O le a le Feagaiga Fou?

Ia valaaulia ni nai tamaiti o le vasega e fetufaai atu a latou
tali. Fesili atu:
• Aisea ua tele ai lou taimi ua faaaluina i lenei taleni po
o lenei mea e te fiafia i ai?
• O a ituaiga faamanuiaga ua e mauaina ona o se taunuuga
o le tele o le taimi ua e faaaluina i ai?
• Pe na fesoasoani ea ia te oe ina ia e latalata atu ai i le Atua
i soo se auala?
• Pe i ai ni auala ua tosoeseina ai oe mai le Atua?
Ia valaaulia tamaiti o le vasega e faitau le Luka 16:1–7,
ma fesili atu:
• O le a le mea na faaalu ai e le auauna o loo i lenei faataoto
lona taimi e faia ina ua ia iloaina e ono le toe maua ai
lona tofiga?
• E ui lava sa amioletonu le auauna, ae na faapefea ona
tautala atu le tagata mauoa ia te ia i le fuaiupu e 8?
• O le a sou manatu o le a le mea na faia e le auauna
amioletonu na agavaa ai o ia mo lenei viiga?
• O a ni auala e mafai ai e “fanau a lenei lalolagi” ona
manatu e atamamai atu nai lo “fanau a le malamalama”?
Faitau le Luka 16:10–12 ma fesili atu: O le a se mea o loo aoao
mai e lenei faataoto e uiga i lagona o le Atua ia i latou o e
faataunuuina ma le faamaoni a latou galuega? Ia molimau atu
i le taua o le galue ma le naunautai i se sini aoga ma le auala e
mafai ai e le Atua ona faaaogaina le auaunaga a i latou o e mafai
ona faatuatuaina e faalauteleina Lana galuega.
Talu ai ona e fiafia le Atua i a tatou tautinoga, e iai nisi o sini
e tatau ona matuai gauai atu i ai nai lo isi. Faitau le Luka
16:13–14 ma le Mataio 22:35–38 ma fesili atu:
• O fea e tatau ona faaautu i ai o tatou naunautaiga?
• Ona faapefea ona tali atu le au Faresaio i aoaoga a le Faaola?
• Faitau le Luka 16:15. O a mafuaaga o loo tuuina mai i lenei
fuaiupu mo a latou amioga?
Fai atu i tamaiti o le vasega e faitau le Luka 16:19–25 ma vaai
ai po o le a le mea o loo aoao mai e leni faataoto e uiga i le
tuuina atu o o tatou taimi ma taumafaiga i mea a le Atua nai
lo ‘oa o le lalolagi.
• E faapefea ona faatatau lenei lesona i o tatou olaga?
• O a ni fautuaga o loo i ai lenei lesona mo gaoioiga ma mea
e fiafia i ai e ao ona tuuina atu i ai lou taimi?
Ia uunaiina tamaiti o le vasega e iloiloina a latou gaoioiga. Fai
atu i ai latou e manatunatu pe mafai faapefea ona faaaogaina
a latou taleni ina ia fesoasoani ai i le fausiaina o le malo o le
Atua ma auauna atu ai i isi. Faitau le Luka 16:13, ma toe
faatusatusa i le Alema 39:12–14. E tusa ai ma nei fuaiupu, o le
a le taua o le tamaoaiga ma mea ua tatou maua pe a tatou oti?
Ia molimau atu afai tatou te auauna atu i le Atua ae le o
mamone (mea a le lalolagi), o lo tatou taui o le a faavavau.
99
Faaaliga: Aua ne’i faailoaina sao atu i tamaiti o le vasega faapea
o le taimi e faaalu i mea e fiafia i ai, atinaeina o taleni, po o le
auai i gaoioiga faafifaia, faapea ma isi mea o se taimi maimau
lea. E manaomia e tamaiti o le vasega se faapaleniina o le
amiotonu i o latou olaga.
Luka 16:19–31. A maea le oti ona ulu uma atu
lea o tagata i le lalolagi o agaga, lea e o atu ai
e amioleaga i le malaia (falepuipui o agaga) ae
o e amiotonu e i le parataiso. O le Togiola a Iesu
Keriso na sosooina ai le vanu sa i le va o le falepuipui
o agaga ma le parataiso. (20– 25 minute)
Vaelua lou potuaoga i le tuu ai lea o ni nofoa po o le faailoga
foi i se mea faapipii po o se manoa. Ia valaaulia teine e nonofo
i le isi vaega ae o tama e nonofo i le isi. Ia talanoaina pe
faapefea ona tatou faavasegaina pe tuuvaegaina ia tagata i nisi
o taimi e fuafua i o latou uiga masani.
• O a nisi o uiga e mafai ona tatou faaaogaina e faavasega ai
tagata o le vasega? (Tausaga, maualuga, lanu o le lauulu,
mea e fiafia i ai.)
• O a ituaiga vaega o loo i ai i la outou aoga?
• O ai e fuafuaina po o le fea vaega e te fetaui i ai?
Ta’u atu i tamaiti o le vasega e masani ona faavasegaina
e tusitusiga paia ia tagata i ni vaega se lua: o e amioleaga ma e
amiotonu. Ia talanoaina faapuupuu nei vaega e lua ma fesili atu:
• O le fea vaega e sili ona outou mananao tou te auai atu
i ai? Aisea?
• O ai e fuafuaina po o ai i latou e amiotonu?
• O a ni auala e tuueseeseina ai e amioleaga mai e amiotonu?
Ia valaaulia tamaiti o le vasega e faitau le faataoto o loo
i le Luka 16:19–31.
• O a faailoga na faaaoga e Iesu e aoao atu ai e uiga i le
amioleaga ma le amiotonu?
• O le a le aoaoga faavae taua o loo aoaoina i le fuaiupu e
22–26 e faatatau i le amioleaga ma le amiotonu ina ua mavae
ona la feoti? (E tuueseeseina i laua i le lalolagi o agaga.)
Faitau le Luka 16:26–31 ma fesili atu:
Luka 16–18
• O le a le mea na manao le tagata mauoa e faia e Lasalo mo
ia?
• O le a sou manatu aisea na manao ai o ia i lona aiga ina ia
faalogo i le talalelei?
• O a auiliiliga o lenei faataoto o loo faaali mai ai na iu ina
malamalama le tagata mauoa o a tatou mea e fai i lenei
olaga e aafia ai le mea o le a tupu ia i tatou i le isi olaga?
Fesili atu: O le a le mea o loo faatatau i ai le “fatafata
o Aperaamo” o loo i le fuaiupu e 22? Faitau faatasi ma tamaiti
o le vasega le Alema 40:11–12 e faaali atu ai afai e feoti tagata
amiotonu e taliaina i latou i le parataiso. Fesili atu: O le a le
mea o loo faatatau i ai le “afi”o loo i le fuaiupu e 23? Faitau le
Alema 40:13–14 e faailoa atu ai o e amioleaga e lafoina i fafo