O le a le Feagaiga Fou?

O le Tusi Muamua a le Aposetolo o Paulo i Korinito
Temple” (6:48), (tagai New Testament Video Guide mo fautuaga
o le tuuina atu o aoaoga).
1 Korinito 1:1–13. E tatau ona lotogatasi tagata
o le Ekalesia ma aloese mai le fevaevaea’i.
(15–20 minute)
Ia talanoaina nisi o fesili o loo i lalo faatasi ma tagata
o le vasega:
• Pe i ai ea se taimi na e i ai i se vasega o le Ekalesia po o le
Korama na sili atu ai ona tausaafia nisi tagata o le vasega
nai lo isi?
• O le a le foliga mai o lea tulaga mo tagata o e ua le amanaia?
• O le a le mea e tupu i le vasega po o le Korama atoa ona
o lea mea?
• Pe faapefea ona aafia le auauna atu o tagata o le vasega
po o le Korama i le Ekalesia?
Ia faitau mai e se tagata o le vasega le Mataupu Faavae ma
Feagaiga 38:25–27 ma ia fesili atu pe ua faapefea ona faatatau
lenei mau i le talanoaga. Ia faamatala atu talu ai ona sa i ai
i tagata o le Ekalesia i Korinito se faafitauli i le mataupu o le
fevaevaea’i, o le mea lea na tatau ai ia Paulo ona faamanatu
atu ia i latou e finagalo le Alii ia faia mea lelei e le tasi i le tasi.
Ia fai atu i tagata o le vasega e faitau mai le 1 Korinito
1:10–13; 3:3. Fesili atu:
• O le a le mea ua aoao mai i nei fuaiupu e uiga i le lotogatasi?
• O le a se aafiaga o le fevaevaea’i o tagata o le Ekalesia i le
galuega faafaifeautalai?
• Aisea ua avea ai le fevaevaea’i, lotoleaga, ma le feteena’i ma
mea e faigata ai ona ola i le talalelei? (Tagai 3 Nifae 11:29).
• Pe mafai faapefea e tagata o le Ekalesia ona lotogatasi
i mataupu faavae?
• O a nisi auala e mafai ai ona tatou lotogatasi i le tulaga
o le avea ma Ekalesia?
Ia fai atu i tagata o le vasega e faitau mai le 1 Korinito 1:2–9
ma saili po o ai e faapaiaina i tatou, valaauina i tatou e avea
ma Au Paia, ma tuuina mai le alofa tunoa. Fesili atu: O le a le
mea na fai e Iesu Keriso o loo i ai le mana e suia ai ma
faalotogatasi i tatou? (Sa ia saunia le Togiola.) Ia fai atu i
tagata o le vasega e faitau mau o loo i lalo ma ia ta’u mai po
o le a le mea o loo aoao mai i nei mau e uiga i le lotogatasi:
• Mataupu Faavae ma Feagaiga 61:8. (O le a fesoasoani le
salamo e saunia ai i tatou ina ia lotogatasi ma isi tagata.)
• Mose 7:18. (E tatau ona tatou lotogatasi ina ia atiinaeina
ai Siona.)
• Ioane 17:20–23. (Sa tatalo Iesu Keriso mo le lotogatasi ma
ua finagalo ia tasi Ona soo.)
• 1 Korinito 1:9–10. (E tatau ona lotogatasi i tatou ma fusia
faatasi i o tatou talitonuga.)
Ia faitau le faamatalaga o loo i lalo a Peresitene Marion G.
Romney, o le sa avea ma se tasi o le Au Peresitene Sili:
180
“O le ala e maua ai le lotogatasi o lo tatou aoao lea i le
finagalo o le Alii ona faia lea. . . .o le mana o le Ekalesia
mo le faia o mea lelei i le lalolagi nei e faalagolago lea
i le tulaga ua tausia ai e i tatou, tagata o le Ekalesia,
lenei mataupu” (Liahona, Iulai 1983, 28).
Ia talanoaina faatasi ma tagata o le vasega se mea e mafai ona
latou fai e fesoasoani ai e aumaia le lotogatasi e sili atu ona
tele i vasega ma Korama o le Ekalesia. Ia fesili atu:
• Po o i ai ea ni tagata ua e iloa o e ua masani lava ona
le amanaia pe tuulafoa’i e o latou tagata?
• O a ni mea patino e mafai ona e faia e fesoasoani ai ia i latou?
• O le a se mea e faatupuina ai le lotogatasi i ou tagata i le
aoga po o tagata o lou aiga?
Ia fai atu i tagata o le vasega e tusi i lalo se sini e uiga i le
“lotogatasi” o le a latou galulue i ai i le vaiaso a sau.
1 Korinito 1:17–31. Ua filifilia e le Atua tagata
lotomaualalo e talai le talalelei e ala i le mana
o le Agaga Paia. (15–20 minute)
Ia talanoaina fesili o loo i lalo:
• Afai e manaomia e le Ekalesia le auina atu o se sui i se
talanoaga taua faatasi ma nisi o taitai iloga o isi lotu, pe
e te ioe ea ina ia auina atu e i latou se polofesa lauiloa o le
Iunivesite po o se tagata talavou o le vasega? Aisea?
• O a ni malosiaga e i ai i le polofesa i le faatusatusa atu lea
i le tagata o le vasega?
• O a ni malosiaga atonu e i ai i le tagata o le vasega ae e lå
o i ai i se polofesa?
• Pe mafai faapefea ona avea malosiaga o le polofesa
ma fesoasoani?
• Pe mafai faapefea ona latou faalavelave i le ala?
(Manatua: Ia aua le faaaogaina lenei talanoaga e faitioina ai
tagata aoaoina. O “mea vaivai o le lalolagi” e faatatau lea ia
i latou o e, e tusa lava po o le a le tulaga po o le aoaoina,
e lava le lotomaualalo e faalagolago ai i le Agaga Paia.)
Faitau le 1 Korinito 1:25–27 faapea ma le saunoaga a Elder
Bruce R.McConkie o loo i lalo:
“Fesili: Pe ua faapefea ona avea mea vaivai o le
lalolagi ma mea e faamaina ai mea malolosi?
“Tali: O le lotu moni e le o se tulaga o le atamai po
o le tulaga maualuga faalelalolagi po o le lauiloa, ae
o se tulaga o le faaleagaga; ma e le vaivai i latou ae
malolosi i mea faaleagaga” (Doctrinal New Testament
Commentary, 2:316).