O le a le Feagaiga Fou?

• E mafai faapefea e lo tatou faatuatua ona aafia ai lo tatou
malosi e usiusitai?
• O le a la le mea e mafai ona tatou faia e faateleina ai lo
tatou faatuatua?
Mafaufau e faaiuina i lau molimau faapea e mafai ona tatou
atinaeina se faatuatua tele ma o loo faia pea e le Atua ia vavega
i aso nei e tali ai i lo tatou usiusitai ma le faatuatua.
Mareko 6:14–29 (tagai foi Mataio 14:6–12; Luka
9:7–9). O le tausia o poloaiga e masani ona tele
le lototele ma le osigataulaga e alu ai.
(20–30 minute)
Faitau atu le tala moni lenei i lau vasega:
“Na 19 tausaga o Iosefa F. Samita ina ua ia foi mai le
misiona i Hawaii. A o ia faimalaga atu mai Kalifonia
i lona aiga i Iutã, sa faafetauia o ia i se tasi taeao i se
taavale solofanua ‘ e tumu i tagata onana ma
laulauvavale . . . , o loo faapãpã a latou fanau, ma
tauvalavalaau solo, ma taufaifai i Mamona.’ O se tasi
o le au onana nei, sa ‘talotalo solo sana tamai fana,”
na savali atu ia te ia. E ui lava ‘sa fefe ia Iosefa ae sa ia
lagonaina e le o se mea lelei ma e leai foi se aoga pe
a tamoe . . . , ma o lea sa ia agai atu ai e faafetaui i le
tagata lenei o loo sau ma le fana. “O oe o se __ __ __
Mamona?“ sa fesili atu ai lenei tagata ese. Sa ia tau
faato’atoa lemu lava, ona tali atu lea o Iosefa a o ia
tilotilo sa’o atu i mata o le tagata lenei, “Ioe, alii;
e matuai faamaoni a’ia’i lava. Na toetoe a pe lona
fatu i lenei tali e le’i mafaufauina, sa tu le tagata lenei
ma lana fana, ua tuu ona lima i ona puimanava, ma,
faatausisila atu ia Iosefa mo sina taimi, ma faapea atu
i lona leo malu, “O oe le __ __ tagata lelei muamua
lava ua ou feiloai i ai! Faatalofa. Ou te fiafia ou te vaai
i se tagata o loo tumau ma le malosi i ona talitonuga.”
Na ia tali mai ai faapea ma savali ese’ [Francis M.
Gibbons, Joseph F. Smith: Patriarch and Preacher, Prophet of
God (1984), 43–44]” (M. Russell Ballard, i le Conference
Report, Oke. 1997, 51; po o le Liahona, Ian. 1998, 37).
Fesili atu: O a uiga e moomia ona i ai ina ia faia ai se ituaiga
faaiuga e pei ona faia e Iosefa F. Samita? Fesili atu i tamaiti
o le vasega pe i ai ni tagata o o latou aiga po o ni uo o e na
tausia ia poloaiga i ni tulaga faigata, ma valaaulia i latou
e fetufaai atu a latou tala.
Ta’u atu i tamaiti o le vasega o le asõ o le a latou aoao ai e uiga
i se tasi sa tausia ia poloaiga lea na manaomia ai le lototele
ma le osigataulaga tele. Faitau le Mareko 6:14–16 ma fesili atu:
• O ai “ia” lea o loo i le fuaiupu e 14? (Iesu.)
• Aisea na manatu ai ia Herota atonu o Iesu le Ioane le
Papatiso lea na toetu mai le oti?
65
• O le a se mea atonu na fefe ai ia Herota?
Faitau faatasi ma au tamaiti o le vasega le Mareko 6:17–29, ia
taofi pe a manaomia ina ia tuu atu ai i tamaiti e talanoaina ia
fesili nei. Ia faamalamalama atu o le Mareko 6:14–16 o loo
faamatalaina ai le mea na tupu ina ua mavae le oti o Ioane le
Papatiso ae o le fuaiupu e 17–29 Mareko o loo iloiloina ai pe
na faapefea ae o le a foi le mafuaaga o le oti o Ioane.
• Aisea na faafalepuipuiina ai e Herota ia Ioane?
• Aisea na maua ai e Ioane le lototele e valaau atu ai ia
Herota ina ia salamo?
• O le a le tau na totogiina e Ioane?
• O a uiga o loo ta’ua i le Mareko 6:20 e te manatu na fesoasoani
ia Ioane ina ia maua le lototele e tausi ai poloaiga?
• Aisea na aoga ai le osigataulaga a Ioane ina ia tausia
ia poloaiga?
• O a nisi o auala o loo faaalia ai e le autalavou le lototele ma le
ositaulaga i le tausia o poloaiga? (Ia papatisoina, o i misiona,
tausia faatulagaga o le ola mama, tausia le Upu o le Poto,
tu atu mo isi o loo agaleagaina.)
• O le a sou manatu aisea e taua ai le tausia o poloaiga?
Ia faaiuina i le fesili atu i tamaiti e faitau le Taiala i Tusitusiga
Paia i le ulutala Ioane le Papatiso. A o latou faia, ia valaaulia
i latou e vaavaai mo le uiga e tasi po o se tulaga foi na oo i ai
ia Ioane le Papatiso na sili ona faagaeetia ai i latou. Ia uunaia
i latou e faaaoga ia Ioane e avea ma se faataitaiga mo
a latou faaiuga.
Mareko 6:34 (tagai foi Mataio 14:14). E tele le
alofa ma le ma le manatu mai o le Faaola mo
tagata uma. (10–15 minute)
Ia amataina le vasega i le usuina o le “Ou te Lagonaina le Alofa
o Lo’u Faaola” (Tusipese a Tamaiti, 74) po o le “Ou te Tu ma
Ofo” (Viiga, nu. 107). Fesili atu i tamaiti o le vasega e faailoa
mai po o a ni o latou lagona i le Faaola i le usuina o le pese.
Tusi ia mau nei i luga o le laupapa: Mataio 20:34; Mareko 1:40–41;
5:19; 6:34; Luka 7:12–13. Tuu atu i le vasega e faitauina ma vaai
ai mo le upu lena e faamatalaina ai ia lagona o le Faaola ina ia
faamanuina atu i fuaiupu taitasi. Fesili atu: E faapefea ona
faatatau lenei mea ia i tatou? Faitau le 3 Nifae 17:5–7 ma
fesoasoani atu i tamaiti o le vasega ia malamalama e i ai le
manatu mai ma le alofa o le Faaola mo tagata uma. O mea
uma Na te faia e uunaiina lea e Lona alofa. Fesili atu:
• Aisea e foliga mai ai e taofia e le Tama ia faamanuiaga
i nisi o taimi, e ui lava i Lona alofa ia i tatou?
• E mafai faapefea e le taofiofia o faamanuiaga ona avea ma
se aga o le alofa?
Faitau le saunoaga lenei mai ia Elder Neal A. Maxwell,
a o avea ma se tasi o le Au Fitugafulu:
Mareko 4–6