O le a le Feagaiga Fou?

Ia talanoaina mea e tutusa ai ma mea e eseese ai lisi e lua.
Fesili atu: Pe aisea ua e manatu ai na maua e Paulo le lagona
e pei ona sa ia maua?
Ia faitau e tagata o le vasega le Filipi 3:7–14 ma ia saili mo nisi
o auala na matua malosi ai le faatuatua o Paulo. Fesili atu:
• O le a le mea na le toe faia e Paulo ina ia mulimuli
ai ia Keriso?
• O le a le tulaga na ia maua?
• Aisea ua malilie ai nisi tagata e mafatia i le “lå aoga o mea
uma lava” ona o Keriso?
• Pe mafai faapefea ona tatou faatupuina lena faatuatua e tasi?
O le a fesoasoani le gaoioiga o loo i lalo i tagata o le vasega e
malamalama ai po o le a le mea na aoao e Paulo mai puapuaga
na feagai ma ia. Tufa atu i tagata o le vasega se pepa o loo i ai
se faatulagaga o loo iinei ma ia faafefiloi tali.
Filipi 1:12 Talu ai ona o mea na tutupu ia te a’u,
ua avea lea ma mea ua alualu ai i luma
le talalelei.
1:19 Ua ou iloa o lenei mafatiaga
o le a fesoasoani i lo’u faaolataga.
3:10 Ona o lenei mea e mafai ona ou iloa
ai Keriso ma le mana o le Toetu.
3:13–14 E faagalo e a’u mea faigata o taimi ua
tuanai ae tulimatai atu mo le lumanai.
4:11 Ua ou iloa ona malie i soo se tulaga
lava (tagai foi Alema 29:1–6).
4:12 Ua ou iloa ona lotomaualalo ma maua
mea e tele mai le Alii.
4:13 E mafai ona ou faia soo se mea aua
ua faamalosia a’u e Keriso.
Ia faasa’o le pepa na tufa atu ma ia talanoa i le auala e mafai
ona fesoasoani ai nei mataupu faavae i tagata o le vasega a’o
feagai i latou ma o latou lava tulaga faigata.
Faitau Filipi 4:4–10 ma ia saili i le auala e mafai ai ona tatou
tumau i le filemu i le taimi o puapuaga ma faigata. Ia mafaufau
i le faitauina atu o le faamatalaga lenei a Elder Milton R.Hunter,
o le na avea ma se uso o le Aufono Sili a Fitugafulu:
211
“Sa fetalai mai lo tatou Faaola i se perofeta o aso nei
e faapea: ‘. . .o le faia galuega o le amiotonu o le a
maua ai lona taui, o le filemu lea i lenei lalolagi, ma
le olaga e faavavau i le lalolagi a sau.’ (MFF 59:23.)
“O le filemu e pei ona tautalagia i lenei faaaliga o aso
nei o le filemu lea e maua mai le loto fuatiaifo e
mama. O lena le filemu e maua pe afai tatou te mama
i le Atua ma tagata” (in Conference Report, Oct. 1966,
40; tagai foi i le Mosaea 2:15; 4:3; MFF 135:4).
Ia uunaiina tagata o le vasega ina ia ola i le faataitaiga a Paulo.
Ia molimau atu e mafai foi e i tatou, e pei fo’i o Paulo, ona
maua le olioli i o tatou puapuaga ma faamanuiaina i le filemu
i lenei olaga e ala i le talalelei a Iesu Keriso.
Ia faamatala atu i tagata o le vasega o loo i ai ni to’atuga i le
mauaina o lenei filemu. Sa faamatala mai e Elder James E.
Faust, o le na avea i lea taimi ma se uso o le Korama a le
Toasefululua, e faapea:
“O se tasi o pogai o le leaga o le faaleagaga o o tatou
tagata ona o le toatele na’ua o tagata latou te le iloa
pe popole e uiga i le mea e sa’o ma le mea e sese. E
tele na’ua mea ua ta’uamiotonuina i le fuafua faatatau
i le tatau ma le maua o le tupe ma oloa. I se taimi e le’i
mamao atu, o na tagata ma faalapotopotoga o e na i
ai le lototele e tutu atu ma lauga atu e tetee i le mulilua,
le faamaoni, fevaevaeaiga, petipetiga, ma isi ituaiga
o mea leaga e masani lava ona ula i ai tagata. E tele
mea e iloa gofie e sese, e tusa lava pe le tusa ai ma le
tulafono pe leai. O i latou o e naunau e mulimuli atu
i mea leaga o le lalolagi e le mafai ona latou iloa le
‘manuia mai le Atua, o loo silisili lava i mea uma
e manatu i ai’ (Filipi 4:7) (Liahona, Iulai 1992, 5).
Filipi 1–4
Filipi 2:2–16. E tatau ona faia la tatou vaega i le
galueaiina o lo tatou lava faaolataga, ma
faalagolago i le Togiola a Iesu Keriso. (20–25
minute)
Ia faasino atu i tagata o le vasega se kesi, nofoa, po o isi mea e
mamafa na’ua mo le sii a’e e se tagata e toatasi. Ia fai atu i se
tagata o le vasega e alu atu e sii lena mea i tua o le potu. Ia
valaauina se isi tagata e fesoasoani. Fesili atu:
• Pe mafai faapefea ona faatusaina lenei mea i le maua o le
faaolataga?
• Pe mafai ona faasao e i tatou i tatou lava?
• O ai tatou te mananao e fesoasoani mai ia i tatou?