUSIGA PAIA
Fesoasoaniga
i Suesuega o Tusi Tuufaatasi e Tolu
I le 1993 na gaosia ai e le Ekalesia se seti fou o fesoasoaniga
mo suesuega ina ia aofia ai i tusi tuufaatasi e tolu (o le Tusi
a Mamona, o le Mataupu Faavae ma Feagaiga, ma le Penina
Tautele). O nei fesoasoaniga e mafai ona matuai aoga ai se
suesueina o tusitusiga paia. I le tautalagia o le taumafaiga lea
na tuuina i totonu o lomiga fou o tusitusiga paia a le AAG,
na molimau mai ai Elder Boyd K. Packer: “O lenei galuega . . .
e i ai le aso o le a tulai mai ai o se faailoilo musuia i lo tatou
augatupulaga. Talu ai ona o lenei fesoasoaniga, o le a tatou
tut° a’e ai o se augatupulaga o le Au Paia o Aso e Gata Ai
o e o le a malamalama i le talalelei ma iloa le Alii” (Bruce R.
McConkie, Apostle [lauga i le falelauasiga o Elder Bruce R.
McConkie, 23 Apr. 1985], 4).
O Nisi Mataupu
Faavae Taua o Le Talalelei e Saili i Ai
• O tusi tuufaatasi e tolu o loo aofia ai ni fesoasoaniga taua
e suesue ai lea e mafai ona fesoasoani ia i tatou ia faateleina
lo tatou malamalama i tusitusiga paia uma.
Fautuaga Mo Le Aoao Atu
Filifili mai manatu nei, pe faaaoga foi ni ou lava manatu,
a o e sauniaina au lesona i fesoasoaniga mo le suesueina
o tusitusiga paia.
Fesoasoaniga mo Suesuega. O le iloaina o igoa ma
le faasologa o tusi i le Feagaiga Fou e fesoasoani
lea ia i tatou e sailia vave ia mau. (10–15 minute)
Fesoasoaniga i le Suesueina o Tusitusiga Paia.
O fesoasoaniga mo suesuega o loo tuuina atu
i tusi tuufaatasi e tolu e fesoasoani ai lea ia i tatou
ia maua ni mea se tele mai a tatou suesuega
o tusitusiga paia. (40–45 minute)
Ua faaaofia e le Ekalesia le anoanoai o fesoasoaniga mo
suesuega i totonu o tusi tuufaatasi e tolu. O fautuaga nei
e mafai ona fesoasoani ai ia te oe i le aoaoina o au tamaiti
o le vasega ina ia faaaogaina lelei ai.
Ulutala o Mataupu ma Faatomuaga o Vaega. Tuu atu i tamaiti
e su’e i le ulutala mataupu mo le Alema 32.
Faitau ma faamalamalama atu faapea o loo faamamafaina mai
e ulutala ia manatu autu o mataupu taitasi ma e masani ona
tuuina mai ai ni aoaoga faavae atamai.
Tuu atu i tamaiti o le vasega e faitauina ia ulutala o mataupu
atofaina ma tali i fesili nei:
10
• 1 Nifae 14—E tusa ai ma le tala a le agelu na tautala atu ia
Nifae, e fia ni lotu o iai iina?
• Mataupu Faavae ma Feagaiga 88—O le a se ulutala e mafai
ona faaulutalaina ai lenei vaega?
• Mose 6—O a talafaamaumau na teuina e fanau a Atamu?
• Aperaamo 3—Na faapefea ona iloa e Aperaamo le la,
masina, ma fetu?
Ia faaali atu faapea o vaega o le Mataupu Faavae ma Feagaiga
o loo aofia ai ni ulutala se lua. O le ulutala muamua o loo
aofia ai ia faamatalaga faamalamalama ma le lona lua o se
aotelega o mea o loo aofia ai i le mataupu.
Faamatalaga i le pito i lalo. Fai atu i tamaiti o le vasega e su’e
i le 2 Nifae 12 mo faataitaiga o le tele o faamatalaga i le pito
i lalo o loo maua i tusi tuufaatasi e tolu. Ia fetufaai ma i latou
le aoga o faamatalaga i le pito i lalo:
• Ia faailoa atu o fuaiupu taitasi uma lava e tofu ma
faamatalaga pito i lalo ma o faamatalaga uma pito i lalo
taitasi i totonu o le fuaiupu o loo faasolo i le alafapeta..
• Faaali atu ni faataitaiga o faamatalaga i le pito i lalo o loo
faasino i le Taiala i Tusitusiga Paia (TTP).
• Faaali atu ni faamatalaga i le pito i lalo o loo tuuina mai
ai ni uiga Eperu.
• Faaali atu ni faataitaiga o faamatalaga i le pito i lalo o loo
tuuina mai ai ni upu e uiga tutusa ma faamalamalamaga
mo ni upu maotua po o ni upu ma ni fuaitau faalåmanino.
Faaaoga ia fesili nei e tuu atu ai i tamaiti o le vasega se avanoa
e faataitai ai le faaaogaina o faamatalaga i le pito i lalo:
• Faitau le 1 Nifae 21:21. O ai o loo faatatau i ai le upu
e (ona e)?
• Faitau le 2 Nifae 17:14. O le a le uiga o le upu Emanuelu?
• Faitau le Alema 32:42. O ai isi e ese mai ai i le ‘aina o le fua
o le laau e pei ona tautala ai ia Alema? (Liae; tagai i le
faamatalaga faaopoopo o loo i le faamatalaga pito i lalo e.)
O le Taiala i Tusitusiga Paia. O le Taiala i Tusitusiga Paia o se
aotelega o fesoasoaniga mo suesuega o loo maua i le pito i tua
o tusi tuufaatasi e tolu. O lenei taiala o loo aofia ai le lisi o autu
i le alafapeta; o vaega filifilia mai le Faaliliuga a Iosefa Samita
o le Tusi Paia; faafanua, faatasi ai ma se faasino upu o igoa
o nofoaga; ma ata o nofoaga faatusipaia. O vaega uma taitasi
nei o loo faamatalaina atu i lalo. (Tagai i le faatomuaga o loo
i luma o le Taiala i Tusitusiga Paia mo nisi faamatalaga.)
Lisi Faaalafapeta o Autu. O le lisi faaalafapeta o autu, e amata
mai le itulau e 6 o le Taiala i Tusitusiga Paia, o se lolomi fefiloi
lea, e i ai ni faauigaina mo le fiaselau o autu mai tusitusiga
paia. Ia fetufaai atu ni nai autu patino i tamaiti o le vasega.
Ia aofia ai vaega nei: