O le a le Feagaiga Fou?

• Toe faitau le Luka 22:32. O le a se lelei o le ola ai o Peteru
i le luitau a Iesu?
Ia molimau atu i tamaiti o lau vasega i lo latou malolosi
e alualu ai i luma faaleagaga i o latou olaga atoa. Faamanatu
atu ia i latou faapea o i tatou uma e pei o Peteru, e tatau ona
tatou faamalosi atu ia i latou o loo i o tatou tafatafa a o tatou
latalata atu i le Alii.
Luka 22:39–46 (tagai foi Mataio 26:36–46; Mareko
14:32–41). Na usiusitai Iesu Keriso i le finagalo
o le Tama Faalelagi. Na Ia naunau e puapuaga,
mafatia, ma maliu ina ia faataunuuina ai Lana
matafaioi i le ata o le faaolataga. (30–35 minute)
Fai atu i tamaiti o le vasega e mafaufau i se taimi sa latou
matuai vaivai ai lava, tiga, pe le lavava foi ma sa latou
lagonaina ai le le fia tatalo, le le fia sau i le lotu, le le fia
anapogi, ma le le fia auauna atu i isi.
• Na faapefea ona e faatoilaloina ia ou manaoga faaletino
ina ia tausia ai poloaiga a le Atua?
• O le a se faigata sa i ai mo oe?
• O a ni faafaigata i lagona e mafai ona e mafaufau i ai lea
e taofia ai i tatou mai le faia o le mea sa’o? (O tali e mafai
ona i ai e aofia ai le fefe e fetufaai atu le talalelei, ita, ma le
le manao e faamagalo atu i isi.)
Faitau le Aperaamo 3:24–25 ma vaai ai po o le a le mea o loo
ta’u mai e nei fuaiupu e faatatau i le faamoemoga o le olaga
faalelalolagi. Fesili atu:
• O le a le uiga o le upu tofotofo? (Ia suesueina.)
• O le a le suega?
• O le a sou manatu aisea e taua ai ona suesueina i tatou?
• E faapefea ona fesoasoani lenei suega ina ia faataunuuina
ai le faamoemoega o le ata o le faaolataga?
E tusa lava pe faigata pe tiga le olaga, e mafai lava ona tatou
maua le malosi e faia ai le finagalo o le Atua e ala lea i le
mulimuli i faataitaiga a le Faaola. Fai atu i tamaiti o le vasega
e faitau le Luka 22:39–46, ma fesili atu:
• O le a le finagalo o le Atua mo Iesu Keriso (o le a le mea
na Ia finagalo e faia e le Faaola)?
• O le a se mea o loo aoaoina mai e nei fuaiupu e uiga i le
faigata faaletino o le filifiliga a le Faaola ina ia mulimuli
i le finagalo o le Tama Faalelagi? (tagai f. 44).
• O a avega faaleagaga na tauaveina e le Faaola i le taimi
lea? (tagai foi Alema 7:11–13).
• O le a le fesoasoaniga na auina mai e le Tama Faalelagi ia
Iesu i lenei taimi sili ona faigata? (tagai Luka 22:43).
• O a ni auala e mafai ai e le Tama Faalelagi ona auina atu ia
te oe se fesoasoaniga i taimi faigata ina ia fesoasoani ai ia te
oe e tausia Ana poloaiga?
• E faapefea ona lagolagoina e le 1 Nifae 3:7 lenei manatu?
109
Ina ia fesoasoani i tamaiti o le vasega e talisapaia le Togiola, ia
faitau ma talanoaina ia fuaiupu nei: Ioane 10:17–18; 2 Nifae 9:7;
Mosaea 3:7; Alema 34:10–14; Mataupu Faavae ma Feagaiga
19:15–20; 122:7–8.
Ta’u atu i tamaiti o le vasega na ositaulagaina le Faaola i lenei
auala ona o Lona alofa i le Tama faapea tatou uma taitoatasi.
Ao faasolo ina loloto lo tatou alofa mo le Tama Faalelagi, o le
a faapei foi i tatou o le Faaola, o le a sili atu ona tatou onosaia
ia tiga faaletino ma faalelagona ma faia le finagalo o le Tama.
Ia fetufaai atu soo se vaega o upusii nei e te lagonaina o le
a fesoasoani i tamaiti o lau vasega e maua ai se talisapaia sili
o le taulaga a le Faaola.
Na molimau mai ia Peresitene Iosefa Filitia Samita, a o avea
ma Peresitene o le Korama a Aposetolo e Toasefululua:
“O lea ua tauave nei e le Alo o le Atua le avega o a’u
soligatulafono ma a outou soligatulafono ma soligatulafono
a tagata uma e taliaina le talalelei a Iesu
Keriso. ... Na ia tauaveina le avega—o la tatou avega.
Ou te faaopoopo atu i ai se mea lenei; e faapea foi ia
te outou. E faapea foi i tagata uma lava. Na ia aveina
i ona luga e totogi ai le tau ina ia mafai ona ou sola
ese—ina ia mafai ona outou sosola ese—mai le
faasalaga ma tulaga o lo tatou taliaina o lana talalelei
ma faamaoni ma tumau ai” (“Fall—Atonement—
Resurrection—Sacrament” [lauga i faiaoga o aoaoga
faalelotu, 14 Ian. 1961], i le Charge to Religious
Educators, 2nd ed. [1982], 127).
Na molimau mai ia Elder James E. Talmage:
Luka 22–24
“O le tiga o Keriso i le togalaau e le mafuatiaina e le
mafaufau le mea e gata mai, e le gata i le matuitui ae
o le mafuaaga. O le manatu faapea na puapuagatia o Ia
ona o le fefe i le oti, e le taliaina. O le oti ia te Ia o se
vaega ta’imua lea i le toetu ma le toe foi atu ma le
manumalo i le Tama o le na ia Afio mai ai, ma se tulaga
o le mamalu e sili atu nai lo le mea na Ia umiaina
muamua; ma e le gata i lea, o Lona lava mana na ia
ofo atu ai Lona ola. Na ia tauivi ma oi i lalo o se avega
e leai se tagata ua ola i le lalolagi e mafai ona ia
tauamoina. E le o le tiga i le faaletino, po o le tiga na
o le mafaufau lava ia, lea na mafua ai ona puapuagatia
o Ia ma tafe mai ai le toto i puninii uma o le tino; ae o se
tiga o le agaga lea e na o le Atua e mafai ona silafiaina.
E leai se isi tagata, po o le a lava le silisili o ona mana
po o le mafaufau e mafai ona onosaia, e mafai ona
puapuagatia faapea; aua o le a tiga ona itutino, ma
o le a mafatia ai o ia. I lena itula o le tiga na faafetaiaia
ai ma faatoilaloina ai e Keriso ia taufaamata’u uma
na mafai e Satani, ‘le alii o lenei lalolagi’ ona tuuina
atu. O le tauiviga taufaafefe i faaosoosoga i le taimi
lava ina ua maea ai le papatisoga o le Alii na
faaleaogaina uma e lenei tauiviga sili ma mana o le
tiapolo” (Jesus the Christ, 613).