O le a le Feagaiga Fou?

Tuu atu i au tamaiti o le vasega uma se fasi pepa o loo aofia ai ni
mau nei e tolu (ave ese faaupuga o loo tusia ai):
• Luka 11:37–39, 46. O se tagata pepelo o se tagata lea e sailia
sese o isi ma e le salamo.
• Luka 11:42–44. O se tagata pepelo e saili ina ia maua viiga
o le lalolagi nai lo le auauna atu i le Atua.
• Luka 11:53–54; 12:54–57; 13:14–16. O se tagata pepelo e
feliuaia ia poloaiga ina ia sailia ai sese o isi o faia mea lelei.
Ia valaaulia tamaiti o le vasega e faitau a latou fuaiupu na
tuuina atu i ai, mafaufau po o le a le uiga, ma talanoaina po
o le a le mea o loo aoao mai ai e uiga i le pepelo. Tusi ia
faauigaga e tolu i luga o le laupapa, ma tuu atu i tamaiti
e faafetaui a latou fuaiupu i le faauigaga sao.
Ia tuu atu i nisi o tamaiti o le vasega ia fesili nei:
• O le a se lagona o le Faaola e uiga i le pepelo?
• Faitau le Faaliliuga a Iosefa Samita o le Luka 11:52. O le a se
malamalamaaga taua o loo faaopoopo mai e lenei fuaiupu
i lo tatou malamalama i le pepelo?
• O le a se mea e mafai ona tatou faia ina ia aua ai nei avea
i tatou ma ni tagata pepelo i le auala o loo tatou ola ai?
Ia valaaulia tamaiti o le vasega e faitau filemu le Alema
5:15–21, ma fesili atu:
• E mafai faapefea e le manatuaina o nei fesili ona fesoasoani
ia te oe ina ia aua ne’i pepelo?
• O a faamanuiaga e oo mai ia i latou o e e le pepelo?
Luka 12–13 (tagai foi Mataio 5:25–26; 6:19–34;
16:1–12; 23:37–39; 24:40–51; Mareko 8:10–21;
13:32–37). O le avea moni ma soo e moomia ai le
naunau e aoaoina o tatou lagona ina ia tutusa o
tatou manaoga ma manaoga o le Faaola mo i
tatou. (15–20 minute)
Faitau ia faamatalaga nei pe tuuina atu i tamaiti o se pepa e
tufaina atu. Ia talanoaina faatasi o se vasega pe aisea e moomia
ai nei tulaga e fa mo le avea ai ma soo.
O Nisi Uiga o le Avea Moni ma Soo
O aoaoga a le Faaola i le Luka 12 e mafai ona faavasegaina
i ni mea e tatau ona tatou faia ma mea e tatau ona
tatou aloese mai le faia ina ia avea moni ai ma soo o
Iesu Keriso. O nisi nei o uiga o le avea ma soo moni:
1. Aloese mai le pepelo (tagai Luka 12:1–3). O le
pepelo o le faafoliga lea e faia pe talitonu i se mea
ae o le mea moni lava o loo e faia pe talitonu foi i se
isi mea (tagai foi 1 Korinito 5:7–8).
2. Tuu le faatuatua i le Atua ae le o le tagata (tagai
Luka 12:4–9). O malosiaga o le tagata e faatapulaaina,
ae o loo i le Atua ia mana uma. O lea la e tatau ai
ona tatou faatuatua i le vaavaaiga a lo tatou Tama
Faalelagi, aua e silafia e Ia mea uma lava (tagai
v. 7; FIS, Luka 10:9–12).
3. Aua le manao i ‘oa o le lalolagi (tagai Luka 12:13–34).
Na aoaoina e Iesu ona soo e tatau ona aloese mai le
93
matapeapea. O le faataoto o loo i fuaiupu e 16–20
o loo faaali mai ai lea tulaga. Na saunoa mai ia
Elder James E. Talmage e faatatau i le tagata mauoa
i le faataoto lenei:
“O ana fuafuaga mo le tausia lelei o fua o ana faatoaga
ma ana mea ua maua e le faapea e leaga, e ui lava
atonu sa manatunatu o ia i ni auala e sili atu ona lelei
e tufatufa atu ai ana faasiliga, e avea ma faaolatotoga
i e matitiva. O lana agasala e lua ona vaega; muamua,
na ia manatu i lana fale teu oloa o le autu lea o le
puipuia o le ola faigofie ma le faaloloto;lona lua, o
lona lauolaola i mea faaletino na toilalo ai o ia e
faailoa le Atua, ma ua oo lava i le faitaulia o tausaga
ua pei lava o ana mea. I le taimi lava o lona olioli
manatu faapito na taia ai o ia” (Jesus the Christ, 439).
4. Ia saunia mo le Afio Faalua Mai o le Alii (tagai
Luka 12:35–59; FIS, Luka 12:41–57). O i latou o e
atamamai e vaavaai mo le toe afio mai o le Faaola.
Vaevae le vasega i ni vaega se fitu. Ia tofiaina atu i vaega
taitasi se tasi o mau nei:
• Luka 12:1–12
• Luka 12:13–21
• Luka 12:22–31
• Luka 12:32–40
• Luka 12:41–48
• Luka 13:1–9
• Luka 13:24–35
Tuu atu i vaega e sailia mai ni tali i fesili nei i totonu o a latou
mau. A maea, ona tuu atu lea i vaega taitasi e faailoa mai
a latou tali i le vasega.
• O le a se mea o loo aoao mai e nei fuaiupu e uiga i le avea
ai ma se soo o Iesu?
• Aisea atonu o le a faigata ai ia i tatou ona mulimuli
i lenei aoaoga?
• O ai tou te iloaina na faia se faataitaiga lelei o nei aoaoga?
• O a faamanuiaga e te talitonu e oo mai i soo o e latou te
faatinoina nei aoaoga?
Soifua mai
o Keriso
O le Soifuaga o Iesu Keriso
Tausaga
muamua o le
galuega a le Alii
Paseka
Muamua
Luka 14–15
Paseka
Lona Lua
Tausaga
lona lua
Paseka
Lona Tolu
O mea na tutupu i nei
mataupu e foliga mai
na tutupu lava i lenei
vaitaimi
Tausaga
lona tolu
Luka 14–15
Paseka Mulimuli
ma le vaiaso faai’u