O le a le Feagaiga Fou?

O le Talalelei e Tusa ma le Faamatalaga a Mareko
Tusi i luga o le laupapa se siata e pei o le “O le Aso Mulimuli
o le Soifuaga o Keriso” o loo maua i le faaopoopoga (i. 288)
ae aunoa ma ni igoa. Tuu atu i tamaiti o le vasega e sue le
Mareko 15:25–37 mo faamatalaga nei. Faailoga ia taimi ma
mea na tutupu i luga o le siata a o latou mauaina.
• Pe tusa o le a le taimi na tuu ai Iesu i luga o le satauro?
(tagai f. 25).
• Pe tusa o le a le taimi na ia Ia tuuina atu ai Lona tino ia oti?
(tagai f. 34–37).
• Ta’u atu i tamaiti o le vasega e faapea o le sefululua itula
o le aso e faitauina mai le oso o le la i le goto o le la, po o le
mai le 6 I LE TAEAO i la tatou uati i le 6 I LE AFIAFI. Pe tusa o le
a le umi talu ona mafatia ia Iesu i luga o le satauro?
• Afai e te faaaofia ai ia puapuaga o Iesu i le Togalaau
i Ketesemane, lea na tupu i le po na muamua atu, faapea
ma Ona faamasinoga, lea na alu ai le po atoa ma le taeao,
o le a le umi talu ona puapuagatia ia Iesu ae le’i maliu?
Tuu atu i tamaiti o le vasega e su’e i le ata o le Togalaau i le
Tuugamau, numera 18 i vaega o ata o le Tusi Paia. Faitau
faatasi ma au tamaiti o le vasega le Mataio 27:57–61 ma le
Isaia 53:8–9 ma talanoaina pe na faapefea ona faataunuuina
e le maliu ma le falelauasiga o Iesu ia valoaga. Tuu atu i tamaiti
o le vasega e faatusatusa le Mataio 27:57–61 ma le Mareko
15:42–47. Fesili atu: O a nisi mea tatou te aoaoina mai le Mareko
e uiga ia Iosefa, Pilato, ma le falelauasiga o Iesu?
Mareko 16 (tagai foi Mataio 28; Luka 24; Ioane
20–21). Na toetu mai Iesu Keriso mai le oti ma ua
atoatoa ai le taulaga togiola mo tagata uma.
(15–20 minute)
74
Faaali atu pe tusi se ata o le satauro faaKerisiano ma fesili atu:
• Aisea e mafaufau ai le tele o ekalesia o le faailoga lenei o le
faaKerisiano?
• Aisea e leai ai tatou?
Ia fetufaai atu le saunoaga lenei mai ia Elder Gordon B.
Hinckley, a o avea ma se sui o le Korama a le Toasefululua:
“Ou te le manao e tuuina atu se faatiga i soo se tasi
o o’u uso Kerisiano o loo faaaogaina le satauro i luga
o o latou falesa ma fata faitaulaga o o latou falesa. ...
Ae mo i tatou, o le satauro o le faailoga lea o le Keriso
o loo maliu pea, ae o la tatou savali e faalauiloa ai le
Keriso soifua” (i le Conference Report, Ape. 1975,
136; po o le Liahona, Iulai 1975, 92).
Faitau le Mareko 16:1–11 ma fesili atu:
• O le a sou manatu aisea na faigata ai i le au soo ona
talitonu ua toetu Iesu mai le oti?
• E faapefea ona avea le mea moni o Iesu le uluai tagata ua
toetu mai ma auala na manino ma malamalama ai o latou
masalosaloga?
• O le a se eseesega e i ai pe ana faapea e le toetu mai Iesu?
• Pe faamata o le a ese se ituaiga olaga e te ola ai pe afai e te
talitonu o lenei olaga ua na o le pau lea o le olaga e te ola
ai? Aisea o le a ese ai pe aisea foi o le a le suia ai?
Ina ia fesoasoani e taliina nei fesili, faitau faatasi ma au tamaiti
o le vasega le 2 Nifae 9:5–10. Ia fetufaai atu lau molimau i le
mafanafana lea e maua mai le iloaina lea o le oti e le o le
mutaaga lea.