O le a le Feagaiga Fou?

Fai ia se pepa o loo tusi ai meaai i le mea tou te nonofo ai, pe
aumaia foi se pepa o taumafataga mai se faleaiga. Faaali atu i le
vasega le pepa ma fesili atu e mafaufau faapea ua valaaulia
i latou i se taumafataga a se tagata mauoa o le latou aiga.
• Afai e mafai ona e filifilia le nofoaga o le a faataunuu ai
le taumafataga, o fea e te lua o i ai?
• O a mea ua e faamoemoe o le a i ai i le pepa o
taumafataga?
Ia fai ni koluma se lua i luga o le laupapa. Tusi le faauluuluga
o le tasi O le Tausamaaga o le Faaipoipoga a le Tama’i Mamoe ma
le isi O le Tausamaaga o le Atua Silisili Ese. Faitau e tagata o le
vasega le Faaaliga 19:5–10 ma mataituina ia mea o le a faia i le
tausamaaga o le faaipoipoga a le Tamai Mamoe. Talanoaina
fesili nei ma tusi ai tali i le koluma “Tausamaaga
o le Faaipoipoga”
• O ai le Faatoafaiava ma lana faaipoipoga o lo ua fiafia ma
olioli ai le lagi? (O le Tamai Mamoe, po o Keriso; tagai f. 7.)
• O ai le faletua (ua saunia o ia e ia” (f. 7). (O le Au Paia.)
• O a laei e manaomia le ofuina mo le tausamaaga? (Le ie
vavae mama ma le pupula; tagai f. 8.)
• O le a le mea e faasino tonu i ai nei ofu? (O le amiotonu
a le Au Paia; tagai f. 8.)
• O le a le mea na faatonuina Ioane e tusia e uiga i e ua
valaauina i lenei faaipoipoga? (“Amuia i latou”; f. 9.)
• E faapefea i a tatou molimau ia Iesu ona fesoasoani ia i
tatou ina ia mafai ona tatou auai i le faaipoipoga a le
Tama’i Mamoe
Faitau e tagata o le vasega le Faaaliga 19:17–21 ma mataituina ia
mea o le a faia i le tausamaaga a le Atua Silisili Ese. Talanoaina
fesili nei ma tusi ia tali i le koluma: “Tausamaaga a le Atua
Silisili Ese.”
• O ai o loo valaaulia i le tausamaaga a le Atua Silisili Ese?
(O manu felelei i le taulotoaiga o le lagi; MFF 29:18–20.)
• O a mea o le a i ai i le pepa o taumafataga.? (O tagata
amioleaga o le lalolagi; tagai f. 20)
• E tusa ai ma le vaega mulimuli o le Faaliliuga Faaperetania
a Iosefa Samita o le fuaiupu e 18, o a mea na fai e e
amioleaga na oo ai ina tuu i le pepa o taumafataga.
(Na faasagatau i le Tamai Mamoe.)
• O le a le fasi fuaitau e iloa ai pe ua lava meaai
a manu felelei?
Faamanino atu i tagata o le vasega e sili atu le faitau i le pepa
o loo tusia ai taumafataga nai lo le avea ma se mea ai [o ia
taumafataga]. Ia tautino atu o e ua saunia i latou mo le afio
mai o le Alii o le a valaaulia i le tausamaaga o le faaipoipoga
a le Tamai Mamoe. Faitau le leoa e le vasega le Alema 5:27–28
ma mataituina pe faapefea ona faaagavaaina i tatou mo ofu
papa’e o le a ofuina e le Au Paia i le tausamaaga o le
faaipoipoga a le Tamai Mamoe.
269
Faatomuaga
A mae’a ona faatama’ia e amioleaga ma saisaitia Satani, ona
malolo ai lea o le lalolagi i tausaga e afe o le nofotupu o le Alii.
Peitai a mae’a le Meleniuma ma a o le’i oo mai le i’uga, o le
a “tatala Satani mai le falepuipui: (Faaaliga 20:7) ma o le a toe
faatagaina e toe “taufaasese i atunuu” (f. 8). Na vaai Ioane i le
faatama’ia o le autau mulimuli a le tiapolo ma le faamasinoga
mulimuli mo le fanau uma a le Atua (tagai Faaaliga 20:9–13).
Na ia faalogo ia Keriso o loo tuuina atu le savali e faamanatu
atu ai savali na tuuina atu i ekalesia e fitu i Asia: “O le
e manumalo e maua e ia mea uma” (Faaaliga 21:7). I le faai’uga,
na ia vaai ai ia le Au Paia o e na manumalo o loo nonofo i le
fogaeleele i le tulaga faaselesitila (tagai Faaaliga 22).
Ia suesue ma le agaga tatalo le Faaaliga 20–22 ma manatunatu
i mataupu faavae nei a e le’i saunia au lesona.
O Nisi Mataupu
Faavae Taua o le Talalelei e Saili Iai.
• I le taimi o le Meleniuma, o le a saisaitia ia Satani ma o le
a le toe mafai ona ia mauaina le mana e taufaaosooso pe
taufaasese i tagata (tagai Faaaliga 20:1–3; tagai foi 1 Nifae
22:24–26).
• I le Faamasinoga, o le a faamasinoina e ua maliliu e faatatau
i a latou galuega (tagai Faaaliga 20:12–13; tagai foi Alema
11:43–44).
• E na o i latou e tausia ia poloaiga ma o mai ia Keriso o le
a mafai ona nonofo i le mamalu selesitila (tagai Faaaliga
21:23–27; 22:12–17).
Fautuaga mo le Aoao Atu
Filifili mai i aitia nei pe faaaogaina ni au lava, a o e saunia
lesona mo le Faaaliga 20–22
Faaaliga 20–22. O mea o le a tutupu i le
Meleniuma ma mea o le a tutupu pe a
mae’a le Meleniuma o vaega uma ia o le
fuafuaga o le faaolataga a le Tama Faalelagi.
(25– 30minute)
S M T W TH F S
Faaaliga 20–22
Faaaliga 20–22
O Ioane o se tasi o se vaega toaitiiti o perofeta na vaai i le
faai’uga o le lalolagi ma o ana tusitusiga na faatagaina e le
Alii e faasalalauina i le lalolagi (tagai 1 Nifae 14:24–27). I le
aoaoina o nei mea na tutupu, manatunatu e tuuina atu i tagata
o le vasega ni kopi o le siata o loo i le itulau e 271 ma talanoaina
faatasi ma le vasega. A le o lena, ia faia se siata e faaaoga ai na
o mau ma galulue ai ia tagata taitoatasi o le vasega pe fai
faatasi fo’i e le vasega. Faasa’o faatasi e le vasega, ia faaaoga