O le a le Feagaiga Fou?

Mataio 9 (tagai i le Vitio Taiala o le Feagaiga Fou mo fautuaga
e aoao atu ai).
Mareko 4:1–25 (tagai foi Mataio 13:1–23; Luka
8:4–18). O i latou o e e ola e tusa ai ma le
malamalama o le talalelei na latou mauaina
o le a tuuina atu i ai mea e tele. (20–25 minute)
Ia valaaulia se tamaitiiti o le vasega e faia ni nai faamalositino
e fao i lalo ma tetee i luga le tino i lima. Fesili atu:
• O le a se mea e faia e lena faamalositino mo ou maso?
• E mafai faapefea e le auala o le tuputupuae o le malamalama
i le talalelei ona faatusatusa i le auala e tutupu ai ia maso?
Faitau faatasi ma au tamaiti o le vasega le faataoto i le tagata
lulu saito (Mareko 4:2–9). Fesili atu: O le a le mea o loo
faatusa i ai le fatu i lenei faataoto? (“O le upu”; tagai f. 15.)
Tuu atu i tamaiti o le vasega e faitau le Mareko 4:15–20 ma
vaai ai mo tali i vaega nei:
• O ai ae po o le a foi le mea o loo faatusa i ai ia manufelelei?
(Satani; tagai f. 4, 15.)
• Le mea papa? (tagai f. 16–17).
• Le vao tuitui? (tagai f. 18–19).
• Le eleele lelei? (tagai f. 20).
• O le fua? (E mafai e lenei fua ona faatusa i ai lo tatou
malamalama i le talalelei ma faamanuiaga ma galuega lelei
e maua mai le faaaogaina o lena malamalama; tagai f. 20.)
Fesili atu: O le a le mea e tupu i le malamalama o tagata i le
talalelei ma le malamalama pe a mavae le papatisoga pe afai
o lo latou eleele e lelei ma tumau ai pea ona malosi i totonu
o le Ekalesia? Faitau faatasi ma au tamaiti o le vasega le
Mareko 4:24–25 ma fesili atu ia i latou po o le a le mea o loo
aoao mai e nei fuaiupu e uiga ia i latou o e faatagaina le eleele
o o latou loto ina ia matua’i malo pe tuituia. Faitau le Alema
12:9–11 ma fesili atu:
• O le a le mea o loo aoao mai e nei fuaiupu e uiga i le
mauaina o le malamalama ma le atamai?
• O le a le mea o loo latou aoao mai e uiga i le le maua o le
malamalama ma le atamai?
• O le a le mea e tupu i le malamalama o tagata i le talalelei
pe a latou le toaaga? Aisea?
• E faapefea ona faapei lenei leiloa o le malamalama
o ituaiga eleele eseese o loo i le faataoto?
Faitau faatasi ma au tamaiti o le vasega le Mataupu Faavae
ma Feagaiga 76:5–10 ma fesili atu:
• O le a le mea o loo tauina mai e nei fuaiupu ia i tatou e uiga
i le mea e mafai ona tatou aoaoina pe a tatou usiusitai?
• O le a se mea o loo aoaoina mai e nei fuaiupu e uiga i le
auala e mafai ai ona tatou aoaoina nei mea silisili?
• E mafai ona e tuuina mai ni faataitaiga o lenei mataupu
faavae mai lou lava olaga po o olaga o isi?
63
Mareko 4–6
Ia valaaulia tamaiti o le vasega o e e mananao e fetufaai atu ni
mea na oo i ai ina ia faia loa. (Ia lapataiina i latou ina ia ‘aua
ne’i tuuina atu ni igoa sao.)
Faitau le faamatalaga lenei mai ia Elder Bruce R. McConkie:
“O le malamalama o le talalelei e le oo mai i tagata i
aoauli teatea, ae . . . e tuputupu malie ae i o latou loto,
o lea fuaiupu ma lea fuaiupu, o le mataupu ma lea
mataupu, o sina mea itiiti iinei ma sina mea itiiti iina
[tagai MFF 50:24]. O le mea e oo i ai, o e faamaoni
o le a faaauau pea ona alualu i luma i le malamalama
ma le upumoni, o le a faaalia atu ia i latou mea uma
ma o le a iloaina mea uma. (MFF 76:5–10; 93:26–28;
101:32–34; 121:26–29.) . . .
“‘E leai se faataoto, leai se aoaoga, leai se mea lilo,
leai se mea e natia, e taofia mai le malamalama
o e faamaoni; o le a faaalia atu i ai mea uma, ma
o e amiotonu o le a iloaina.’“ (Doctrinal New Testament
Commentary, 1:291).
Ia faaiu i le luitauina lea o tamaiti o le vasega ina ia sailia
le malamalama o le talalelei i o latou olaga atoa.
Mareko 4:35–41 (tagai foi Mataio 8:18–27; Luka
8:22–25). E mafai e Iesu ona faatoafilemuina ia
afa i o tatou olaga e pei ona Ia faafilemuina le
matagi i le Sami o Kalilaia. (10–15 minute)
Faaali atu i tamaiti o le vasega le ata o le Faafilemuina o le
Matagi (Mataio 8:23–27) (tagai i le faaopoopoga, i. 298). Fai
atu i tamaiti e iloiloina ia foliga o tagata uma o loo i le ata.
Faitau faatasi ma le vasega le Mareko 4:35–41ma fesili atu: