O le a le Feagaiga Fou?

Ia ta’u atu i tagata o le vasega o le Roma 1–3, o loo faamanatu
atu ai e Paulo i le Au Paia e faapea o le talalelei a Iesu Keriso
ua na o le pau lea o le faamoemoega o le faaolataga mo tagata
Iutaia po o Nuuese. Sa aoao atu e Paulo ua ta’u amiotonuina
i tatou i le mana o Iesu Keriso ma o lenei mana (po o le alofa
tunoa) ua tuuina atu ia i latou ua i ai le faatuatua ia te Ia
(tagai Roma 3:24–31). Ia fesili atu i tagata o le vasega i fesili
o loo i lalo ma ia faaaoga mau o loo i ai e fesoasoani ai ia
i latou i le taliina o nei fesili:
• Aisea ua manaomia ai le faaola e tagata o e mumusu e talia
le Atua? (Sa faamatala mai e Paulo e faapea o le a to’atama’i
le Atua ia i latou o e mumusu e talitonu ia te Ia ae o loo molimau
mea uma na ia faia i Lona mana; tagai Roma 1:18–23.)
• Aisea e manaomia ai foi le faaola e tagata o e talitonu i le
Atua? (Sa ta’ua mai e Paulo e faamasinoina tagata uma ia
latou galuega ma e le faailoga tagata le Atua; tagai Roma
2:1–16; ia tagai foi i le 1 Nifae 17:35.)
• Aisea ua manaomia ai foi le Faaola e tagata Iutaia, o e na
manatu o le a faasaoina i latou i le tulafono a Mose? (Sa
lapata’i atu Paulo e faapea o le na o le tausia o le tulafono
a Mose e le faaolaina ai i latou. Talu ai ona e leai se tasi
e mafai ona ola atoatoa i tulafono, o le mea lea e faafanoina
ai tagata uma i le tulafono; tagai Roma 2:16–3:23.)
• Aisea ua foliga mai ai ua manatu nisi tagata i le Ekalesia i aso
nei e faapea o le na ona avea ma se tagata o le ekalesia o le
a faasaoina ai i latou?
• O le a le mea o loo aoao mai i tusitusiga paia e uiga i lena
talitonuga? (tagai Mataio 7:21).
Ia mafaufau e uiga i le faaiuina o lau lesona i lenei saunoaga
a Peresitene Spencer W.Kimball:
“O le misiona a le ekalesia i ona tagata o le tuuina
atu lea o mataupu faavae, polokalama, ma le perisitua
i ona tagata e mafai ai ona latou saunia i latou lava mo
le faaeaina. O lo tatou alualu i luma, i tagata taitoatasi
ma le ekalesia, o le a iloa lea i le auala e tulimata’i atu
ai ma le faatuatua olaga o tagata ina ia ola i le talalelei
i totonu o le aiga. . . .ona mafai ai lea ona tatou malamalama
e sili atu ona taua tagata nai lo polokalama,
ma o polokalama a le ekalesia e tatau ona lagolagoina
ai i taimi uma ma ia le alu ese mai le manatu
o gaoioiga o le talalelei e faaautu i le aiga” (“Ola i le
Talalelei i le Aiga,” Liahona, Oketopa 1978, 101).
Roma 1:18–32. Pe a fouvale tagata ma tetee
i le Atua, ua tu’uesea e i latou i latou lava mai
le Agaga Paia, ma o le a faatagaina i latou e le
Atua e mafatia i taunuuga o a latou agasala.
(25–30 minute)
Ia tape moli o loo i lo outou potu o le vasega ma ia ki se
moliuila. (Atonu e te mana’o e vave ufiufi faamalama ina ia
matua pogisa pe a e tapeina moli.) Ia fai atu i tagata o le
165
vasega ina ia manatu o le malamalama o le faatusa lea o le
uunaiina po o le mafuta mai o le Agaga o le Alii.
Ia tape ma toe ki le moliuila i ni nai taimi a’o talanoaina nisi
o fesili nei:
• O a nisi o mea e fai po o mafaufauga e mafua ai ona alu
ese se tagata mai le Alii?
• O le a le mea e tupu ia i tatou i le faaleagaga pe a tatou o ese?
• O le a le mea e oo i o tatou olaga pe a agasala?
• O le a se lagona pe a le mafuta mai le Agaga o le Alii?
• Pe aisea ua avea ai le pogisa ma se faataitaiga lelei o le le
maua o le Agaga? (Tagai Mataio 6:22–23).
• Pe aisea ua e manatu ai ua foliga mai e sili i nisi tagata
le pogisa nai lo le malamalama? (Tagai MFF 10:21).
Ia ki moli o le potu o le vasega, ma ia faitau ma talanoaina nisi
o mau nei: 2 Nifae 26:10–11; Mosaea 2:36–37;Mataupu Faavae
ma Feagaiga 1:31–35. Ia fai atu i tagata o le vasega e faitau le
Roma 1:24, 26, 28 ma ia sailia fasi fuaitau e faamatala mai ai le
auala e faatagaina ai e le Atua tagata e o ese mai Lona Agaga
(“tuuina atu i latou e le Atua,” “tuuina atu i latou e le Atua
i mana’o e maasiasi ai”). Ia faamatala atu e le mafai ona mau
pea le Agaga i tagata amioleaga. E le faapea ua le faaalia ai le
le i ai o le alofa i le Atua ae peitai o le iuga lava lea e masani
ona oo i amioga agasala a tagata (tagai Ioane 15:10; MFF
95:12). Ia fai atu i tagata o le vasega e faitau ma le le leoa le
Roma 1:21–32. Fesili:
• O a agasala e mafai ona e ta’u maia e taitaiina atu ai tagata
ia o ese mai le Alii?
• O le a le leaga o ia agasala?
• Aisea ua taatele ai nei agasala i le lalolagi i aso nei?
• O a galuega amiotonu ua avea ma mea e ese ai mai agasala
o loo faamatalaina i le Roma 1?
• Pe aisea ua avea ai le ola amiotonu ma mea e aumaia ai le
Agaga o le Alii i o tatou olaga i se tulaga faateleina?
Ia toe tape tasi moli ma ia ki le moliuila i au mau. Ia molimau
atu e faapea o loo aoao mai tusitusiga paia ia i tatou e uiga
i le faamoemoe ma le malamalama ua tuuina mai e Iesu Keriso
e taitaiina ai i tatou ia o ese mai le agasala.
Faatomuaga
Roma 4–6
Roma 4–6
Sa tusia e Elder Jeffrey R. Holland, a’o avea ma Fitugafulu, se
faamatalaga e faapea: “O le togiola a Iesu Keriso na mua’i
fuafuaina ma o le pule faitalia a le Alo Pele e To’atasi o le Atua.
Sa ia ofoina mai lona soifua, e aofia ai ma lona tino ma le toto
mama ma sa ia te Ia le naunauta’i faaleagaga e avea ma togiola
(1) mo le tulaga ua oo mai ona o le Pa’u o Atamu i tagata ola