O le a le Feagaiga Fou?

Faitau le saunoaga a Peresitene Gorden B.Hinckley e uiga
i le galulue faatasi o le Au Peresitene Sili ma le Korama
o Aposetolo e Sefululua:
“E eseese tagata uma. Ua faatatau lea faamatalaga
i talaaga eseese ma tomai. Ua tatou talanoa i ni auala
e faaleleia ai ma faamalosia le galuega. I le amataga
o lenei talanoaga, atonu e i ai ni manatu eseese. Peitai
a’o le’i faaiuina le talanoaga, o le a i ai le lotogatasi,
ma e le faia se isi lava mea. Ua fetalai mai le Alii lava
Ia o lea lotogatasi e matua tatau lava” (In Conference
Report, Oct. 1992, 79; po o le Liahona, Ianuari 1993, 62).
Fesili atu i tagata o le vasega: O le a se mea e mafai ona tatou
aoaoina mai le lotogatasi o Aposetolo a le Alii? Ia molimau
atu e mafai ona tatou maua le malosi sili i le lotogatasi ma
o tatou taitai ma uso o le Ekalesia.
S M T W TH F S
Kalatia 2:16–21. Ua ta’uamiotonuina
i tatou e ala i le faatuatua ia Iesu Keriso.
(20–25 minute)
Ia tusia le faamatalaga lenei i luga o le laupapa: Faasa’olotoina
mai le faasalaga ona o le agasala ma ua mama. Ia faitau lemu tagata
o le vasega i le Kalatia 2:16–17; 3:11, 24 ma ia saili mo le upu
ta’uamiotonuina. Ia maitau e ta’u faaono lea upu. Ia valaauina
tagata eseese o le vasega e faitau leotele mau, ma ia suia le
faamatalaga o loo i luga i le faamatalaga o le upu
ta’uamiotonuina. Fesili atu:
• O le a le mea e ta’uamiotonuina ai se tagata?
• O le a se mea e le ta’uamiotonuina ai se tagata?
Ia ta’u atu i tagata o le vasega le autu o le tusi a Kalatia mai le
faatomuaga (itulau 202). Ia talanoaina fesili o loo i lalo:
• Pe aisea na avea ai aoaoga a Paulo e uiga i le ta’uamiotonuina
ma se savali taua mo le Au Paia i Kalatia? (Sa teena
e i latou le faatuatua ia Iesu Keriso ma faamamafaina
galuega o le tulafono a Mose.)
• Aisea ua avea ai le ta’uamiotonuina ma se mataupu faavae
taua e ao ona tatou malamalama i ai? (Atonu tatou te mafuli
tele i le faamamafaina o a tatou galuega ae faatamala ai i lo
tatou faatuatua ia Iesu Keriso ma Lona mana
e ta’uamiotonuina ai i tatou.)
Sa aoao mai Paulo e le mafai ona ta’ua i tatou o ni tagata
mama pe afai e na o a tatou taumafaiga. E ta’uamiotonuina
i tatou “i le faatuatua ia Iesu Keriso” (Kalatia 2:16). Ae ui i lea
ua tatou iloa fo’i o galuega o le amiotonu e taua tele lava lea
mo le tuputupu a’e faaleagaga o i tatou (tagai Roma 2:13;
Iakopo 2:17–18).
201
Ina ia fesoasoani i tagata o lau vasega ina ia malamalama i le
faiã i le va o le faatuatua ma le usiusita’i, ia toe faaali atu le
faatulagaga o loo i lalo i luga o le laupapa, ma ia tuuese upu
o loo i ai i puipui. Ia faamatala atu le auala e gaioi ai se afi moli
eletise e alu i le vai. (O le vai e tafe i paipa i lona itu i lalo na
te taaviliina le afi moli, ona maua mai ai lea o le eletise e alu
atu i fale uma ma faamanuiaina ai olaga o i latou e faaaogaina.)
Ia tusi le upu tatou i le afi moli. Ia faamatala atu talu ai ona
e le mafai e le afi moli ona maua le eletise i le na o ia, ua le
i ai fo’i ia i tatou le malosi e ta’uamiotonuina ai a tatou lava
galuega. Ua tatou manaomia le mana o le Togiola a Iesu
Keriso. Ia fesili atu i tagata o le vasega po o fea tonu e pogai
mai ai le malosi e taavili ai le eletise. (O le vai o loo tafe.) O le
a se mea na te faaliliuina le malosi o le vaitafe e maua mai ai
le eletise e mafai ona tatou faaaogaina? (O le afi moli.)
Vai
taavilia le
eletise (Togiola
a Iesu Keriso)
Paipa
(Usiusita’i
ma le Salamo)
Afi Moli
(tatou)
Pe’ape’a
Na te taavilia le
eletise (faatuatua
ia Iesu Keriso)
Kalatia 1–2
Fale e oo atu
i ai le Eletise
(agavaa o le
tagata lava ia)
Ia faamatala atu i tagata o le vasega o lo tatou faatuatua ia
Keriso e maua ai le mana o le Togiola o le Faaola. Ia tusi i le
pe’ape’a faatuatua ia Iesu Keriso ma ia tusi i le vaitafe o loo i tua
o le faatanoa vai le upu Togiola a Iesu Keriso. Ia valaauina tagata
o le vasega e vaavaai atu i le faatulagaga ma filifili po o le a le
mea e tatau ona tatou fai ina ia mafai ai ona tafe atu le vai
i pe’ape’a. (E tatou ona tatou faaavanoaina paipa ma ia aua
nei poloka.) Ia faamatala atu ina ia maua le mana o le Togiola
e tatau ona tatou faaavanoaina a tatou paipa e ala i lo tatou
usiusita’i ma le salamo. O le a avea lea ma mea e tafe mai ai
i o tatou olaga le mana o le Togiola ma avea ai i tatou ma
tagata agavaa. Ia tusi i paipa e alu ai le vai le upu usiusita’i ma
le salamo ma ia tusi i le fale le upu agavaa o le tagata lava ia.
Ia faitau faatasi ma tagata o le vasega le Kalatia 2:20. Ia fesili atu:
Pe mafai faapefea ona tatou “ola ai lava i le faatuatua i le Alo
o le Atua” ma ia tausia pea a tatou paipa ia avanoa ina ia mafai
ona tatou maua le mana o le Togiola i o tatou olaga? Faitau
2 Nifae 25:23. Ia molimau atu afai tatou te faia mea uma tatou
te mafaia e usiusita’i ai ma salamo, o le a mafai e le mana o le
Togiola ona faamamaina i tatou ma mafai ai e i tatou ona toe
fo’i atu i le Tama Faalelagi.