O le a le Feagaiga Fou?

Aoao ma le agaga tatalo le 1 Korinito 8–11 ma mafaufau
i mataupu faavae o loo i lalo a’o le’i saunia au lesona.
O Nisi Mataupu
Faavae Taua o le Talalelei e Saili Iai
• O le faataitaiga leaga a se tagata e mafai ona avea ma mea
e tausuai i isi (tagai 1 Korinito 8:1– 13; ia tagai foi Alema
4:10; 39:11).
• E ui lava ina ua ausia e le toatele le tulaga o se atua, ae e na
o le tasi lava le Aigaatua ua tatou tapua’i i ai (tagai
1 Korinito 8:4–6).
• O Iesu Keriso o le Atua o Isaraelu ma o le Papa faaleagaga
o loo fesoasoani mai ia i tatou (tagai 1 Korinito 10:1–14;
ia tagai foi i le Helamana 5:12).
• E tatau ona i ai le faaipoipoga faaselesitila ina ia faaeaina
ai (tagai 1 Korinito 11:11–12; ia tagai foi MFF 131:1–4).
• O le faamanatuga e faato’a mafai ona avea o se faamanuiaga
tele ia i tatou pe afai tatou te fetagofi atu i ai ma le agavaa
(tagai 1 Korinito 11:23–30; ia tagai foi 3 Nifae 18:28–32).
Fautuaga mo le Aoao Atu
Ia filifili mai aitia o loo i lalo pe faaaoga ni au lava,
a’o e saunia au lesona mo le 1 Korinito 8– 11.
1 Korinito 8. Talu ai ona e faamasinoina e tagata
lotu ese le Ekalesia ona o amio a ona tagata, ua
mafai ai fo’i ona avea la tatou faataitaiga ma
mea e aafia ai isi tagata. (20–25 minute)
Ia tuu se mea lapoa e ono lavea ai i le faitotoa o lou potu o le
vasega. Fai i tagata o le vasega e savavali faataamilo po o le
laa foi i luga o lea mea. Afai e taumafai se tasi e aveese, ia
faatagaina i latou e faia lea mea. Ia talanoaina fesili e pei o nei:
• Pe sa faapefea ona avea le mea na faalavelave i le faitotoa
ma mea na faigata ai ona o mai i le vasega i le aso nei?
• O le a se taumafaiga na manaomia e aveesea ai lea mea?
Faitau le Alema 4:10 ma fesili atu:
• Afai tatou te faatusatusa le faitotoa o le potu o le vasega
i le faitotoa o le Ekalesia, o le a se mea e faatusa i ai le mea
o loo faalavelave i le faitotoa?
• Faitau le Alema 39:11. O le a se aafiaga na i ai i le faataitaiga
a Korianetona i isi tagata?
• Pe mafai faapefea ona tatou alo ese mai le aafia i faataitaiga
leaga a isi tagata?
Faitau le 1 Korinito 8:1–6 ma ia saili mo ni faafitauli sa lauga
atu ai Paulo. (O le taumafalia o meaai na ofoina atu mo tupua
ua ta.) Fesili atu:
• Mata o le a se foliga e vaaia i se tagata o le Ekalesia e vaai
atu ua ‘ai e se isi tagata se mea na te iloa e faasaina?
185
• O a ni auala e ono oo ai le ita i tagata lotu ese ona o mea le
amiotonu e faia e isi tagata o le Ekalesia i aso nei?
• O a ni mea ua faasaina e faaaoga e nisi tagata o le Ekalesia
e ono taofia ai tagata ua sili atu ona vaivai o le Ekalesia po
o se tagata lotu ese mai le aoao atili e uiga i le talalelei?
Ia faitau e tagata o le vasega le 1 Korinito 8:7–13 ma ia saili
mo le mea na foia ai e Paulo le faafitauli. Fesili atu:
• O le a se mea sa saunoa mai ai Paulo e sili ia te ia le fai na
i lo le faatiga i se uso? Aisea?
• O le a le mea e sili atu ona taua: O se mea e foliga mai
e manuia ai i tatou po o se mea e manuia ai le Alii ma
Lona malo?
• E mafai faapefea ona tatou mulimuli atili i le agaga
o aoaoga a Paulo?
1 Korinito 9:24–10:14. O le maua o le
fesoasoani a le Alii e mafai ai ona tatou
manumalo i o tatou tino ma saunia ai mo se tofi
e faavavau. (15–20 minute)
S M T W TH F S
1 Korinito 8–11
Ia saili se tagata taalo lelei o loo i totonu o la outou vasega po
o le faaali atu o se ata o se tasi. Ia talanoaina faatasi ma le
vasega po o le a le mea e manaomia ina ia avea ai ma se tagata
taalo lelei atoa ma taui e oo mai mai le pulea lelei ma le
aoaoina. Faitau 1 Korinito 9:24–25 ma fesili atu:
• O ai ua faatusa i ai e Paulo se tagata taalo? (O i latou ia
o loo saili e ola i le talalelei ma maua le ola e faavavau.)
• O le a le mea e manaomia mo se tagata Kerisiano moni ina
ia alualu ai i luma?
• O ai e mafai ona ia maua le taui ua ofoina mai e le Atua
mo i tatou?
Ia faitau le faamatalaga o loo i lalo a Elder M.Russell Ballard:
“Se’i ou faamatala atu le pogai e tatau ai ia te outou
alii ma tamaitai talavou ona tausia a outou feagaiga
ua uma ona outou osia ma le Atua. I le mua’i olaga
a’o le’i tuua e i tatou le afioaga o le Tama Faalelagi,
sa Ia lapataiina ma fautuaina i tatou e uiga i mea fou
tatou te faia i le olaga faaletino. Sa tatou iloa o le a
maua e i tatou taitoatasi se tino o aano ma ivi. Talu ai
ona sa le avea muamua i tatou ma ni tagata faletino,
o le mea lea sa le maua ai e i tatou se avanoa e feagai
ai ma faaosoosoga o le ola faaletino. Peitai sa silafia
e le Tama Faalelagi ma malamalama i lea tulaga. Sa
Ia poloaiina i tatou ina ia pulea o tatou tino faaletino
ma ia tatou avea ia tino faaletino ma mea e usiusita’i
i o tatou agaga. E tatau i o tatou agaga ona manumalo
i faaosoosoga faaletino o le a feagai ma o tatou tino
i se lalolagi faaletino. O le manumalo faaleagaga
i faatosinaga a Satani e oo mai lea ia i tatou e ala i le
tausia o poloaiga a lo tatou Alii, o Iesu Keriso”
(Liahona, Iulai 1993, 6).