O le a le Feagaiga Fou?

O le Tusi a le Aposetolo o Paulo i Kalatia
Faitau le Kalatia 6:7, ona talanoaina lea o le tulafono o le
seleselega ma le ala e faatatau ai i le olaga. (O le tulafono o le
seleselega o lo tatou seleseleina lea o mea tatou te lulu.) Ia
faitau e tagata o le vasega le fuaiupu 8, ma fesili atu: O le a so
outou manatu i le uiga o le lulu i la le tino ma le lulu i la le
agaga? Ia valaauina tagata o le vasega e faamatala mai
faamanuiaga ua latou seleseleina e ala i lo latou lulu i la le
agaga. Atonu e aofia i nei mea mea e fai e pei o le faitau i
tusitusiga paia, auauna atu, anapogi, po o le faaalia o le onosa’i.
I le olaga tatou te iloa ai i nisi taimi le tulaga e foliga mai e le
lavea i le tulafono o le seleselega. Ia faitau e tagata o le vasega
le Kalatia 6:9 ma le 3 Nifae 27:11, ona talanoaina lea o le auala
e faaalia ai i fuaitau “o ona po e tatau ai” ma le “i nai aso”
le manatu e faapea e leai ni tulaga e alo ese ai mai lenei
tulafono. E ui lava ina foliga mai e faatuai le tulafono, ae o le
a faataunuuina lava e tusa ma le taimi ua finagalo ai le Alii. Ia
tuuina atu i tagata o lau vasega tala e mafaufau i ai o loo i lalo
ma ia talanoaina e i latou le ala e talafeagai ma le tulafono
tulaga taitasi:
• E totogi e Kalaka se sefulua’i atoatoa ma e le foliga mai
e tele ni tupe na te teuina. Sa maua e Toma lea lava totogi
e tasi e pei ona sa maua e Kalaka ae sa le totogi e ia se
sefulua’i. E sili atu ona tele meatotino faaletino sa ia maua.
• E faamaoni Simi, e suesue ma le agaga naunauta’i, ma
e maua e ia ni togi feololo i le aoga maualuga. E kopi Taiana
204
i lana vasega ma e maua e ia ni togi maualuluga. Talu ai
ona o togi o lea tamaitai o Taiana e pei ona sa ia maua o le
mea lea na maua ai e ia se sikolasipi e alu atu ai i le Kolisi.
Ia faamatala atu le saunoaga lenei a Elder Spencer W.Kimball,
a’o avea ma se tasi o le Korama a le Toasefululua:
“Atonu e ola lelei le tagata amioleaga mo se taimi,
e mafai foi ona foliga mai e tele ni mea e maua e le
tagata tetee i ana amioga le tonu, ae peitai e oo mai le
taimi o le a faamasinoina ai tagata uma lava i luma
o le nofoa faamasino, ma o le a faamasinoina tagata
uma lava ‘e tusa ma a latou amio’ (Faaaliga 20:13).
E leai se tasi o le a sao mai ai. I lena lava aso e leai se
tasi o le a sao mai le faasalaga mo ana lava mea na
fai, ma e leai se tasi e faapea o le a na le maua
faamanuiaga e tusa ma ana galuega. . . .o le a i ai le
faamasinoga tonu atoatoa. (tagai Mataio 25:31–46.)”
(O Le Vavega o le Faamagalo Atu, mataupu 20).