O le a le Feagaiga Fou?

Faitau faatasi ma le vasega le Galuega 15:22–35 ma
manatunatu e fesili i fesili faapenei:
• Aisea na avea ai le peritomeina ma mea fita i le Ekalesia
i lena vaitaimi?
• Na faapefea e ta’ita’i ona logo atu i tagata o le Ekalesia
o le peritomeina ua le toe moomia?
• E faapefea i ta’ita’i i ona po nei ona logoina atu ia faai’uga
ma fautuaga i tagata o le Ekalesia?
• O le a le tatou matafaioi e tusa ai ma fautuaga ma
faatonuga a ta’ita’i o le Ekalesia.?
• O le a le mea e mafai ona tatou faia pe a tatou le
malamalama i mea o loo tuuina mai e o tatou taitai e fai?
• O le a le mea e tatau ona tatou faia pe afai tatou te le auai
i mea o loo ta’uina mai e taitai o le Ekalesia tatou te faia?
(Mo ni fesoasoani mo se tali, tagai The Teachings of the
Living Prophets [Religion 333 student manual, 1982],
chapters 8–11; ma Dallin H. Oaks, “Criticism,” Ensign.
Fepuari, 1987, itulau 68-73.)
Faai’u i le toe faamanatu atu i le vasega e le mafai ona taitaia
tatou e perofeta a le Alii i ni auala sese (tagai “Excerpts Three
Address by President Wilford Woodruff Regarding the
Manifesto,” e sosoo ma le Ta’utinoga Tonu 1 i le Mataupu
Faavae ma Feagaiga). Ta’u atu i le vasega e tatau ona tatou
mulimuli ma le agaga tatalo i fautuaga a le perofeta soifua ma
lagolagoina o ia i soo se auala.
Faatomuaga
Galuega 16–18
Ina ua maua le faaiuga e le toe faaaogaina le tulafono a Mose
e tagata o Nuu Ese na liliu mai, na malaga ai loa ia Paulo i
lana malaga talai lona lua i Nuu Ese (tagai Taiala i Tusitusiga
Paia faafanua 6) O le soa a Paulo i le taimi lea o Sila. O le
Galuega e 16–18 e faapitoa i tagata, nofoaga ma mea na
tutupu a o i ai ia Paulo. O le talaiga lenei a Paulo na faai’uina
i le Galuega 18:22, ma o le talaaga o lana malaga faatalai lona
tolu e amata i le fuaiupu 23. Ia mata’ituina ia metotia na
faaaogaina e Paulo na avea ai o ia ma faifeautalai maoae.
Ia suesue ma le agaga tatalo, le Galuega 16–18 ma
manatunatu i mataupu faavae nei ae le’i saunia au lesona.
O Nisi Mataupu
Faavae Taua o le Talalelei e Saili Iai
• E tatau ona faaeteete ma faaaloalo faifeautalai i aganuu a
tagata o loo latou talai i ai (tagai Galuega 16:1–3; 21:16–26;
Mataupu Faavae o le Faatuatua 1:11).
153
• O avanoa e talai ai le talalelei i le tele o taimi e maua
faafuase’i (tagai Galuega 16:9–33)
• E tatau ona tatou aoaoina atu le talalelei mai i tusitusiga
paia i le mana o le Agaga (taga’i Galuega 17:2, 22–31; 18:4,
19: Galuega 19:8; MFF 42:12–14).
• O tatou o fanau uma a lo tatou Tama Faalelagi, ma na te
filifilia poo afea ma o fea fo’i tatou te fananau mai ai i le
fogaeleele (tagai Galuega 17:24–28).
Fautuaga mo le Aoao Atu
Galuega 16–8
Filifili mai i aitia nei pe faaaoga ni au lava, a o e saunia lesona
mo Galuega 16–18.
Galuega 16:1–18:22. I le malaga talai lona lua a
Paulo na ia toe asia ai paranesi tuai o le Ekalesia
ma faatuina nisi paranesi fou. (5 minute)
Su’e e le vasega ia le Taiala i Tusitusiga Paia faafanua 6 ma
mata’ituina le ala na uia e Paulo i lana malaga lona lua. Fesili:
• E tusa ai ma le faafanua, faamata o le a le mamao o le mea
na malaga ai Paulo?
• E a pe a faatusatusa i lana malaga muamua? (Atonu
toeitiiti faaluaina.)
Ta’u atu i le vasega o le malaga lenei a Paulo na ia toe asiasia ai
ia paranesi o le Ekalesia na ia faatuina i lana malaga muamua
ma toe faatuina ai fo’i nisi paranesi fou i vaega e le’i oo atu
i ai le savali o le talalelei.
Galuega 16:1–3. O faifeautalai e tatau ona
faaeteete ma faaaloalo i aganuu a tagata o loo
latou aoaoina. (10–15 minute)
Fesili i le vasega: O a ni tu ma aganuu a nisi tagata e ese mai
ia tatou tu ma aganuu? (O ni tali e aofia ai, meaai, ma tulafono,
lavalava, va ma tagata) Faamalamalama atu e tatau i faifeautalai
ona latou aoao i lagona ma eseesega o tu ma aganuu a isi
tagata ma a latou lava tu ma aganuu ina ia aua nei i ai se
feteena’iga ma e o loo latou aoaoina atu i ai le talalelei. Faitau
e le vasega le Galuega 16:1–3, ma fesili:
• O ai le faifeautalai o loo taua i le fuaiupu 1 o le “ia”?
(Paulo; tagai Galuega 15:40.)
• O ai na tofia e Paulo e avea ma ana soa? (Timoteo.)
• O le a le aganuu faaIutaia e le’i faataunuuina e Timoteo?
(E le’i peritomeina o ia, atonu ona o lona tama o le Eleni.)
• O le a le mea na faia e Paulo i le tulaga lea? Aisea? (Na ia
peritomeina ia Timoteo ina ia mafai ona taliaina o ia e le
Au Iutaia o e o le a latou aoaoina.)
• E faapefea ona tatou iloa na faia e Paulo lenei mea ona
o le aganuu ae le o mafuaaga faalelotu? (Galuega 15:1–11).
Taamilo i le vasega ma fesili mo nuu o loo talai ai ia se uso,
tuafafine, poo se uo. Valaaulia i latou latou te aoaoina le aganuu