O le a le Feagaiga Fou?

O le Tusi Muamua a le Aposetolo o Paulo i Korinito
• O ai e ana i tatou?
• Pe faapefea ona faatatau lea tulaga i o tatou tino ma
o tatou agaga?
• O a ni auala ua umia ai e le Atua i tatou?
• Talu ai ona o i tatou o a Ia lea ma talu ai fo’i ona o o tatou
tino o malumalu ia e mau ai le Agaga Paia, o le a se tulaga
e tatau ona tatou ola ai?
Ia faitau faamatalaga o loo i lalo ma ia fai atu i tagata o le
vasega e fautua mai po o le a se auala ua faatatau ai ia i latou
le talanoaga.
Sa saunoa mai Peresitene Stephen L.Richards, o le na avea ma
uso o le Au Peresitene Sili, e faapea:
“Ua manatu nisi. . .ua ia i latou le saolotoga e fai ai le
mea latou te loto i ai. E foliga mai ua latou manatu
ua ia i latou le filifiliga saoloto e faia ai i o latou olaga
se mea latou te loto i ai. E tatau ona aoao atu ia
i latou upu a le Alii e faatatau i le olaga. O le olaga
o se mea taua, ‘aua ua faatauina outou i le tau. ...’
(1 Korinito 6:20)” (In Conference Report, Apr.1956, 85).
Sa faapea mai Peresitene Iosefa Filitia Samita:
“O le alofa silisili, ma ona faamanuiaga o loo i ai,
e pei ona tuuina mai ia i tatou e ala i le faasatauroga,
mafatiaga, ma le Toetu o Iesu Keriso ua le oo i ai lo
tatou malamalamaga o le tagata faaletino. E le mafai
ona tatou toe totogi atu. Ua faatauina i tatou i se tau
e le mafai ona tatou faatusalia - e le faatauina i se
auro po o se ario poo ni maa taua, ‘a o le toto taua
o Keriso, pei o lo le tamai mamoe e le pona lava.’
(1 Peteru 1:19)” (In Conference Report, Apr. 1966, 102).
Sa aoao mai Elder Jeffery R. Holland, o se uso o le Korama e
Toasefululua, e faapea:
“Sa mafatia Keriso ona o agasala ma faanoanoaga ma
tiga e oo i isi tagata uma, e faapea foi i le
faamagaloina o a tatou agasala uma, pe afai tatou te
usiusita’i i mataupu faavae ma sauniga o le Talalelei
sa Ia aoaoina atu (tagai 2 Nifae 9:21–23)” (In
Conference report, Oct.1995, 88; po o le Liahona,
Ianuari 1996, 70).
Faitau le Mataupu Faavae ma Feagaiga 93:36–37. Ia molimau
atu o le le usiusita’i ma le le mama o le faapogai lea o le pogisa
ma le le maua o le Agaga. A’o avea i tatou ma tagata usiusita’i
ma mama, e mafai ona nofo ia i tatou le Agaga Paia ma tuuina
mai ia i tatou se malamalamaga e sili atu.
184
1 Korinito 7. Sa tali e Paulo fesili faigata e uiga
i le faaipoipoga. (10–15 minute)
Tofi ni tagata se to’atolu o le vasega e o mai i luma o le vasega.
Ia tofia i latou ta’itoatasi i mea nei e fai: O se tagata ua sefulu
ma ona tupu ona tausaga le matua o loo saunia mo se misiona;
o se faifeautalai faamisiona; ma se faifeautalai nofo fua ua
luasefulu ma le lima ona tausaga. Ia tuuina atu fesili o loo
i lalo ma ia fai atu i tagata taitoatasi o tagata e to’atolu o le
vasega e tali atu i fesili nei:
• Pe e te manatu ea ua oulua feiloa’i ma le tagata o le a oulua
faaipoipo i se aso?
• O le a le tele o le taimi e te faaaluina i le mafaufau e uiga
i le faaipoipoga?
• O le a le vave o le taimi ua e manatu o loo finagalo ai le
Alii ia te oe ina ia faaipoipo?
Ia fesoasoani atu i tagata o le vasega ina ia iloa o tali i fesili
e uiga i le faaipoipoga atonu e faigata ma e faalagolago lava lea
i tulaga o loo i ai le tagata ia. Ia faamatala atu o le 1 Korinito
7:1–24 o loo i ai ni fesili faaeteete gata e uiga i le faaipoipoga.
O le fuaiupu e 25–40 o loo faatatau tonu lava ia i latou o loo
avea ma faifeautalai po o le faia o isi galuega o le perisitua
o loo manaomia ai le tele o le taimi e o ese ai mai le aiga.
Faitau le 1 Korinito 7:1, 7–9, 27, 32–34, 38. Ia fesili atu i tagata
o le vasega:
• O le a se tulaga e ono faigata ai ona malamalama
i nei fuaiupu?
• Pe foliga mai ea o nisi o ia fesili e le talafeagai ma o tatou
talitonuga e faatatau i le faaipoipoga?
Ina ia fesoasoani i tagata o le vasega ia malamalama i nei
tusitusiga a Paulo, tagai i le Faaliliuga a Iosefa Samita ole
1 Korinito 7:1–2, 5, 26, 29–33 i le Taiala i Tusitusiga Paia. Ia
faamalamalama atu o se faamanuiaga tele le maua o se
fesoasoani valo’ia e malamalama ai i fuaitau faigata
o tusitusiga paia.
Faatomuaga
1 Korinito 8–11
O le fuafuaga mo le maua o le fiafia e aofia ai faatonuga
e faatatau i le mea e tatau ona tatou fai e avea ai e faapei o le
Atua. Ua faamatalaina e le tele o aoaoga a Paulo ni mataupu
faavae taua se tele e uiga i le Atua ma Lana fuafuaga. O se tasi
o faatusatusaga na faaaoga e Paulo e aofia ai se tagata taalo o le
na avea le aoaoina lelei o ia ma mea na ia manumalo ai i le taui
(tagai 1 Korinito 9:24–27). E tatau ona pulea lelei i tatou e pei
o tagata taaalo ina ia maua ai le pale “e le pala lava” (f.25), o le
taui lea o le ola e faavavau (tagai 2 Timoteo 4:7–8; MFF 14:7).