O le a le Feagaiga Fou?

O le Talalelei e Tusa ai ma le Faamatalaga a Ioane
Faamatala i le vasega o le aloese mai le faamasino atu ma le
faitioina o isi, e le tutusa ma le faia o le agasala. Faitau le
saunoaga lenei a Elder Spencer W. Kimball a o avea o ia ma
se tasi o le Korama a le Toasefululua:
“E ui ina alofa le [Atua] i le tagata agasala, ae na te lå
‘taliaina pe faatagaina sina iota o le agasala.’ ( MFF
1:31.) O le avea o i tatou o ni tagata agasala e mafai ona
tatou talisapaia atili lona alofa ma le agalelei pe afai
e faapea foi ona inoino i le agasala ma o le a uuna’ia
ai i tatou e suia o tatou olaga e ala i le salamo”
(The Miracle of Forgiveness, 59).
Na faaopoopo mai ia Elder Russell M. Nelson, o se tasi o le
Korama a le Toasefululua e faapea:
“Na o‘o mai se lagona ou te tautala i le mataupu o le
onosai. . .o se uiga lelei e manaomia tele i lo tatou lalolagi
fesoua’i. I le talanoaina la o lenei mataupu, e tatau
ona tatou iloaina mai le amataga e i ai le eseesega o le
onosai ma le onosa’ia. O lou onosai ma le agamalu mo se
tasi e le avea ai lena ma mea e maua ai e ia se faatagana
e fai le mea sese, pe avea foi lou onosai e faatagaina ai
oe e te onosa’ia lana mea sese. O le eseesega lena e
faavae ai se malamalamaga i lenei uiga lelei taua”
(Lipoti Konafesi Aperila 1994, 90; Liahona, Iulai 1994. 73).
Toe faitau e le vasega le fuaiupu 11 ma saili pe o le a le lagona
na oo ia Iesu e tusa ai ma le fafine ma ana agasala. Talanoaina
ni fesili a le vasega e uiga i le alofa atu i o latou tuaoi ae inoino
i le agasala. Fesiligia le vasega mo fautuaga pe faapefea ona
faataunuuina lea tulaga ma tusi ia fautuaga i luga o le
laupapa. Molimau atu o Iesu Keriso o lo tatou faataitaiga. Na
ia taumamafa, faifai mea faatasi ma alofa i e agasala, ma sa Ia
faamanino atu e le aunoa Lona inoino i le agasala.
Ioane 8:31–32. A o tatou sailia ma mulimuli
i le mea moni, e faasa’olotoina i tatou mai
le faapologaina e le agasala ma mea sese.
(20–25 minute)
S M T W TH F S
Faitau e le vasega ma faatusatusa le Ioane 8:31–32 i le Ioane
8:34. Tusi le ata lenei i luga o le laupapa:
Faaletino
Faaleagaga
Faalevafealoa’i
Faalemafaufau
124
Fesili i i le vasega:
• E faapefea ona aafia tatou i le faaletino, faaleagaga,
faalevafealoa’i ma le faalemafaufau ona o le agasala?
(Lisi tali i luga o le laupapa.)
• E mafai faapefea e le upumoni ona faasa’olotoina mai
i tatou i vaega e fa pei ona taua i luga?
Sa faalauteleina mai e Elder Bruce R. McConkie le fuaitau
“e tuusa’oloto foi outou e le upumoni,” e faapea:
“Sa’oloto mai le malosi leaga o mataupu faavae sese;
sa’oloto mai le nofo pologa i manaoga ma tuinanau;
sa’oloto mai noataga o le agasala, sa’oloto mai i mea
leaga ma o aafiaga pi’opi’o uma ma lå sa’o, ma le
malosi e taofiafia ai; sa’oloto e oo atu i le sa’olotoga
e leai se gataaga ma olioli ai i lona atoatoaga, e na
o tagata ua faaeaina” (Doctrinal New Testament
Commentary, 1:456-57)
Fesili i le vasega pe i ai nisi ua a’oa’oina i le musika.
(Manatua: Afai ua e faaaogaina le fautuaga mo le aoaoina atu
o le Luka 17:1–10 [i.95], e mafai ona e faaaogaina se isi taleni
mo lenei lesona faatino.) Afai e fesili se tasi: E faapefea i le
aoaoina o le musika ona faaitiitia lou sa’olotoga. (O se tasi o
tali o le aoaoina e mafai ona tele taimi e alu ai ma o le a le lava
ai le taimi e faataunuu ai isi mea tatou te mananao e fai).
Valaaulia se tagata o le vasega e le tele sona malamalamaaga
i le musika e taina i se laau faimusika se pese faigata ua
e filifilia. Fesili i le vasega:
• E faapefea i le mauaina o le malamalamaaga i le musika ma
le a’oa’oina o le taina o le musika ona faasa’olotoina le tagata?
• E faapefea i le le lava o le iloa ma le poto faapitoa ona
faaitiitia le sa’olotoga?
Ina ia faamalamalamaina atili lea manatu, ia taina se musika
sa pue’ina pe valaaulia se tagata e matua lelei lana ta laau
e taina se musika mo le vasega. Ia taina mo se taimi umi ina
ia mafai ai ona maua ma lagona le matagofie o le musika. Fesili:
• O le a sou lagona pe a e faalogologo i se tasi ua tele se
sa’olotoga e taina ai musika?
• E faapefea ona faatusatusa lea i le mauaina o le malamalama
ma le ola i le talalelei? (Talanoaina a latou tali.)
Faamatala o le malamalama o le mana lea pe afai tatou te ola
e tusa ai ma lena malamalama. O le lå iloaina o le mea moni
e faaitiitia ai lo tatou sa’olotoga e ola i le talalelei. O le agasala
ma le valea e noatia ai ma taofia i tatou mai le tulaga e mafai
ona tatou oo atu i ai, ae o le usitai i le mea moni e maua ai e i
tatou le sa’olotoga. Fesili: O a ni faataitaiga o auala e mafai ai
ona tatou maua le sa’olotoga mai le mea moni?
Ioane 8:33–59. Na ta’utino manino mai e Iesu
Lona lava paia. (20–25 minute)
Faamatala i le vasega o le Ioane 7–8 o loo ta’uina mai ai faafia
e le Faaola Lona lava paia. Vaevae le vasega i ni vaega se fa.