O le a le Feagaiga Fou?

O le Talalelei e Tusa ma le Faamatalaga a Mataio
• O le a le poloaiga lea na fai mai le au Faresaio ua solia
e soo o Iesu?
• Faitau le fuaiupu 10–14. O le a le mea na faia e Iesu na feita
ai le au Faresaio?
Faitau le Esoto 20:8–11 ma le Mataupu Faavae ma Feagaiga
59:9–10 e vaai ai mo auiliiliga o loo i le poloaiga o le tausia
o le faapaiaina o le aso Sapati. E tusa ai ma nei fuaiupu, e i ai
se mea na leaga ai le mea na faia e Iesu po o Ona soo?
• O le a le mataupu faavae lautele lea na aoao atu e Iesu ina
ia fesoasoani ai ia i tatou ia iloa le mea e talafeagai i le
Sapati? (tagai Mataio 12:12).
Tuu atu i tamaiti o le vasega e faitauina le Esoto 20:8–11 ma le
Mataupu Faavae ma Feagaiga 59:9–13 ma lisi i luga o se fasi
pepa ia galuega talafeagai mo le Sapati. Ia valaaulia nisi
o i latou e fetufaai mai a latou lisi i le vasega. Fesili atu:
• O a nisi o faamanuiaga ua outou maua i le tausiaina
o le Sapati ia faapaiaina?
• E tusa ai ma le fetalaiga a le Alii, o ai na fai i ai le Sapati?
• E tusa ai ma le Mataupu Faavae ma Feagaiga 59:9, 13–17,
o a faamanuiaga ua folafola mai e le Alii pe a tatou
faamamaluina le aso Sapati?
Mataio 12:30 (tagai foi Luka 11:23). E ao ona
tatou atinaeina lo tatou sootaga ma le Alii ma
faalautele Lana galuega. E le mafai ona tatou
le mautonu pe feeseeseai ma tumau pea ma
le Alii. (20–25 minute)
Aumai se tamai taavale meataalo, mapu, po o se polo i le
vasega. Faatulaga se laulau lapoa ae faasipa. Faaigoa le pito
i luga o le “Latalata i le Alii” ma le pito i lalo o le “Taumamao
ma le Alii.” Faataatia le meataalo i le ogatotonu ma tuu
e taavale atu i le pito i lalo. Fesili atu pe aisea e le tumau ai
le meataalo i le ogatotonu. Ia valaaulia tamaiti o le vasega
e faitauina le Mataio 12:30, ma fesili atu: E faapefea ona
faatusatusa lo tatou sootaga ma le Alii i le tamai taavale
meataalo i luga o le laulau o loo faasipa?
Ia fetufaai atu le talanoaga lenei ma Iosefa Samita, na
faamatalaina e Daniel Tyler, o se tagata na auai i le Ekalesia i
ona põpõ fou:
“E le’i leva talu ona taunuu atu le Perofeta i Commerce
(ina ua mavae Navu) mai le falepuipui i Misuri, sa ma
asiasi atu loa i ai ma le Uso o Isaako Pehuni i lona fale.
O ona sauaga o le autu lea o le talanoaga. Na ia ta’ua
soo ia le tele o faamatalaga sese ma le le sa’o ma le
feteenai sa faia e faasaga ia te ia e tagata ua liliuese,
o tagata o le Ekalesia ua fefefe faapea ma tagata e le
auai i le Ekalesia. ...
“Ina ua faamaeaina e le Perofeta ona faamatalaina
mai le faiga o ia, sa faapea atu le Uso o Pehuni: ‘Afai
e tatau ona ou tuua lenei Ekalesia ou te le faia e pei
38
ona faia e na tagata: ou te alu atu i se nofoaga e le’i
faalogoina ai lava le talitonuga faaMamona[,] ma ou
faamautu ai, ma o le a leai ma se tasi na te iloaina
e i ai se mea ou te malamalama e uiga i ai.’
“Na vave ona tali atu le Tagatavaai: ‘Le Uso Pehuni,
e te leiloa le mea o le a e faia. E leai foi se masalosalo
na manatunatu foi nei tagata e pei ona e manatu i ai.
Ae te le’i auai mai i lenei Ekalesia sa e i ai i eleele e le
faaituau. Ina ua talaiina atu le talalelei sa faapea ona oo
atu i ou luma le lelei ma le leaga. E mafai ona e filifili
i ai. E lua ni matai faafeagai sa valaauliaina oe
e auauna atu ia te i laua. Ina ua e auai mai i lenei
Ekalesia, ua e ofo mai e te auauna i le Atua. Ina ua
e faia lena mea, sa faapea ona e tuua le laueleele e le
faaituau, ma e le mafai lava ona e toe foi atu i ai.’“
(Juvenile Instructor, 15 Aok. 1892, 491–92).
Ia valaaulia tamaiti o le vasega e faitau le Faaaliga 3:16 ma
vaai ai pe faapefea ona faatatau i lenei manatu. Ona fetufaai
atu lea o le toe faaupuina lenei o le Mataio 12:30 e Elder Bruce
R. McConkie:
“O a’u o Keriso; sa ou tuliese ia temoni i le suafa o lo’u
Tama; sa ou faamaloloina ia ma’i i lona mana; o le
faaolataga e auala mai ia te au. Aua ne’i i ai se tasi
o outou e tumau pea i le le mautonu. Afai e te le o ia
te au, pe ua e faasagatau mai ia te au. Seiloga e te sau
ia te au ma e auai i la’u galuega, ma tausia au poloaiga.
O le a e tetee mai pea ia te au. E leai se faavaeluatai”
(Mortal Messiah, 2:213).
Faitau le Mataupu Faavae ma Feagaiga 58:26–27 ma fesili atu:
• O a mataupu faavae o loo ta’ua i nei fuaiupu ua fesoasoani
ai ia i tatou ia faaauau pea ona tatou agai atu i le Alii?
• O le a se isi mea e mafai ona tatou faia e faaali atu ai i le
Alii o loo tatou i ai i Lana itu?
Ia uunaia tamaiti o le vasega e taumafai pea ina ia faalatalata
atu i le Alii.
Mataio 12:31–32 (tagai foi Mareko 3:28–29; Luka
12:10). O agasala uma faapea ma upu leaga e
mafai ona faamagaloina ia i tagata, ae o le upu
vale i le Agaga Paia e le faamagaloina lea i
tagata. (15–20 minute)
Fesili atu: O le a le agasala e le mafai ona faamagaloina?
Fai atu i tamaiti o le vasega e faitau le Mataio 12:31–32 ma le
saili ai le agasala lea e le mafai ona faamagaloina ai se tagata.
Faitau le Mataupu Faavae ma Feagaiga 76:31–36 ma le 132:27
ma talanoaina pe faapefea ona faauigaina e nei fuaiupu le
upu leaga i le Agaga Paia. Ia fetufaai atu le saunoaga lenei
mai le Perofeta o Iosefa Samita: