O le a le Feagaiga Fou?

O le Tusi Muamua a Peteru
Ia faamalamalama atu faapea o loo faaalia mai i tusitusiga paia
e ao i taitai o le Ekalesia ona fesoasoani e saunia i tatou mo le
Afio Faalua Mai o Iesu Keriso. Faitau faatasi ma tamaiti o le
vasega le 1 Peteru 5:1–4, ma talanoaina po o le a le uiga o le:
• “Tausi le lafu” (f. 2).
• Ia “leoleo i le lafu o ia te outou” (f. 2).
• Ia avea ma “faaa’oa’o i le lafu” (f. 3).
Fesili atu: O ai le “Leoleo Mamoe silisili”? Faitau le 1 Peteru
2:21 ma vaai mo auala e lua ua faamanuiaina ai e Iesu o tatou
olaga. Fesili atu:
• E mafai faapefea e le faataitaiga a Iese ma Lona puapuaga
ona saunia ai i tatou mo Lona afio mai?
• Faitau le 1 Peteru 2:25. O a ni auala e pei ai i tatou o ni
“mamoe ua se”?
• E mafai faapefea ona tatou avea Iesu ma “Leoleo Mamoe
ma Epikopo o o [tatou] agaga”?
Na tuu atu foi e Peteru le fautuaga i tagata talavou. Faitau le
1 Peteru 5:5–11 e vaai ai mo upu ma fuaitau autu e faamatalaina
ai lenei fautuaga, ona lisi lea i lalo i luga o le laupapa. Ia
talanoaina pe mafai faapefea ona fesoasoani lenei fautuaga
i le autalavou ina ia saunia lelei ai i latou mo le afio mai o le
“Leoleo Mamoe silisili.”
244
Fesili atu i tamaiti o le vasega pe latou te iloaina ni tagata o loo
misi mai le seminare po o se latou vasega mulimuli a tamaitai
talavou po o se fonotaga a le korama a le Perisitua Arona.
Fesili atu: Aisea e taua ai le iloaina po o ai i latou? Faitau atu
le saunoaga lenei mai ia Peresitene Gordon B. Hinckley:
“Ona o le faatupulaia o le fuainumera o tagata liliu
mai, e ao ona tatou faia se taumafaiga tele naua
e fesoasoani ai ia i latou pe a latou mauaina lo latou
ala. E manaomia e i latou uma taitoatasi ni mea se
tolu: o se uo, o se matafaioi, ma ia ‘faafaileleina i le
afioga lelei a le Atua’ (Moronae 6:4). O lo tatou tiute
ma le avanoa e sauniaina o nei mea” (i le Conference
Report, Ape. 1997, 66; po o le Liahona, Iulai 1997, 57).
Fesili atu i tamaiti o le vasega mo ni auala patino e mafai ona
tatou mulimuli ai i le fautuaga a Peresitene Hinckley faatasi
ma i latou tatou te iloa.
Ia molimau atu o le Alii ma Lana Ekalesia e manaomia ai
tagata uma, e aofia ai le autalavou, ina ia faataunuuina
fuafuaga a le Atua i aso e gata ai. Ia uu atu i luga ia tusitusiga
paia ma le tamaitusi Mo le Malosi o le Autalavou, ma uunaia
tamaiti o le vasega ina ia usiusitai i fautuaga e tuuina mai
i taitai faamaoni o le Ekalesia mai tisipenisione uma lava.