O le a le Feagaiga Fou?

“Sa savali mai Iosefa ia te a’u, ma sa foliga mai e
popole, ae sa faaalia lona fiafia, ‘ia ta’u atu i tagata ia
lotomaualalo ma faatuatua, ma ia mautinoa ua tausia
le Agaga o le Alii.’”
Fai atu i tagata e ta’u mai po o le a le mea na saunoa mai ai le
perofeta ia Poliga Iaga. Ia faitau e i latou le 2 Korinito 3:6 mo
se fesoasoani. O le taimi lava e ta’u mai ai e i latou le tali sa’o,
ia fesili atu: Aisea ua taua ai le tausia o le Agaga? Ia talanoaina
a latou tali, ona faaauau lea o le faitauina o le faamatalaga
mai ia Poliga Iaga e uiga i le mea na ta’u atu e Iosefa Samita
ia te ia i le miti:
“....Ta’u atu i le au uso ina ia faaavanoa pea o latou
loto mo le talitonuga maumaututu, ina ia oo mai le
Agaga Paia ia i latou, o le a saunia o latou loto e talia.
E mafai ona latou iloa le Agaga o le Alii mai isi agaga
uma; o le a musumusu atu le filemu ma le olioli i o
latou agaga; o le a aveesea ai le agaga o le tiapolo,
inoino, fevaevaea’i faapea ma mea leaga uma mai
o latou loto; ma o le a na o le tasi le mea latou te
naunau i ai o le faia lea o mea lelei, aumaia le
amiotonu ma atia’e le malo o le Atua. Ia ta’u atu i le
au uso afai o le a latou mulimuli i le Agaga o le Alii
o le a sa’o le mea latou te o atu i ai. Ia mautinoa ua
ta’u atu i tagata ina ia tausisi pea i le Agaga o le Alii”
(Manuscript History of Brigham Young, 1846-2847, ed.
Elden J.Watson [1971],529-30; italics added).
Toe taga’i i le 2 Korinito 3:6. Fesili atu:
• O le a le uiga o le fuaitau “e a le tusi e fasioti, a e a le
Agaga e faaola”?
• O a ni faataitaiga? (Auai i le lotu po o le Seminare ona ua
faamalosia oe e ou matua, o le anapogi e aunoa ma se
tatalo po o se faamoemoega.)
Ia faitau e i latou le 2 Korinito 3:17–18, ma ia saili mo
faamanuiaga e lua e maua mai i le ola i le agaga o le tulafono.
Ia talanoaina le saolotoga e sili atu o le tagata lava ia e maua
mai i le ola e tusa ai ma le Agaga.
Ia faaiuina lau faamatalaga e ala i le faitau atu o le saunoaga
lenei a Peresitene Ezra Taft Benson:
“O le Agaga o se mea lea ua sili ona taua i lenei galuega
mamalu” (The Teachings of Ezra Taft Benson 198).
195
Faatomuaga
I le tulaga o faitioga mamafa, sa puipuia e Paulo lona agaga faamaoni
i le avea ma auauna a le Alii (tagai 2 Korinito 5:11–6:18).
Sa ia faamanatu atu i le Au Paia e faapea o mafatiaga faalelalolagi
o se mea noa lea i le faatusatusa atu i le mamalu faavavau
(tagai 2 Korinito 4:17). A’o e faitau i le 2 Korinito 4–7 ia saili mo
le faamatalaga a Paulo e uiga i mea taua e iloa ai tagata moni
o loo auauna i le talalelei a Iesu Keriso (tagai 2 Korinito 6:4–7).
Ia suesue ma le agaga tatalo i le 2 Korinito 4–7 ma ia mafaufau
i mataupu faavae o loo i lalo a’o le’i saunia au lesona.
O Nisi Mataupu
Faavae Taua o le Talalelei e Saili Iai
• O mafatiaga faalelalolagi o se mea noa lea i le faatusatusa
atu i le mamalu e faavavau o loo faatali mai mo e faatuatua
(tagai 2 Korinito 4:15–18).
• O le Togiola e mafai ai e i tatou ona avea ma ni tagata fou i le
Alii (tagai 2 Korinito 5:14–21; ia tagai foi i le 2 Nifae 10:23–25).
• E le tatau ona tatou auai pe ioe atu ia i latou o e ua talitonu
ma faatinoina ni manatu e tetee i le Talalelei (tagai
2 Korinito 6:14–18).
• O se tagata e i ai le tiga e tusa i le Atua mo agasala o se tasi
lea ua ia iloa ua ia faatiga i le Atua ma ua manao ina ia
salamo. O i latou o loo i ai le faanoanoa faalelalolagi o loo
mananao pea ina ia agasala ma o le a le salamo (tagai
2 Korinito 7:8–11; tagai foi Alema 42:29–30).
Fautuaga mo le Aoao Atu
Ia filifili mai aitia o loo i lalo pe faaaoga ni au lava, a’o e
saunia lesona mo le 2 Korinito 4–7.
E mafai ona faaaoga faamatalaga o le New Testament
Video Vaega 16, “Godly Sorrow Leads to Repentance”
(9:10), i le aoaoina atu o le 2 Korinito 7 (tagai New Testament
Video Guide mo fautuaga e tuuina atu ai aoaoga).
2 Korinito 6:16–7:1, 8–10. O le tiga e tusa
i le Atua e maua lea mai le iloa ua tatou
faatiga i le Atua ma taitai atu ai i le salamo
faamaoni. (20–25 minute)
S M T W TH F S
2 Korinito 4–7
2 Korinito 4–7
Tusi le fuaitau tiga e tusa i le Atua ma le tiga faalelalolagi i luga
o le laupapa. Ia fesili atu i tagata o le vasega po o le a le eseesega
i le va o ia mea e lua. Ia fai atu i tagata o le vasega e mafaufau
i tulaga e lua o loo i lalo ma ia faalogologo ina ia iloa ai po o le
a le ituaiga faanoanoaga o loo i ai: I se faatalanoaga mo se pepa