O le a le Feagaiga Fou?

O le Tusi a Iakopo
Valaaulia le vasega e mate mai pe o le a le mau o tusitusiga paia
o loo faatatau i ai le saunoaga a Elder McConkie ae pe aisea foi.
Faitau le Iakopo 1:5 e le vasega ma fesili pe faapefea ona
faataunuuina e lenei mau le saunoaga o loo i luga o le laupapa.
Faitau le Iosefa Samita—Talafaasolopito 2:10–19 ma vaavaai
mo mea na oo mai mai le faitauina e Iosefa Samita o lena
fuaiupu. Ia fesili atu:
• Ua aafia faapefea lou olaga ona o le Uluai Faaaliga?
• O le a se mea atonu o le a ese i lou olaga pe ana fai e le
mulimuli Iosefa Samita i le uunaiga a le Agaga ia tatalo?
• E faapefea ona ese le ole atu mo le poto mai mea e masani
ona tatou ole atu ai i le tatalo?
• O le a le eseesega o le ole atu i le Tama Faalelagi ia foia ou
faafitauli ma le ole atu mo le poto ia taulimaina ai faafitauli?
• Pe mafai ona e manatuaina ni faataitaiga o lena eseesega?
(Ia faataga le vasega e fetufaai mai ni mea na oo ia i latou pe
a manano ai, ae ia fai atu ia i latou ia faaeteete ina ia aua nei
fetufaai mai ni mea e paia pe o ni mea tau i le tagata lava ia.)
• E mafai faapefea i le ole atu mo le poto ona aumaia atili
le mana i a tatou tatalo faaletagata lava ia?
Faitau le Iakopo 1:6 ma vaavaai mo le mea na sau ai le mana
na faaaogaina e Iosefa ina ia mauaina ai tali mai le Atua. Ia
fesili atu: O le a le eseesega o se tatalo e tuuina atu ma le
faatuatua ma le tatalo e tuuina atu ma le masalosalo?
Fai atu i se tagata o le vasega e faitau le mea o loo aoao mai
e Peresitene Iosefa Samita e uiga i le tatalo:
“E le tele ni upu tatou te ole atu ai i le Alii mo mea o
loo tatou manaomia; ae peitai e ao ona tatou ole atu I
le faatuatua, mautinoa ma le faamaoni. E le tatau ona
i ai ni masalosaloga i o tatou mafaufau pe a tatou ole
atu i le Alii mo se faamanuiaga” (Gospel Doctrine, 216).
Ia talanoaina faatasi ma tamaiti o le vasega mea e mafai ona
latou faia ina ia tatalo ma le faatuatua atili ma le le masalosalo.
Ia molimau atu o a tatou tatalo o le a i ai le mana e suia ai
olaga pe afai tatou te ole atu i le Atua i le mautinoa ma le
faatuatua mo faamanuiaga tatou te moomiaina.
Iakopo 1:22–27. Ia avea ma e anaana i le
upu ae le na o le avea ma e faalogologo
i le upu. (35–40 minute)
S M T W TH F S
A o lei amataina le vasega ia saili ma faitau se lauga talu ai
nei a le Peresitene o le Ekalesia o loo ia saunoa atu ai i le au
talavou a le Ekalesia (mo se faataitaiga i se sauniga perisitua
poo se konafesi a tamaitai). Filifili ni mea se tolu poo se fa
o loo apoapoai ai o ia i le au talavou. Tusi mea na i le laupapa
ma fesili i tamaiti o le vasega ia iloiloina i o latou lava
mafaufau pe na latou usitaia apoapoaiga a le perofeta.
238
Faitau le Iakopo 1:22–25 ma talanoaina fesili nei:
• O le a le uiga o le avea ma se e anaana i le upu?
• O le a le uiga o le avea ma se e na o le faalogologo?
• O le a le uiga o le avea ma se tasi e faalogologo ma toe
galo? (O se tasi e le o faatinoina mea o loo aoaoina.)
• O a ni faamanuiaga e oo mai ia i latou o e filifili e avea ma
e anaana i le upu e faatusatusa ia i latou o e na o le
faalogologo lava?
(Manatua: Pe a manaomiaina, e mafai ona e tuuina i ai le
fautuaga o le aoao atu mo Iakopo 2:17- -18 iinei ina ia iloa
ai le sootaga o le avea ma se e faalogologo ae le faia ma le
faatuatua ae leai ni galuega.)
Faitau le Iakopo 1:26–27 ma vaavaai mo le uiga o le “amio
Atua.” Ia fesili atu:
• O le a le eseesega o le foliga mai e amio Atua ma le ola i le
amio Atua?
• E mafai faapefea i le avea ai ma se e anaana i le upu ona
fesoasoani ia i tatou ia faatoilaloina le nao le faafoliga mai
e amio Atua?
O le tusi o Iakopo o loo tuuina mai ai ni fautuaga se tele mo
le faatinoina o le avea ma e anaana i le upu. Vaevae le vasega
i ni vaega se lima. Tuu atu i vaega taitasi se fasi pepa o loo
tusiina ai le Lisi o Mea e Faia. Ia tofiaina vaega taitasi i mataupu
eseese o le Iakopo. Ia fai atu i vaega ia faitauina la latou
mataupu ma vaavaai mo mea o loo fautua mai ai Iakopo
e mafai ona tatou faia ina ia avea atili ai ma ni å mulimuli ia
Iesu Keriso. Ia talanoaina mea na latou mauaina ma tusi se
lisi manino “o mea e faia” i luga o le laupapa. Ia fesili atu:
• E mafai faapefea ona suia lou olaga pe afai e te mulimuli
i apoapoaiga a Iakopo?
• O le fea o nei apoapoaiga ua faamanuiaina ai oe ona ua
e mulimuli ai?
Valaaulia i latou o e mananao e fetufaai mai se faataitaiga i le
ala na faamanuiaina ai i latou ina ua faia lena mea. Ia uunaia
le vasega ia faaa’oa’o ona tausia lisi “o mea e faia” (aemaise
lava mea o loo saunoa mai ai perofeta) ina ia avea ai i latou
ma e anaana i le upu ae le o ni e faalogologo ma faagalo.
Iakopo 2:17–18 (Mau Tauloto). E le mafai
ona tatou faatuatua e aunoa ma galuega,
pe mafai foi ona faaolaina i tatou e ala i le na o le
faatuatua lava. O galuega amiotonu o fua ia o le
faatuatua. (10–15 minute)
Aumai ni foe se lua o se vaa i le vasega. Ia tusi ai le faatuatua
ia Iesu Keriso i le tasi ma le isi galuega. Ia liliu foe ina ia aua
ne’i iloa e tamaiti o le vasega ia upu o loo tusia i foe. Pe tusi
se ata o se vaa ma ni ona foe i le laupapa (aua le tusia se mea
i foe). Ia fesili atu: