O le a le Feagaiga Fou?

O SE FAATOMUAGA I LE FEAGAIGA FOU
Faatomuaga
I se lauga i faiaoga o le Ofisa o Aoga a le Ekalesia, na saunoa ai
faapea ia Elder Boyd K. Packer o le Korama a le Toasefululua:
“E matuai taua lava le tuuina atu o se aotelega faatulagaina
lelei ma puupuu o le mataupu atoa lava i le amataga. ...
“O nai piriota tau amata na, e pupuu ae o se taimi aoga lea pe
a faatusatusa i ai, e mafai ai e tamaiti o le vasega ona latou iloa
tonu le vaega o le ala o loo latou i ai. O le a i ai so latou lagona
e uiga i le mataupu o le a aoaoina. E tele mea o le a latou
taofiofia pe a latou iloaina le fesootaiga o vaega uma, ma o le
a faigofie ai foi ona aoaoina i latou. O le mua’i aotelega e maua
ai se auivi ma e sili atu ona aoga ai le taimi ma le galuega o
loo tuuina atu i ai” (The Great Plan of Happiness [lauga na tuuina
atu i faiaoga o mataupu faalelotu i se tauaofiaga e uiga i le
Mataupu Faavae ma Feagaiga/Talafaasolopito o le Ekalesia,
Iunivesite o Polika Iaga, 10 Aok. 1993], 2–3; po o le Charge to
Religious Educators, 3rd ed. [1994], 113–14).
Faaalu le taimi e atinaeina ma aoao atu ai se faatomuaga ma se
vaaiga lautele i le Feagaiga Fou. O le a fesoasoani lea i tamaiti
o le vasega ia malamalama i le taua o le Feagaiga Fou ma tulimatai
atu ai i mea e faaaogaina o le a latou faitauina ma aoaoina
i le gasologa o le tausaga aoaoina. O se faatomuaga ma se
vaaiga lautele o le a faamalosia ai lou malamalama ma le malamalama
o au tamaiti o le vasega i le misiona paia a Iesu Keriso.
O le a le Feagaiga Fou?
O le Feagaiga Fou o se talafaamaumau lea o le soifuaga, aoaoga,
ma le misiona a Iesu Keriso ma le galuega a Ona soo i le
siitiaina o le faasalalauina atu o le Ekalesia Kerisiano.O le upu
na faaliliuina o le molimau e mafai foi ona faaliliuina o le
feagaiga, o lea la, o le Molimau Fou o le feagaiga fou lea. I sona
tulaga faaletalalelei, o se feagaiga o se tautoga paia lea poo se
maliliega i le va o se tagata po o se vaega o tagata ma le Alii.
Afai tatou te osia se feagaiga tatou te folafola atu tatou te faia
ni mea patino, ae e folafola mai e le Alii ia faamanuiaga e avea
ma taui. Ua faatulagaina e le Alii ia aiaiga mo taumafaiga uma
tatou te faia (usiusitai i tulafono ma sauniga) ma faamanuiaga
tatou te mauaina. Afai tatou te tausia a tatou feagaiga ma tumau
e oo i le iuga i le faatuatua, e faamanuiaina i tatou e le Alii i le
taimi i la le tino nei ma folafola mai ia i tatou le faaolataga ma
le faaeaga pe a mavae lenei olaga. O le Feagaiga Fou o loo aofia
ai feagaiga ma aoaoga faavae a le Alii ma Ana Aposetolo na
tuuina atu i Lana fanau i le taimi o Lana galuega i le faaletino
e aoao ai i latou i le auala e toe foi atu ai i Lona afioaga.
Aisea e Tatau Ai
Ona Tatou Suesueina le Feagaiga Fou?
Na taufai faamamafaina uma e perofeta anamua ma perofeta
o ona po nei le taua o tusitusiga paia i le fesoasoani lea ia i tatou
7
ia tatou iloaina le Atua. Na aoao mai Iesu, “O le ola e faavavau
foi lenei, ia latou iloa oe le Atua moni e toatasi, atoa ma le ua
e auina mai, o Iesu Keriso lea” (Ioane 17:3). Na aoaoina e le
Aposetolo o Paulo ia Timoteo e uiga i le taua o tusitusiga paia:
• E mafai ona latou “faapoto ai se tasi e iu ai i le ola i le
faatuatua” (2 Timoteo 3:15).
• E tuuina mai le “agaga o le Atua” (f. 16).
• E “aoga foi e aoao ai, e aoai ai, e faatonu ai, e faapoto ai foi
i le amiotonu” (f. 16).
• E fesoasoani ai i e amiotonu ina ia atoatoa ma “ia saunia
i galuega lelei uma” (f. 17).
Na tusia e le perofeta o Mamona:
“Ioe, ua tatou iloa ai, ai så tago i le afioga a le Atua, ua telelise
ai ma ua mamana e vavaeeseina le atamai uma ma mailei ma
togafiti uma a le tiapolo, a e taitai atu le tagata o Keriso i le
ala sa’o ma le vaapiapi, i tala atu o le vanu faavavau o le
puapuaga ua saunia e tofatumoanaina ai e amioleaga—
“E faataunuuina atu ai o latou agaga, ioe, o latou agaga
e le oti, i le itu taumatau o le Atua i le malo o le lagi”
(Helamana 3:29–30).
E fesoasoani tusitusiga paia ia i tatou e vavaeeseina
(faatoilaloina) ia pepelo ma faaosoosoga a le tiapolo ma
mulimuli atu i se ala lea e “taunuu atu ai i tatou” (avatu
ai i tatou) i le malo selesitila.
Na aoao mai Elder Boyd K. Packer:
“I le vasega o le Feagaiga Fou, e te aoao ai i le fanau mai ma
le galuega a Iesu Keriso ma le avea o Ia ma Alo o le Atua. E te
aoao ai e uiga i sauniga, e uiga i le papatisoga i le faatofuina
mo le faamagaloina o agasala.
“E te faitau i le valaauina o le Toasefululua ma a latou galuega.
E te aoao i le tulaga faaleTama o le Atua. E te aoao e uiga i le
Agaga Paia, le Fesoasoani, ma faaaliga i le tagata lava ia.
“E te aoao i aso o le Faaolataga ma le Faasatauroga, ma aoao
i upumoni faasilisilia o le Togisala ma le Toetu. E te aoao e uiga
i le alofa ma tulafono ma le pogai ua manaomia ai se Togiola.
“Mai talalelei e fa se’ia oo atu i le tusi o Faaaliga, e fofola mai
ia te oe aoaoga a le Matai ma Ana aposetolo, ma le talalelei a
le Alii o Iesu Keriso” (i le Conference Report, Mat.–Ape. 1990,
49; po o le Liahona, Iulai 1990, 48).
O aoaoga faavae nei, o loo aoaoina uma i totonu o le Feagaiga
Fou, o loo faaali mai ai le mafuaaga e le gata i le taua ae o le
aanoa foi o le suesueina ma le faaeteete o le Feagaiga Fou:
• O le Atua o lo tatou Tama o i le Lagi.
• Na foafoaina e le Tama Faalelagi ia lagi ma le lalolagi e ala
mai i Lona Alo o Iesu Keriso.
• Na auina mai e le Tama Faalelagi Lona Alo i le lalolagi ina
ia “faaolaina le lalolagi ia te ia” (Ioane 3:17).