O le a le Feagaiga Fou?

O le Faaaliga a Ioane lå Paia
Fautuaga mo le Aoao Atu
Filifili mai i aitia nei pe faaaoga ni au lava, a o e saunia lesona
mo le Faaaliga 1—3.
O le New Testament Video vaega 21, “Fesoasoani mo se
Malamalamaaga o le Tusi o Faaaliga” (7:48), e mafai ona
faaaoga i le aoaoina o le tusi o Faaaliga (tagai New Testament
Video Guide mo fautuaga mo le aoaoina atu).
Faaaliga 1:1, 9–11. Na faauuina e le Alii ia le
Aposetolo o Ioane i le mua’i olaga e tusia le tusi
o Faaaliga. (15–20 minute)
Fesili i le vasega:
• O le a le tele o le silafia e le Alii o i tatou taitoatasi?
• E mafai faapefea e le Alii ona faailoa mai mea o le a tutupu
i le lumana’i? (tagai 2 Nifae 9:20).
Faitau 1 Nifae 14:18–22 ma faamatala mai e tagata o le vasega le
tagata na vaai i ai ia Nifae i le faaaliga. Faitau 1 Nifae 14:24–27
ma saili le igoa o le tagata. Fesili: O fea e mafai ona tatou maua
ai ia tusitusiga a lenei Aposetolo o aso e gata ai? Faailoa atu
na ta’u atu e le Alii ia Nifae e uiga i le tusi o Faaaliga i le tele
o senituri a e le’i tusia le tusi. Fesili: Faamata o le a se mea
taua o lo o ta’uina mai e uiga i le tusi o Faaaliga?
Molimau atu i le vasega i le taua o le aoaoina o le tusi
o Faaaliga. Faitau Faaaliga 1:1 ma faatusatusa i le Faaliliuga
a Iosefa Samita o le fuaiupu lava lea e tasi. Talanoaina ia suiga
na faia e Iosefa Samita. Faitau le Faaaliga 1:9–11. Toe iloilo le
1 Nifae 14:24–27, ma fesili:
• E faapefea ona faataunuuina ia le faaaliga a Nifae i tusi
o Faaaliga? (Na faatonuina e Iesu ia le Aposetolo o Ioane
e tusia le tusi; tagai 1 Nifae 14:24; Faaaliga 1:11.)
• E mafai faapefea ona tatou fesoasoani e faataunuuina ia
le misiona a le Atua na ia faatonuina i tatou e fai?
Uuna’ia ia tagata o le vasega ina ia mauaina o latou faamanuiaga
faapeteriaka i le taimi e tatau ai e fesoasoani atili ai ia te
i latou mo le faataunuuina o le misiona a le Atua mo i latou.
Faaaliga 1–22. O le autu sili o le tusi o Faaaliga
o aso e gata ai ma le toe Afio Faalua Mai o Iesu
Keriso. (10–15 minute)
Faaali atu i tagata o le vasega ia se mea a faalapopoa ai mea
niniii (microscope) ma se se tioata e faamatatetele ai ia mea
(magnifying glass) po o ni ata foi o nei mea pe a leai ni mea
moni. Fesili:
• E eseese faapefea ona ese mai le tioata e vaai ai ni mea
ninii [microscope] mai le tioata e faamatamata tetele ai ni
mea [magnifying glass] i mea e mafai ona la faaalia?
• O le a le mea e lelei ai le iloaina o faamatalaga aupito iti?
• E mafai faapefea ona tatou manuia mai le vaai i se ata
e lapo’a atu?
254
Fai i tagata o le vasega o le aso o le a tatou tilotilo ai i le
“faalauteleina po o le ata tele” o le tusi o Faaaliga.
I faia se pepa malamalama (overhead transparency) o le siata
“O Le Mea O I Ai le Faamamafa” i le (itulau 296) pe tusi foi
i luga o le laupapa. Ia talanoaina le siata faatasi ma le vasega,
ma faamanino atu o faamaufaailoga muamua e lima (o le
talafaasolopito lea o le laueleele mai i aso o Atamu e oo mai
i aso o Ioane) o lo o talanoaina i fuaiupu e sefulutasi, a o isi
faamaufaailoga e lua (o lo tatou vaitaimi e o o atu i le iuga o le
lalolagi) o lo o talanoaina i fuaiupu e 273. Faitau le Faaliliuga
a Iosefa Samita o le Faaaliga 1:3 ma fesili:
• O le le mea o le a tupu na tusia ai le tusi o Faaaliga
e saunia i ai le Au Paia?
• O le a le mea o lo o aoaoina mai ia i tatou e uiga i le taua
o le tusi o Faaaliga mo i tatou i ona po nei.?
Ta’u atu i tagata o le vasega na matua saunia ma le faaeteete
lava e le Alii le tusi o Faaaliga mo i tatou.
Faaaliga 1:1–3. A o tatou usita’ia ia faaaliga a le
Atua, o le a Ia ta’ita’ia i tatou i Lona afioaga.
(15-20 minute)
Na faaaofia ai e Ioane ni mataupu faavae e mafai ona fesoasoani
ia aoga ma manuia ai le au faitau o lenei tusi o valoaga ma
faaaliga. Ina ia fesoasoani i tagata o le vasega e aoao mai ai
i nei foi mataupu faavae, tusi i luga o le laupapa ia se auala ma
ni ona magaala i itu eseese. Fai i tagata o le vasega e mafaufau
faapea o loo i ai i se fetaula’iga o ala ma o loo taumafai e fuafua
pe o fea le itu e tatau ona alu i ai. Fesili:
• E mafai faapefea ona faatusatusa lenei faataitaiga i le olaga?
• E faapefea ona e filifili po o fea le itu e te alu i ai?
• O a risosi o lo o maua e fesoasoani ia te oe i le faiga
o le filifiliga aupito sili?
Faitau e se tagata o le vasega ia le faamatalaga lenei
a le Perofeta o Iosefa Samita:
“E leai se tagata e mafai ona mauaina le Agaga Paia
e aunoa ma le mauaina o faaaliga. O le Agaga Paia
e maua mai ai ia faaaliga” (History of the Church. 6:58).
Fesili:
• E faapefea ona fesoasoani le Agaga Paia ia i tatou
i le faatonutonuina o o tatou olaga?
• O fea tonu le nofoaga mautu o le a taitaiina i ai i tatou e le
Agaga Paia? (Ia faitau e tagata o le vasega ia ni nai laina
muamua o le “faaaliga” i le Taiala i Tusitusiga Paia mo se
tali i lenei fesili.
• Afai ua finagalo le Atua e tuuina mai ia faatonuga i faaaliga
e ala mai i le Agaga Paia, o le a la le tatou matafaioi?
Faitau e tagata o le vasega ia le Faaliliuga a Iosefa Samita o le
Faaaliga 1:1–3, ma fesili: E tusa ai ma nei fuaiupu, o le a le mea