O le a le Feagaiga Fou?

O le Talalelei e Tusa ma le Faamatalaga a Luka
“A o filifilia e le Tama le atalii agaga sili ona tamalii ma
amiotonu o ona atalii uma ina ia sau i le lalolagi e avea
ma Ona Alo Pele i la le tino, o lea e mafai ai foi ona
tatou manatu ma le mautinoa na ia filifilia lona afafine
agaga sili ona agavaa ma faaleagaga mai ona afafine
agaga uma ina ia avea ma tina faaletino o lona Alo e
Faavavau” (Doctrinal New Testament Commentary, 1:85).
Fesili atu i teine i lau vasega: Aisea o le a matuai aoga ai lava
le i ai o se tamaitai i totonu o tusitusiga paia e avea ma
faataitaiga? Ia valaaulia tamaiti o le vasega e faitau le Luka
1:26–56, ma fesili atu:
• O a uiga o Maria e te manatu e aoga ona faataitaia? (Sa mama
o ia [f. 27, 35], sa faatasi le Alii ma ia [f. 28], sa avea o ia ma
se auauna lotomaualalo [f. 38], sa ia viia le Alii [f. 46–47].)
• O le fea o na uiga e sili ona e manao ia maua?
• O le a se mea e mafai ona e faia ina ia atinaeina ai na uiga?
Fesili atu i tama: O le a so outou lagona pe afai e maua
e tamaitai talavou o aso nei ia uiga o Maria? Ia valaaulia teine
e tauloto mai le Autu a Tamaitai Talavou (tagai Tusi Taulima
a Tamaitai Talavou [1995], i. 4). Fesili atu: O a uiga o loo faaalia
i lena autu e te manatu sa ia Maria?
Ta’u atu i tamaiti o le vasega o le auala na ola ai ia Ioane ma
Maria na fesoasoani e faalautele ai le ata o le faaolataga. Sa
la’ua saunia le ala mo le fanau mai ma le galuega a Iesu Keriso.
O a la galuega maoae na faamoemoe e faateleina ai le mamalu
o le Faaola, ae le o la’ua. Ia molimau atu faapea o le auala
tatou te ola ai e sili atu ona taua nai lo o tatou foliga i fafo.
Ia faasino i le faata ma uunaia ia tama e taumafai e “toe
tomanatu” i mea na latou aoaoina e uiga ia Ioane i o latou
lava olaga, ma uunaia ia teine e toe tomanatu i uiga o Maria.
Luka 1–3 (tagai foi Mataio 3; 14:3–5;
Mareko 1:4–11; 6:17–20; Ioane 1:1–36).
O i latou uma e mauaina se molimau ia Iesu
Keriso e tatau ona tuuina atu le molimau ia
te Ia i isi i upu ma galuega. (35–40 minute)
S M T W TH F S
Fai atu i tamaiti e toe manatunatu ma fetufaai mea na oo i ai
lea na latou lagonaina ai le Agaga a o tuuina atu se molimau
a se tasi.
• O le a le mea na molimau ai le tagata?
• O a ni auala na aafia ai lou olaga i le molimau?
Tuu atu i tamaiti o le vasega e mafaufau po o le a so latou
manatu i le mea e sili ona taua ina ia molimau atu ai. Fai atu
ia i latou e tusi a latou molimau i se fuaiupu se tasi pe lua
i luga o se fasi pepa, ma valaaulia i latou e fetufaai atu mea
na latou tusia.
O mataupu muamua e tolu o Luka o loo aofia ai ia molimau
a nisi o tagata:
78
Maria Luka 1:46–55
Sakaria Luka 1:67–79
o le agelu i le vao Luka 2:10–12
o ‘au mai le lagi Luka 2:13–14
o leoleo mamoe Luka 2:20
Simeona Luka 2:29–35
Ana Luka 2:38
Ioane le Papatiso Luka 3:4–6; FIS, Luka 3:4–11
Tama Faalelagi Luka 3:22
Ia valaaulia tamaiti o le vasega e iloiloina nei molimau ma
mafaufau po o le a le mea e tutusa ai. Fesili atu:
• Aisea e taua ai le taulai uma atu o nei molimau i le Faaola?
• E faapefea ona faamanuiaina lou olaga i le avea o Iesu
Keriso ma se faavae o lau molimau?
• O le a le mea e le talafeagai ona tautala i ai pe a tatou tutu
atu e faailoa atu o tatou tagata i sauniga molimau?
Ia fetufaai atu le saunoaga lenei mai ia Elder Henry B. Eyring,
o se sui o le Korama a le Toasefululua, e uiga i le mea e aloese
mai ai a o tuuina atu se molimau:
“O i latou o e ua saunia faalelei mo le sauniga molimau
ma le anapogi . . . latou te le faia ni lauga po o ni
timaiga po o ni lipoti o malaga, pe taumafai foi
e faafiafia tagata a o latou molimau atu. Ona ua uma
ona latou faaali atu le faafetai i tagata i ni tulaga
patino, e le manaomia ai la e i latou ona fai lena mea
i luma o tagata. E le manaomia ai foi ona latou lagona
e tatau ona latou faaaogaina se gagana maotua pe
tautala umi foi . . .” (i le Conference Report, Oke.
1996, 43; po o le Liahona, Ian. 1997, 32).
Afai e lava sou taimi, ona valaaulia lea o tamaiti o le vasega
e toe faitau ia mau o loo lisiina i le siata e vaai ai mo le mea na
faia e nei tagata ina ia maua ai se molimau. (Mo se faataitaiga,
na mauaina e leoleo mamoe a latou molimau a o latou
faataunuuina a latou galuega o aso faipea. Na mulimuli ia
Simeona i le Agaga ma sa maua ai i totonu o le malumalu.
Sa anapogi ma tatalo ia Ana.) Ia uunaia tamaiti o le vasega
e taumafai ina ia ola i se ituaiga auala e mafai ai ona latou
maua pe faamalosia a latou molimau.
Luka 2:40–52. E ui lava sa leiloa e matua o Iesu
le mea sa i ai o Ia, ae sa Ia faia pea le finagalo
o Lona Tama o i le Lagi. (35–40 minute)
Fesili atu i tamaiti o le vasega pe i ai se tasi o i latou na leiloa.
Afai na i ai, ona fai atu lea ia i latou e faamatala mai o latou
lagona ina ua latou iloaina ua leiloa. Afai e leai, ia fai atu ia i
latou e manatunatu po o a ni lagona e i ai pe a leiloa. Fai atu ia i
latou e manatunatu i le avea ai ma se matua ua leiloa sana tama.