O le a le Feagaiga Fou?

O le Tusi a Iakopo
Atonu o le a fesoasoani le tusiaina i luga o le laupapa o ni ata
o se faagutu o le solofanua ma le pito uamea o le faagutu, o se
foeuli o se vaa, o se afitusi, o se fagu o loo i ai se vai oona ina
ia faatatau atu i ai ao e talanoaina fuaiupu nei. Faitau ma
faaaogaina mai le Mataio 15:10–20 e mata’ituina ai le ala o loo
fesootai ai fuaiupu nei ma aoaoga a Iakopo e uiga i le
laulaufaiva. Ia fesili atu:
• O fea e o mai ai upu o loo tatou tautatala ai?
• Pe mafai ea i le taofiofia o le laulaufaiva ona aafia ai mea
o loo i le loto? Pe aafia faapefea?
• E mafai faapefea i le puleaina o o tatou loto ona aafia ai lo
tatou taumafai ia faaatoatoaina?
Faitau le Mosaea 4:30 ma mataituina apoapoaiga a le Tupu
o Peniamina na tuuina mai e uiga i le laulaufaiva. Aisea e tatau
ai ona tatou faaeteete i upu tatou te faia? Faitau le Alema 12:14
mo le tali. Ia molimau atu e ao ona tatou faaeteete i a tatou
upu aua o upu le talafeagai o le a ta’usalaina ai i tatou. Ia
uunaia le vasega ina ia faaa’oa’o ona faagutuina o latou
laulaufaiva ina ia avea ma se mea e faamanuia ai i isi ma
faaatoatoaina ai i latou lava.
Iakopo 4:4–10. Afai tatou te opogi mea o lenei
lalolagi, e avea i tatou ma fili i le Atua.
(25– 30 minute)
Ia tusi ia upu nei O Mea a le Atua ma faapipiiina i tua o se
nofoa. Ia tusi i se isi pepa upu nei O Mea a le Lalolagi ma
faapipiina i tua o se isi nofoa. Ia tuu felata’i nofoa e lua ma
fesili i le vasega pe mafai ona i ai i ni “nofoaga” se lua i se
taimi e tasi. Valaaulia se tagata o le vasega e faatinoina i le
saofai lea i nofoa e lua i le taimi e tasi. Ia fai atu i le tagata lena
e tu, ona tuu eseese lea o nofoa ma faamamao ese. Fesili atu i le
vasega pe mafai pea ona i ai i ni nofoaga se lua i se taimi e tasi.
Ia fai atu i le tagata lena e filifili se tasi o nofoa e nofo ai.
Ia fesili atu i le vasega:
• O le a se mea o loo faatatau i ai lenei faatinoga?
• O le a le mea e tupu i la tatou mafutaga ma le Atua pe afai
tatou te taumafai e faia mea o le lalolagi ma mea o le malo
[o le Atua] i le taimi e tasi?
• O a ni faigata e oo mai i o tatou olaga ona o ni taunuuga o lo
tatou filifili o mea o lenei lalolagi ae le o mea a le Atua?
Faitau le Iakopo 4:4–10 ma valaaulia le vasega e mataituina
fasi fuaitau o loo aoao mai ai le ala i le avea ai ma se uo a le
Atua. Ia faitau le Mosaea 3:19 ma talanoaina le ala o loo avea
ai lenei fuaiupu ma se molimau lona lua i le aoaoga a Iakopo.
240
Faitau le Iakopo 1:12–13. Ia fesili atu pe faamata o le Atua
o loo tuuina mai faaosoosoga o loo tatou feagai ai. Faitau le
Iakopo 1:14–16. Ia fesili atu:
• E faapefea ona faatosinaina e le tiapolo i tatou ina ia
agasala?
• Aisea e fia avea ai oe ma uo a le Alii pe a toe afio mai o Ia?
Faitau le Iakopo 5:7–20 ma mataituina auala e mafai ai ona
tatou saunia e avea ma uo a le Atua, ma lisiina mea na i le
laupapa. O nei mea atonu e aofia ai:
• Ia onosai (f. 7–8).
• Ia faamalosiauina lou loto (f. 8).
• Ia aua nei feitagai (f. 9).
• Ia faaaoga faataitaiga a perofeta (f. 10).
• Ia tutumau (f. 11; tagai foi Iakopo 1:2–4).
• Aua le palauvale (f. 12).
• Tatalo pe a mafatia (f. 13).
• Ia lagiina viiga (f. 13).
• Ia aami i toeaiina mo faamanuiaga (f. 14).
• Ia tautau atu ou sese (f. 16).
• Ia tatalo mo isi (f. 16).
• Ia faaliliuina mai le tagata agasala (f. 20).
Fesili atu i le vasega pe faapefea i le usitaia o apoapoaiga o
loo lisiina i le laupapa ona fesoasoani ia i latou ia saunia e
avea ma uo a Iesu Keriso i Lona afio mai. Valaaulia le vasega
e filifili mai le lisi se mea e tasi pe lua foi o loo vaivai ai ma
tusi se fuafuaga a le tagata lava ia e faaleleia ai na vaivaiga. Ia
fetufaai atu le apoapoaiga a Elder Joseph B. Wirthlin:
“O le mea moni faigofie o lenei: soo se mea e faia e le
latalata ai i tatou i le Atua e aveeseina ai i tatou mai
ia te Ia. E le mafai ona tatou tutu faavaeloto, e le
mafai foi ona tatou le mautonu ma mafai ai ona tatou
agasala teisi e aunoa ma le tuumaulaloina ai o lo
tatou ola faaleagaga. O le mea lena e tatau ai ona
tatou salamo ma o mai ia Keriso i aso taitasi i o tatou
tulivae ina ia mafai ai ona taofia a tatou molimau
malolosi mai le faaleagaina e le agasala” (Liahona,
Ianuari 1993, 36).
Ia uunaia tamaiti o le vasega ina ia tuuese le lalolagi ae ia
avea ma uo a le Atua.